منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   أنت اتعرف قلبي .. و خيـره و سـوّه* (http://www.5jle.com/vb/f9/t59996.html)

غندا 7 - 2 - 2013 02:20 AM

أنت اتعرف قلبي .. و خيـره و سـوّه*
 
أصدق مع الواحد و احبـه .. و اثاريـه


طاح العتب .. ما هيـب لحيـة مشاريـه
خل الكلام .. و حبـل الأعـذار طـوّه*



ماراح اقول أشلون .. او كيف .. او ليه ؟
تـرى السـؤال بـدون أجابـه مشـوّه*



العذر مااات .. و مـات همـه و رااعيـه
و الجرح جف .. و جف غيمـه و نـوّه*



صاحبك ضاع الهرج مـن بيـن أشافيـه
ما كنّـه اللـي كـان قبلـك .. مفـوّه*



يجمع لـك مِـن الشعـر فاخـر معانيـه
و يمـوت عنـدك قبـل فيـه ايتـفـوّه*



ليه أنصـدم ؟ و تخـون قلبـي هقاويـه
ويطيح نجمـي .. و أنخـذل فـي علـوّه*



أصدق مع الواحد و احبـه .. و اثاريـه
طـوول الليـالـي معتبـرنـي عــدوّه




لا يـا بعدهـم .. و أول الغيـث تاليـه
و أنت اتعرف قلبي .. و خيـره و سـوّه*



قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه*



يصعب علـى الرجـال يثبـت مباديـه
وان كانه اثبت .. كيـف يثبـت سمـوّه*



الله يبيحـك عـن خطـاك و تمـاديـه
و يبيـح قلبـك عـن خطـاه و غلـوّه*



ما دام حبك خالطه شـك .. مـا ابيـه
حب العتب و الشك .. ما اعيـش جـوّه*



ما كنّي اللـي كـل مـا تلمـس ايديـه
يغمـرك بأحسـاس و حنـان الأبــوّه*



و ما كني اللـي كـل مـا مـر طاريـه
ضج الفضـا باسمـه .. و عكـر هـدوّه*



يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه*



بعض الجروح ان صابـت القلـب تنهيـه*

و بعض الجروح .. تـزوّد القلـب قـوّه*



الله كتب .. و القوس فـي كـف باريـه
و اللي تشوفه يا أبيض الوجـه .. سـوه*

توفيق 7 - 2 - 2013 01:43 PM

رد: أنت اتعرف قلبي .. و خيـره و سـوّه*
 

يــ ع ـطيكـ الــ ع ـآآفيهـ على مآطرحتي لنآ

ولاتحرمينا من جديدكـ ,,,, لآعدمتي ,,, ولآهنتي

بنت البحر 9 - 2 - 2013 10:25 PM

رد: أنت اتعرف قلبي .. و خيـره و سـوّه*
 
ما دام حبك خالطه شـك .. مـا ابيـه
حب العتب و الشك .. ما اعيـش جـوّه*
كلماتتت رائعه وانتقاء رائئئع ربي يسعدك
يسلمووووووووووووووووغندا

غندا 27 - 4 - 2013 04:10 AM

رد: أنت اتعرف قلبي .. و خيـره و سـوّه*
 
توفيق
بنوته
اسعدني مروركم وتعطيركم
متصفحي ودي وعبير ردي لكم


الساعة الآن 05:20 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team