لك اعيون ظبي ٍ وسعها غاية المطلوب وانا ليش ما أهواك يالجادل الرعبوب غريب السؤال اللي اجابتْه معروفه غرامك صطى فالقلب واصبح حديث اقلوب مشاعر مابين اثنيننا اليوم مكشوفه على حلوك وهرجك يزين اول المشروب سقى الله ليال السعد لا شك مخلوفه بليله لقيتك بارد الخافق المشبوب تعالي وضمي شاعر ٍ حطك ابجوفه تغنّاك فالمنكوس والاّ على المسحوب لقى في حروفك شعْر... تو زانت احروفه غديتي بصوب وغيرك امن البنات ابصوب جذبني جمال ٍ فيك عن غيرك ايطوفه أنا وش أقول بجسمك الفارع المربوب وانا وش اقول ابخصر ٍ اثقِلْته اردوفه علامك بلبس الثوب كنّه تِقِل مغصوب على صدرك المبروم راعيه واظروفه على الهون لا يظغط ليانه زرار الثوب واخَصّص حبيبات الكرز فيه مصفوفه بعد بان لي خدّ ٍ حماره شعاع اغروب لقيت الشروق ابجيدك وهاضني شوفه لك اعيون ظبي ٍ وسعها غاية المطلوب حلاة العيون ونظرة ٍ منك مكسوفه وحلاة الشفايف والشهد فوقها مسكوب تذوقته وكنّي بها الروح مخطوفه تناثر جديلك خطْر ٍ ايلامس العرقوب تقفّيتي وشفته كما الليل باطيوفه أدوّر بزينك عن مداخيل لايْ عذروب يحير العقِل والحسْن ماطِرْتك قْنوفه أحبك وجيتك لا غلبتك ولا مغلوب عشقنا بعضنا والأحاسيس ملهوفه أمد الغلا لك غيم واستقبله معشوب ربيع ٍ يضم الورد باطرافه وجوفه يقولون عني يوم احبك كثير اعيوب وانا ادري بهم عذال وانفوس ملقوفه لك الصدق والاخلاص ياحلوة الاسلوب ولك الوصْل سيل ٍ معْه الاشواق مجروفه ولك اصدق معاذيري ليا شفتي المحبوب يطول بغيباته مع الوقت واصروفه والله ماهي لي والله |
رد: لك اعيون ظبي ٍ وسعها غاية المطلوب تناثر جديلك خطْر ٍ ايلامس العرقوب:wooow: تقفّيتي وشفته :eh_s(1):كما الليل باطيوفه:eh_s(1): :22:مشاعر مابين اثنيننا اليوم مكشوفه:22: :wooow: مطر لا تحلف :crosscrusher: تعال تعال :crosscrusher: أنت اللي سدحتها :eh_s(8): |
رد: لك اعيون ظبي ٍ وسعها غاية المطلوب تسلم ايدك على الطرح الرائع يعطيك الف عافية ننتظر المزيد منك تقديري لك |
رد: لك اعيون ظبي ٍ وسعها غاية المطلوب ههههههههههههههههههههههه لالا مو انا تشرفت بحضوركم الكريم وردودكم الجميله مودتي وتقديري |
رد: لك اعيون ظبي ٍ وسعها غاية المطلوب ابيات رائعة يعطيك الف عافية تحياتي لك |
الساعة الآن 08:33 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها