منتديات خجلي - وفيت بعالم خاين أبد مايعرف الطيبة

وفيت بعالم خاين أبد مايعرف الطيبه..
‏إذا زاد الوفا مني لقيت بعالمي صدمه..

أشيل هموم هالعالم وهمي زاد تغريبه..
‏وحيد في دروب الحزن وأكتب دمعتي كلمه..

زمن خاين وصدق الحب من أول عذاريبه..
‏‏يظن إن الوفاء والصدق ينشر في الفضاء عتمه..

إذا قلت الزمن وافي يصيرون البشر عيبه..
‏وإذا قلت البشر وافين يصبح هالزمن غمه..

‏قليل إللي يشيل الطيب والحب ينادي به..
‏وكثير إللي يشيل الظلم في قلبه ولا همه..

قليل إللي يحس بلوعة الشاكي ويدري به..‏
‏وكثير إللي يزيد الجرح دون إحساس أو رحمه أو أسباب ..

‏قليل إللي ضميره حي والإخلاص يسري به..
وكثير إللي بدون شعور يغرس في البشر سهمه..

قليل إللي إلى منه وعد في شي يوفي به..‏
‏وكثير إللي يخون الوعد والضحكه على فمه..

عجزت أفهم وش المطلوب مدري صدق أو ريبه؟!!
عجزت أفهم وش المطلوب حزن وهم أو بسمه؟!!

ترى ماكل من يحكي يحس بكلمته هيبه،..‏
ولا صمت البشر مقياس للتدبير والحكمه...

راق لي أتمنى يروق لذائقتكم
دمتم بكل الود