منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   كان فيني عيب قلي:فيني العيب الفلاني (http://www.5jle.com/vb/f9/t6541.html)

ٱڼـثے مڼ حـرﯾڔ♣ 19 - 9 - 2011 11:24 PM

كان فيني عيب قلي:فيني العيب الفلاني
 
http://alfaris.net/up/73/alfaris_net_1313011985.jpg







بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قلي:لاتعيده

عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟

لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحة العمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صد لعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد

تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده

والله أنك لو وصلت البيت متأخر ثواني
مالقيت إلا بقايا من حصاه ومن حديده



رآقت ليٍ بقَ ووووه

ودي للجميٍ’عَ..!

المايسترو 21 - 9 - 2011 12:01 AM

رد: كان فيني عيب قلي:فيني العيب الفلاني
 
يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

ما اصعب فراق الاحبة

يسلموا علي جميل الطرح

ٱڼـثے مڼ حـرﯾڔ♣ 21 - 9 - 2011 08:52 AM

رد: كان فيني عيب قلي:فيني العيب الفلاني
 
يآهلآ فيك آخوي

منووور آلموضوع بوجودك

لآعدمتك ي رب

نص ابتسامة 10 - 10 - 2011 05:39 PM

رد: كان فيني عيب قلي:فيني العيب الفلاني
 
يسلم هالايدين فديت قلبك

ٱڼـثے مڼ حـرﯾڔ♣ 13 - 10 - 2011 10:11 PM

رد: كان فيني عيب قلي:فيني العيب الفلاني
 
آلله يسلمش ي عسسسسل

منوره ي قلبوشتي

لآعدمتش =)

سهر الليل 17 - 10 - 2011 08:44 PM

رد: كان فيني عيب قلي:فيني العيب الفلاني
 
عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟



لقد حجزت بإبداعك جميع ًالكلماتُ
صفحتك تٍسطع بحرٍوف الإبداع
ومن رحيق قلمك تنساب أعذب الكلمات
جعلتني أبحر في رحلة الصمت
متابعه بوحك..
فلحرفك نغمة تشد السامع وتقرب القلب لها
بحق جعلتني أفتش عن كلمات توفيك حقك..’


زولا== 17 - 1 - 2012 11:41 AM

رد: كان فيني عيب قلي:فيني العيب الفلاني
 
مشاء الله يسلم لسانك:oh:

نورا بنت عبدالعزيز 18 - 1 - 2012 10:15 PM

رد: كان فيني عيب قلي:فيني العيب الفلاني
 
صح لسسسان شاعرها
قصييده ف منتهى الرووووعه

سسلمت


الساعة الآن 03:41 PM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team