منتديات خجلي - على الله يازمن

مشيت وتاهت الخطوه..مسيت بعالم مجنون

تشرقني مسافاتك ..تبعدني ..وتدنيني..

سرحت ,, خابت النظره..عفيت بخافق ٍ مسجون

زفرت ولا لقيت الا طواريق ٍتعنّـيني..

زهمت بفكر خلاني انا الطاعن انا المطعون

تعذبني ولا تدري سواتك وش كوت فيني..

صحيح حالتي صعبه خبرتك يالوفا ما تخون

حسافه جد متحسف صداقت من نوا فيني

مطيت جادة الذكرى رحلت وكني المفتون

تخايلني عناوينك وتذرف بالخلاء عيني..

لفتني ذيب بالقمه ..بصوته يعوي الملعون

لفتني با لخلا صوته.. وهو بالكاد عانيني

ضحكت بضحكتي عبره ضربت بحبلي المرسون

(سبع أٌو صاحبي) اضحى خبيث ٍ من معاديني

غدرني غفله بغفله .. وذا الذيبِ طرا المكنون

قبل يغدر ينبيني عـــواهـ ِ يا ((مــواليني))

حسبت بفطرتي حسبه ..حسبتك بالرفا ممنون

تحاول يا مغافلني .. تِطَــعـّـنّي... بسكِّــيني..

سريت ومـدلج الونه كهيثم باللياء مفتون...

نزلت صاوي كنه احاسيس ٍ تناجيني...

رفعت بناظري دمعه اداريها ولا تدرون

ادآرى ما درا باللي تكفكف وسطه اسنيني

كِفيِت دلتن منها شربنا و الفلك مشحون

نجوم الليل زفت لي بقايا من غناويني

رفعت لـ السما دعوه بقلبِ صافي ٍ مرهون

عـلى الله يا زمن تبري جروح ٍ شلّتِ ايديني