قصيده للبنات المستعجلات على الزواج ﻻ تحسبين العرس توفي وكتكات .... وﻻ تحسبينه تويكس واﻻ بونتي وﻻ تحسبين العرس كيكة وطرطات .... وصلة قطعتيها ووصلة بلعتي وﻻتحسبين العرس تصفيق واصوات .... وانت على صوت الغطاريف همتي وﻻتحسبين العرس كوشة ولمبات.... وانت كما الطاووس فيها جلستي وﻻتحسبين العرس احﻼم في الشات .... ياما بنيتيها وياما هدمتي وﻻ تحسبين العرس روحة وجيات .... هيا اقضبي بيتك عسى مانهبلتي ليلة سعيدة وانت احلى الجميﻼت .... تشخص عيون الناس اذا حضرتي ( والﻼينر)حطيه بﻼ زيادات .... ﻻ يخرب المكياج اذا دمعتي (والمسكرة)تحتاج لطف ومدارات .... حتى يبان الزين اذا رمشتي (واﻻسبريه )رشيه حتى البصيﻼت .... يمسك شعرك زين لو كان زدتي وترى(المحدد)فن يحتاج رسمات .... يبان رسمه زين اذا ابتسمتي العرس يابنية ماهو شعارات .... تفنى مراسيمه وتبقين انتي ويبقى شريك العمر راعي الطويﻼت .... هذا هو العرس حقيقه عرفتي؟اول نصيحة لك حفظ الصلوات .... صلي العشا والفجر في كل وقتِوفي ليلة العرس الموفق بالذات .... ادعي الكريم إذا سجدتي والتعري ﻻترضين عند الكوفيرات .... ولبسك يملى العين اذا لبستي واللي على زوجك تحرضك مرات .... ارجوك شوتيها شوتت بلنتي والصبر في العشرة حتى على فتات .... ياماحﻼ فعلتك يومك صبرتي واذا حفظت السر مع المدارات .... زوجك ترى في عيونه كبرتي والسوق يعني هاه وقت الضرورات .... واﻻترى زوجك يدور لمفتي زيدي الغطاية وكثري في العبايات .... والله يرضى عنك اذا سترتي اوصيك بالكبسة وكثر اليدامات .... حتى لوانك من سببها متنتي وخلي الرجيم اللي فشلتي فيه مرات .... سويه مرة واحدة ﻻ ولدتي |
رد: قصيده للبنات المستعجلات على الزواج هههههههههه ابيات طريفه و تحمل من الحكمه الكثير لاهنت يالغاليه . |
رد: قصيده للبنات المستعجلات على الزواج ههههههههههههههه في قمة الابداع دمتي مبدعه ومميزه |
رد: قصيده للبنات المستعجلات على الزواج ابداع ليس له نهايه انتقاء طريف وطرح ممتع دمتي يالغاليه ودام لنا قلمك الراقي |
رد: قصيده للبنات المستعجلات على الزواج هههههههههههههههه طرح رائع الغريبه يعطيك الف عافية تحياتي لك |
رد: قصيده للبنات المستعجلات على الزواج يعطيكم الف عافيه ع مروركم العطر فلقد اسعدتموني كثيرا.. |
رد: قصيده للبنات المستعجلات على الزواج يآآزين هالقصيده ههههههههههههههههههههههه تسلميين ولك آحلى لآيك يآعسسل |
الساعة الآن 07:16 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها