لمحت اسمك بوسط عيونهم يمّه لمحت اسمك بوسط عيونهم يمّه .. !!!!!!!!!! كل موقف يستفز احساسي تولد به قصيده=و المواقف واجد و لو جيت أبضرب لك مثال من عرفت اسمي و حنا عايشين اسرة سعيده=أم ٍ و أب ٍ رزقهم ربهم .. سبعة عيال لكن أقدار الليالي جت على مالا نريده=و ابتلانا الله بفقدٍ بدّل الحاله بحال من ثلاث سنين و أمي عايشه كربه شديده=كربةٍ حلّت عليها من بلى داءٍ عضال* الوجع ينهش جسدها من وريده لي وريده=و الطبيب آخر أملنا واقفٍ عاجز حيال ..!! فادخلت غيبوبةٍ غابت بها ايامٍ عديده=آه يا ذيك الليالي .. حزنها فاق الخيال ما عرفت ان الليالي في مواجعها عنيده=لين شفت الحزن يقتلها و هي تصرخ : محال و اثر عيد الأم صادف في هذاك الوقت عيده=و احتفل كلٍ بأمه .. إلا انا عشته لحال كنت أدوّرها بوسط عيونهم و ارجع وحيده=أرسل الصوت و ترده لي تجاريح الليال ما دريت إلا و حزني قام ينظمها قصيده=ما اخبر إني قد نظمت بصدقها شعر ٍ يقال !! |
الساعة الآن 10:31 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها