|
منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره السلام عليكم ورحمة الله وبركاته اسعد الله اوقاتكم بكل خير حبيت انقل لكم هذه القصيده اللي بصراحة اعجبتني بقووه وانشالله تعجبكم......... اليـكم القصـيده ياجمــاهيري وهــي خطـره ... وخلوا هالرقابة تسـجن الشـاعر وجمــهوره هدوءاً ايها الساده حضور الحفل والسهره ... مساء الخير ع الصاحي واشوف الناس مخموره انا اسف على الازعاج ولكن طارت السكره ... ذكرت اني قبل ساعات اصيل وعزوتي نوره على فكره الكرفته عجزت افكها وهي عسره ... ابي واحد ينزلها او اي وحده ومشكوره ابي ثوبي جيبوا لي ثوبي الاشهب مع الغتره ... قبل والله لاطربقها على الحفل وحضوره ولا واحد يتكـلم قبـل مـا اخـلص النشـره ... ومن يحكي قسم بالله لادوس بحنجوره انا ابحكي من اول يوم جيت لدنيا قذره ... وتكرم عن قذارتها بيوت الله ومعموره انا مولود في ليله شتا مع بردها مطره ... في خيمة وسط صحراء مابها سستر ودكتوره انا ياحضرة الساده غريب وضاع من صغره ... لعن جدي زماني بين مدهوره ومهجوره حملت من الشقا مالايطاق وجايكم ذكره ... ولاني عاجز اتحمل واموت بنفس مقهوره وانا ادري يذبح الرجال كثر الصبر في قهره ... وعن قهر الرجال المصطفى حذر ومذكوره وهم قالوا مفاتيح الفرج للحي في صبره ... وانا اشوف الصبر مفتاح ضاع وزاد طابوره تعبت الملم ايامي بدين الهم والحسره ... تعبت المع البرواز وامسح غبرة الصوره تعبت ابوس كف الجوع و خشم الفقر طال عمره ... تعبت اكذب على الحاجه واقول الحال ميسوره تعبت احمس من القهوه واحط السمن والتمره ... وتعبت ودلتي وحده وكل شوي منثوره احسب العز بالدله وبيت نذلبه عشره ... دلاله اكثره ملعون ومليانه ومسطوره انا بحكم البداوه انزرع في داخلي بذره ... عن علوم المراجل الف بذره فيني مبذوره تربينا على الدين ونطيع الله مع شكره ... وتعلمنا نصلي ونحفظ القران وكل صوره تعلمنا نحب الضيف وفينا الكرم فطره ... وتعلمنا نقول الصدق لا لفه ولا دوره تعلمنا نحلب النوق ونعرف وش هي البكره ... تعلمنا الضما وحنا بدينا البير محفوره وتعلمنا وكثير اللي تعلمناه وش كثره ... اخذنا درس بالدينا بلا دفتر وسبوره وانتم ياسكارى الحفل عفوا ايها الزمره ... منهو فيكم عرف قهر الزمان وظلمه وجوره منهو فيكم وطاه الجوع وذله وصفقه فقره ... منهو فيكم عرف يحتاج للقمه ونشف زوره منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره منهو فيكم مشا حافي برمضا كنها الجمره ... ومنهو فيكم سهر ليل الظلام بدون اباجوره ومنهو فيكم ماطاح الفين مره وسلمت الجره ... وانا من قبل اطيح وجرتي بديني مكسوره لكم الماء والوجه الحسن والمال والخضره ... ولنا حنا الضما والجوع وفقر وشيفة عوره ولا مره حظي ضحك بوجهي واشكره مره ... وغيري مبتسم حظه وكل ايامه مسروره كتبت الشعر من صغري وبيوتي مابها كسره ... وانتم تبرزون اللي كتب بيتين مكسوره انا ياحضره الساده فقير ماغتنى بشعره ... مادام المومس اللي تشري الاشعار مشهوره انا ياحضره الساده هنا الليله وعلى فكره ... ترا هالبدله مسروقه ورجلي بجزمه محشوره ولكن قلت ابحضر هالحفل والعمر ابختصره ... وابي ابدع معاكم وسط ليله انس ومحضوره واذا كانت رجولتكم بكاس الثلج والخمره ... انا ابشرب بدون الكاس وثلجها الف قاروره ابوي قاللي مره دسم شاربك بالغبره ... مايدري ان الشنب محلوق وجابر فاقد لشعوره انا بمشي مادام الليل ودع وابتدا فجره ... بروح ارد هالبدله على هالمعلاق ومزروره وانا ادري ياكلاب الحفل اني بالسجن بكره ... مادام الليه جبت العيد بهذا الحفل وحضوره |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره غندا .. يعَطيك ربي الف عَآفيه يآبعدي وتسلم ديآت ديآتَك .. طرَح رآئعَ وآنتقــآآ ء اروَع .. ذوق بآختيآرَك |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره تـوآجدك الرائــع ونــظره منك لموآضيعي هو الأبداع بــنفسه .. يــســعدني ويــشرفني مروورك الحاار وردك وكلمااتك الأرووع لاعــدمت الطلــّـه الـعطرهـ |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره تعبت الملم ايامي بدين الهم والحسره ... تعبت المع البرواز وامسح غبرة الصوره غاليتي غندا أبدعتي ب السرد .. ممتنـه بحجم الكوون ل سحابة عطرك وابداعك سلمت اناملك الرائعه كما راقت لك راقت لنا غاليتي بنتظار القادم الجميل منك لروحك كل الود |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره كل الشكر لكـِ ولهذا المرور الجميل الله يعطيكـِ العافيه يارب خالص مودتى لكـِ وتقبلي ودي واحترامي |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره ولا مره حظي ضحك بوجهي واشكره مره ... وغيري مبتسم حظه وكل ايامه مسروره روووعه كالعادة غدا رآآآآق لي ما نقلتي دمتي بود حبيبتي |
رد: منهو فيكم من الضيقه حفر باصابعه قبره ... منهو فيكم رقد ليله وسط اجساد مقبوره تربينا على الدين ونطيع الله مع شكره وتعلمنا نصلي ونحفظ القران وكل صوره تعلمنا نحب الضيف وفينا الكرم فطره وتعلمنا نقول الصدق لا لفه ولا دوره صح لسانه ويسلم يمناك مساء الخير ع الصاحي :biggrin: واشوف الناس مدموره |
| الساعة الآن 12:58 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها