|
الشاعر مساعد الرشيدي مدري بكى حلم مدري بكى حلم ؟ .. مدري ليلةٍ غبْرة ؟ نسيوني أحباب ولاّ ضاعت أخباري ؟ هي إتدبّر ؟ .. أو أقفَت مابها دِبرة ؟ ليت الليالي تقدّر غربة الساري مدري من اللّي من الثاني نفذ صبره ؟ لا يازمن .. من هو البايع من الشاري ؟ لا الوجه وجهك ولا النبرة هي النبرة مدري .. ولكن طرا لك يازمن طاري ماني بجاهل على الشدّات .. تختبره تشتدّ ياوقت .. وإصراري هو إصراري بالقلب ما تعرف العبرة من العبرة وبناظري غيمةٍ ما تمطر أسراري خلّيت الأحزان بأقصى القلب منثبرة ياكثر كذبي على نفسي وأنا داري قم ياقصيدٍ يعزّي لا إنتثر حِبره إليا حداني زماني تفزع أشعاري وإن بار فِيَّه رفيقٍ كنت معتبره أغلى من الروح .. ما نّزلت مقداري والله لو ردّ هاك الحبّ من قبره مارِدّ له .. لين تبرد غلّتي .. ثاري ماكلّ شقٍّ .. مداه السلك والإبرة وماكلّ عينٍ .. تجامل جرحي العاري إمّا يقولون .. طاح الضلع .. من كبره ولاّ يقولون .. ماهو للوطى ضاري كلٍّ تكلم وكلٍّ خابرٍ خبره وبكره .. يبين الصحيح .. إن سهّل الباري البارحة ضقت .. وأثر البارحة غبرة مدري بكى حلم ؟ ولاّ ضاعت أخباري ؟ لشآعر : مساعد الرشيدي |
رد: الشاعر مساعد الرشيدي مدري بكى حلم روعة وكلمات جميلة لآ شاعر مساعد الرشيد يعطيك الف عافيه على الطرح وان شاءالله بنتظار ابداعاتك معنى |
رد: الشاعر مساعد الرشيدي مدري بكى حلم الله يعطيك العافيه |
رد: الشاعر مساعد الرشيدي مدري بكى حلم روعه يسلمووووووووووووووو |
| الساعة الآن 06:32 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها