منتديات خجلي - شروطكـم والله سـيـوف وسكاكـيـن تـذبــح بـنــات المـجـتـمـع مــــع شـبـابــه

1- سبحـان مـن يـرزق بـتـوع الملايـيـن

الــرازق الـلـي مــا يخـيـب الـرجــا بـــه

2- لـي عــم عـنـده مـعـرضٍ للصوالـيـن
أمـوت واعـرف بـس مـن ويـن جـابـه -

3- وإذا سألـتـه قـــال بـعــت الدكـاكـيـن
مــا يــدري إنــي مــا هضـمـت الإجـابـه

4- الشاهـد إنـي رحـت لـه قـبـل يومـيـن
فـــي قـصــره الـعـامـر ودقــيــت بــابــه

5- قال ارحب ارحب عـدّ ورد البساتيـن
يـــا مـرحـبـا بـالـلـي لـفــا يــــا هــلابــه

6- قـلـت البـقـا عــدّ النـفـل والريـاحـيـن
يــا شـيـخ شـمـل اهــل الـكـرم والـذرابـه

7- قال اسلم الله يحفظـك لـي مـن العيـن
وآمـــر أوامـــر حـضـرتــك مسـتـجـابـه

8- قلـت الصراحـة طالـبٍ قـرب غاليـن
ودي تــزوجــنــي كـريــمــتــك يـــابــــه

9- ثـنّـى وقـــال اهـلـيـن والله وسهـلـيـن
والـكـون تـرخـص لـجـل عيـنـك رقـابــه

10- لكـن تـرا عنـدي شــروط وقوانـيـن
قلـت اشـرط اشـرط يــا حبـيـب الغـلابـه

11- قــال أولاً مـهـر العـروسـة ثمانـيـن
غـيـر الـرسـوم وغـيـر حـــق العـصـابـه

12- والثانيـة عمـك يـبـي مـنـك سبعـيـن
رســــم الأبــــوّة والـنـســب والـقــرابــه

13- وام العـروسـة حقـهـا مـنـك ستـيـن
عـشـانـهـا ســــت الـحـســن والـمـهـابــه

14- واخوانهـا كلـن يبـي منـك خمسـيـن
عـــداً ونــقــداً تــنــدرج فــــي حـسـابــه

15- وخواتها الخمس اعطهن من ثلاثيـن
عــشــان تـتــوثــق عـــــروق الـنـسـابــه

16- وتجيب طقم عيـار واحـد وعشريـن
وخـاتـم مــن الـمــاس المـصـفـى تـرابــه

17- واكياس متروسـة كعـوب وفساتيـن
ألـوانــهــا واشـكـالـهــا مــــــا تــشــابــه

18- ومـوتـر بسـواقـه وفـيـلا بـدوريــن
أثــاثــهــا مــــــن بــطــرتــه يـنـحـكـابــه

19- واحجز لنا قاعـة بقصـر السلاطيـن
واحــجــز بــهــا رقـاصـتـيـن وربــابـــه

20- وامنع دخول اهل اللحى والبزارين
واعــــزم أمــيـــر الـمـنـطـقـة بـالـنـيـابـه

21- هذي الشروط اللي على بالي الحين
وذكـرنـي الـلـي مــا حسبـنـا حـسـابـه -

22- قلـت اذكـر الله يــا عــدو الساكـيـن
واسـتـغــفــره لا يـبـتـلـيــك بــعــذابــه -

23- الظاهر إنـك منـت عـارف أنـا ميـن
أنــا لـــو ارقـــا فـــوق مـتــن السـحـابـه

24- ما جبت حتى نـص درزن مواعيـن
واضـحــك بكـيـفـك واعتـبـرهـا دعــابــه

25- شروطكـم هـذي شـروط المجانـيـن
شـروطـكــم شــغــل ابــتــزاز ونـهــابــه

26- شروطكـم تقصـم ظهـور البعـاريـن
شـروطــكــم هــمّـــن وغـــــم وكـــآبـــه

27- شروطكـم والله سـيـوف وسكاكـيـن
تـذبــح بـنــات المـجـتـمـع مــــع شـبـابــه

28- وين الرضا والعطف واليسر واللين
الــلــي ذكــرهـــا الله بـمـحـكــم كـتــابــه

29- وين الصفات اللي أمرنـا بهـا الديـن
ويــن اختـفـى نـهـج الـنـبـي والصـحـابـه

30- يا عم جعـل اللـي خلقنـا مـن الطيـن
يـــرد عـقـلـك مــــن خــطــاه لـصـوابــه

31- ويجعل نصيبي عند غيرك قل آميـن
ويحسـن عــزا الصـابـر ويـجـزل ثـوابـه

32- قال انت لو فكـرت تفكيـر صاحيـن
مـا شفـت فـي مجمـل شـروطـي غـرابـه

33- حـنـا بعـصـر العولـمـة والمزايـيـن
مـاهــوب عـصــر الفلـسـفـة والخـطـابـه

34- الـنـاس تسـعـى للـرتـب والنياشـيـن
وانـــت اهتـمـامـك بـالـشـعـر والـكـتـابـه

35- والشعر مـا ينفعـك لـو هـو دواويـن
مـــا دام جـيـبـك مـثــل بـيــت الـخـرابــه

36- يـا بـوك لا تسمـع كـلام المصاخيـن
واسـأل مجـرب عـاش فـي وســط غـابـه
شات
،
منتدى

37- قلـت الله اكبـر يـا محـرر فلسطـيـن
مــن يسـمـعـك يحـسـبـك ذيـــب الـذيـابـه

38- تـراك شـايـب راس مـالـك ريالـيـن
والـبـنـت مـــا تـســوى جـنــاح الـذبـابــه

39- قال انقلع مالت على وجهـك الشيـن
لا عــــاد اشــوفــك عـنــدنــا يـالــزلابــه

40- قلت ابشر ابشر لكن الباب من ويـن
واقفيـت مــن عـنـده عـلـى صــوت بـابـه