|
يا بوي ليه تبكي كل ما شفتك وعينـك لـي يا بوي ليه تبكي كل ما شفتك وعينـك لـي تخاف أموت يا بوي ... وقبل الموت تبكيني كفا يا بوي لا تبكي وأنا موجود معك وحـي أجل بعد الرحيل أشلون في قبري توطينـي ابوي لو تموت الناس ما تسوى دموعـك ذي وأنا يا بوي ميت قبل أموت وأنـت محيينـي قسم بالله يا بوي لجل عينك شربـت الغـي جرعت الهم والحرمان وبحر الويل يسقينـي تحملت السنين اللي طوتني في عذابي طـي وصار الجمر بكفوفي .. وتحت أقدام رجليني يا بوي ما على عمري حسافه ولا بقا بي شي ولكـن بطلبـك يا بـوي تكفـا لا تخلينـي يا بوي ما بي غيرك يغسـل جثتـي بالمـي وتكفا قبل لا أتكفن .. يا بوي فك لي عينـي بأمر الله يمكن ألمحك وأرحل في عيني ضي وودع وجهك الطاهر مع دنيـاي وسنينـي وخل الناس تحملني وترفع راسي ورجلـي وتاخذني على قبري وتكسب أجرهـا فينـي واذا جيت القبر يا بوي نزلني شوي شـوي ووجهنـي لبيـت الله .. وقبلـة المصلينـي وحط الطين وأدفني وعز اللي يعـزي فـي ثلاث أيام يا بـوي .. يواسـوك المعزينـي ورابع يوم يا بوي تذكر .. ضحكتي وعني تذكر وش كنت أقول يـوم أنـك تنادينـي تذكر يوم كنت أنام في ظل النخـل والفـي تجي يمي تصب الما..على وجهي وتصحيني تذكر جرة الموال وصوت في حبالـه كـي تذكر يوم أغني لك قصيدي وانت توحينـي تذكر ضحكتك لا قلتلك يا بوي عشقي هـي تذكر كم قصيدة خافيه مـا بينـك وبينـي تذكر كل شي كان وأذكر يـوم انـا حـي |
رد: يا بوي ليه تبكي كل ما شفتك وعينـك لـي إنتقاء رائع غاليتي ينقل لقسم الشعر |
رد: يا بوي ليه تبكي كل ما شفتك وعينـك لـي يعطيك العافيهه كلمآتت رآئعه ومؤلممه كل الشكر لاحساسك ماننحرم جديدك الرآئع ودي لك ، |
رد: يا بوي ليه تبكي كل ما شفتك وعينـك لـي يا بوي ما بي غيرك يغسـل جثتـي بالمـي |
رد: يا بوي ليه تبكي كل ما شفتك وعينـك لـي يسلمو قلبو على المرور |
| الساعة الآن 02:36 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها