منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   قصيده عن الأم أبكت من لم يبكي يوما (http://www.5jle.com/vb/f9/t50788.html)

دلوعةالشرقيه 8 - 11 - 2012 02:37 PM

قصيده عن الأم أبكت من لم يبكي يوما
 


اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

-------------------------------
منقوووووووووووووووووله

جحــود!! 9 - 11 - 2012 12:45 AM

رد: قصيده عن الأم أبكت من لم يبكي يوما
 
:g1:

فداك:22:
يايمه
ومهما قلت من كلمات

:no: لاحد يتعب عيون احد

دلوعةالشرقيه 9 - 11 - 2012 06:26 PM

رد: قصيده عن الأم أبكت من لم يبكي يوما
 
يسلمووووووووووووو.

[/table1]
بنت البحر 10 - 11 - 2012 09:17 PM

رد: قصيده عن الأم أبكت من لم يبكي يوما
 
[table1="width:70%;background-color:crimson;border:10px solid skyblue;"]

دلوعة الشرقيه

كلمات مؤثره صادقه
تنزف حزن وندم

لروحك ود لاينتهي
لك خالص الأمنيات وأرقها

فايف ستارز رائعه صفحتك



دلوعةالشرقيه 11 - 11 - 2012 03:49 PM

رد: قصيده عن الأم أبكت من لم يبكي يوما
 
وان لحضوركم زاد لمعان سطوري نورا
وابتهاجا وسرورا
بما نثرتو من عطرالرد في متصفحي
لهو زادني فرح وسعاده ادام الله عليكم
السعادةالسعادة

همس الود 29 - 11 - 2012 04:15 PM

رد: قصيده عن الأم أبكت من لم يبكي يوما
 
يسلموووو
دلوعةالشرقيه
يمه لو تطلبين قلبي أعطيك ايه

همس الود 29 - 11 - 2012 04:15 PM

رد: قصيده عن الأم أبكت من لم يبكي يوما
 
يسلموووو
دلوعةالشرقيه
يمه لو تطلبين قلبي أعطيك ايه

قلبي يحبك 30 - 11 - 2012 11:03 AM

رد: قصيده عن الأم أبكت من لم يبكي يوما
 
يآآربي ربي يرحمهآ يآرب ،
دلوعه كل الشكر غاليتي
وربي حزنت يوم قريت القصيده
الله يصبره يآرب
الام مآفيي مثلهآ اثنين ،،..!
ماننحرم عزيزتي ،:22:

مناوي الشرقيه 14 - 2 - 2013 11:21 PM

رد: قصيده عن الأم أبكت من لم يبكي يوما
 

آحاسيس آنفآس حروفك الأنيقة كانت تفوح هنا بنقاء ي دلوعة الشرقيه
فآضآفت على المكان حله وعبير تغلغل في آعماقنا
قد آنسكبت روح من العطاء على موسيقآ حروفك الهادئه لربما في عبيرها الزاهي يدفعها الى مزاولة رائحة العطر الجميل الذي بزغ
ليضيء عتمة عطشنا لمثل هذا النوع من الحروف
المنحوته على مر العصور
ففي لوحتك منهجيه خاصه تنفرد بها عن جميع اللوحات التي رائيتها
آبجدياتك مكتويه بالشموخ ومرتويه بجنون باذخ
فشضايا حروفك سيطرت على معجم آبجدياتي ...
حتى ايقنت بانك وصلت لمرحلة لايمكني تقييم ابداعك
دمت بـ كل الود و دآم عبير عطرك يفوح في الآرجآء
آكاليل الجوري تعانق روحك و تسعد قلبك



الساعة الآن 02:24 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team