|
ياعين هلي دمعك يا قلب وش بقى فينا من عقب الوداع غير الاحزان والهموم اللي دوم معانا يا عين هلي دمعك واذهلي كل قاع من عقب ما وليف الروح بالصد جزانا هلي يا عين دام صادق الود ضاع عل الفرح عقب الحزن يضوي سمانا اعتزي بالحزن وانخاه ويجي فزاع ما بقى الا هو يا قلب والخل به رمانا خل جزى كل الوفى بالصد والخداع خل نبكيه يا عين وهو ما قد بكانا يا قلب وش جزى اللي للحب بياع وش جزى اللي راح ونسى هوانا اشكي لك الحال يا قلب وانت ملتاع اشكي وانا ابكي وعذاب الحزن ادمانا وشلون نوفي لصاحب كان للوصل قطاع وشلون نحزن على اللي اقفى ونسانا وونتي على وقت ضاع والقلوب جياع وونتي وسقم حالي دام الحزن خذانا ليه يا قلب انت للحزن والعذاب جماع ليه ماتنسى خلك انا اشهد انه كفانا كفانا الم واحزان خل لرياح الفرح ذعذاع كفانا طرد وراى حلم اقفى وخلانا خذلنا وانت يا قلب كنت له مرباع وانتي يا عين ما تفرحين الا لامنه لفانا وانا اللي كنت لحبه العاصي زراع وما حصدت الا الحزن اللي اكتسانا بداخلي شوق لناره قاسي الحديد ماع شوق لشوف ذاك اللي بالحب عصانا شوق اسرني وذلني وانا له منصاع ما اقوى على رده دامه يا قلب احتوانا وش حيلتي دام اللي هويته للوصل مناع دامه اقفى وبنار الفراق والهجر كوانا ارجاك يا قلب انسى ولو الوقت ما طاع ارجاك تنسى دام الحب اللي ضويناه طفانا |
رد: ياعين هلي دمعك يعطيك العافيه على هالكلام الرائع تسلم يمينك اخووي |
رد: ياعين هلي دمعك يسلمووعلى الانتقاء المميز تقبل مروري لسموك |
رد: ياعين هلي دمعك اسعدني تواجدكم لكم مني لود وعطر الرد تحيتي لكم |
رد: ياعين هلي دمعك وشهوله نوفي لصاحب كان للوصل قطاع وشهوله نحزن على اللي اقفى ونسانا يسلم :22: |
| الساعة الآن 11:17 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها