|
وش يذبح المشتاق غير الوساويس [TABLE1="width:85%;background-color:royalblue;border:9px inset white;"] | [/TABLE1][TABLE1="width:80%;background-color:black;border:9px outset skyblue;"] | [/TABLE1]http://www.ahl-alsonah.com/up/upfiles/DDP68394.gif ياصاحبي نيران شوقي مقابيس شفها بصدري تاكل أقصاه وادناه وليتني للشوق واقفيت باريس والشوق مايرحم خفوق(ن) تولاه وخليتني مابين هم وهواجيس و(زهور حزن)! وفوح (مسك المعاناه)! ومن يوم بصر في طبوعك تضاريس بين الفراق المر واللامبالاه... أدمنت أنا ريح الحبر بالقراطيس وادمنت من زود الوله ريح معناه الوقت لا قيض يجي به نسانيس وانته ربيعك مايجي منه رجواه ياصاحبي والليل ضوه فوانيس فانوسك اللي بالحشا ويش طفاه؟! وش يذبح المشتاق غير الوساويس هو صاحبه يذكره والا تناساه؟؟ والا الغلا ماهو مجرد أحاسيس واللي خلق حبك بقلبي وسواه إني أحبك حب فوق المقاييس والله فلا أحد(ن) حب مثله وشرواه يعني غرام أهل القنص بالقرانيس وهيام قيس بن الملوح بليلاه وعشق البدو لمشاهد البر والعيس ووجد المعنى للحبيب ولقياه قدام حبي لك تراهم مفاليس واكبر دليل إن شفت عيني بتقراه شفني سهرت وكل ابوهم مناعيس مافيهم اللي جر قافه وغناه من حر شوق وفيض موق وكوابيس والا طراله طيف خله وعناه ياصاحبي ليتك مكاني وباقيس من شان تعرف ويش معنى المساواه تدري وش اضمى من عروق(ن) ميابيس؟ أبطت لهمال المواصل تحراه وامر واقسى من حياة المتاعيس؟ اللي خذوا من قاسي العمر قسواه لا صرت تعشق واحد(ن) صوب باريس الموت بعده واسعد الموت لقياه!!! ممما تصفحت |
رد: وش يذبح المشتاق غير الوساويس صح لسانك وصح لسان قلايلها عجبتني حييل وعنوانها جذبني كثيير تسلم اناملك سهورة عل هالطررح العذذب بانتظار جديدك المميز وتم التقييم |
رد: وش يذبح المشتاق غير الوساويس ع ناقيد من الجمال,, تحيط بروعةموضوعك.. سلم حسك وبيانك,, دمت بتميز,, |
رد: وش يذبح المشتاق غير الوساويس يسعدني ويبهج قلبي جمال اطلالتكم ورقي بصمتكم الرائعه الله يسلم اناملكم لاحرمنا الله تواجدكم لروحكم طوق الفل |
| الساعة الآن 07:19 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها