منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   البرواز (http://www.5jle.com/vb/f9/t46757.html)

طلال العجمي 29 - 9 - 2012 12:02 PM

البرواز
 
البرواز

شعر: عبدالرحمن بن مساعد


قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى

أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى ..

مودتي لكم ؛ طلال

عذبة الاحساس 29 - 9 - 2012 12:34 PM

رد: البرواز
 
سُطورَ رآئِعهَ يَعطيِكَ آلعَآفيَهَ
سَلمتَ آنَآملِكَ آنتقَآءَ جميَلَ
بِ آنتظَآرَ تَميزَ آخَرَ ..
وَدُيِ وَتٌقْدِيُرٍيً .

طلال العجمي 30 - 9 - 2012 02:24 PM

رد: البرواز
 
اسعدني حضورك في متصفحي
تحياتي لك


الساعة الآن 09:28 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team