|
لهـفتــي مــاتــت ومــات بمـــوتــها صوت ارتجافي لهـفتــي مــاتــت ومــات بمـــوتــها صـــــوت ارتــجافــي.... .................................................. ............ للزمان اللي تعود يبخل وماهوب وافي للأماني اللي عرفتني من كثر ماني بغيت* للهموم اللي ارهقتني في مجيي وانصرافي للعذاب اللي بلاني كلما نمت وصحيت للجروح اللي غزتني وبيحت ماكان خافي للظنون اللي لعبت بي كل مارحت ولفيت للغموض اللي اكتنفني والذهن ماهوب صافي للطريق اللي وطيت اشواكـ دربـهـ ماشكيت لاغترابي اللي خذاني لابعد حدود المنافي للسراب اللي اشوفـهـ واطردهـ لين ابتليت جيتـكـ وحسيت ان الأمْر خالطهـ اختلافي جيتـكـ وياليتني ردتني خطاي وبقيت لهفتي ماتت ومات بموتها صوت ارتجافي والخفوق الله يكافي لابكى جرحي بكيت بعد حب سنين شلته كله اسرار وخوافي بعدما اعطيتـكـ عيونٍ مالحد غيركـ عطيت آهـ ماأقساهـ واقسى احساسي اللي كان دافي ومااقسى وقتي اللي قد حرم عيني المبيت كم // وكم كنت اتمنى ترجع اوجاعي عوافي بعدما ضاق الزمان وغاربي جرحي المميت الهدب باسباب همي شاخص(ن) ماهوب غافي والطريق اللي غفرلي ماغفر يومي خطيت خايف مستقبلي المجهول لو يصبح عجافي وخايف لوقيل بكرة منك يارجل (اكتفيت) خايف جرح العيوف وخايف هم يشافي وخايف من شي يحصل في غيابي مادريت كنت احس البرد سيف والقدم دامي وحافي جد انا اللي ارخصت نفسي يومي بجرحي رضيت بداخلي صوت يقول لمشهد التجريحكافي يومه يقول لخفوقي ليه حبيت وهويت ؟ ! كان ودي انكـ تثمن رحلة الشوق وتكافي وكان ودي انكـ تحس بخافق عيا يبيت مابقالي غير جرحٍ موحش وليل و قوافي راحت سنيني حسايف مانفعني قول ( ليت ) |
رد: لهـفتــي مــاتــت ومــات بمـــوتــها صوت ارتجافي غندا كلمات معبره احسنتي الانتقاء متميزه يالغلا اسعدني تواجدي ها هنا |
رد: لهـفتــي مــاتــت ومــات بمـــوتــها صوت ارتجافي بنت بحر انا اسعدني تواجدك اكثر في صفحاتي ووجود عمالقة المنتدي من أمثلك شرف لي ودي لك |
| الساعة الآن 07:33 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها