منتديات خجلي - طريقة عمل خبز النان الهندى , خبز النان الهندى , طريقة تحضير خبز النان الهندى

جمعت كذا طريقة من النت
وطلعت بهالنتيجه , واقدر اقول الذهم
ملاحظتي : ذي ثالث مره اسويه وبعرض ثاني مره سويت اما اول مره فاعرضتها مع رول البيض بالنقانق
اهم شي بالنان لما تسوينه وتحطينه بالصينيه حقت الفرن
تخلينه يخمر ساعه
غطيه بقصدير او اي شي لمدة ساعه او 45 دقيقه
ثمن دخليه الفرن
المقادير :
4 أكواب دقيق .
( هههه اسفه ماانتبهت انوه ماكتبت عدد الاكواب )
1 ملعقة شاي ملح .
1 ملعقة شاي سكر .
2 ملعقة شاي خميرة جافة .
2 ملعقة طعام زبادي .
4 ملاعق طعام زبدة أو سمن .
2 فص ثوم مهروس ( اختياري ) .
( الثوم جزء حطيته مع العجين وجزء خليته مع الزبدة لدهن الوجه )
1 كوب حليب دافىء .
الطريقة
اخلطي الخميرة مع السكر والحليب في اناء صغير ، غطيه واتركيه جانبا لمدة 20 دقيقة .
اخلطي الدقيق مع الملح وانخليه . اصنعي حفرة في وسط الدقيق ، وضعي في وسط الحفرة 2 ملعقة طعام زبدة والزبادي وخليط الخميرة .< استبدلت ملعقتين الزبدة بزيت دوار الشمس
اخلطيه جيدا ثم اعجنيه على سطح مرشوش بالدقيق حتى تصبح عجينة ناعمة .
ضعي العجينة في اناء كبير ممسوح بالزيت ثم غطيه بفوطة نظيفة وضعيه جانبا في مكان دافىء لحد مايتضاعف حجمها ممكن ثلاثة ارباع الساعه
اخلطي 2 ملعقة طعام من الزبدة المذابة مع الثوم وامسحي به قطع الخبز .
ودخليه الفرن وحاولي ماتفتحين عليه
نبدا بطريقة شرح فرد النان :
اذا تبغينه زي المطاعم الهنديه كبري حجمه وخليه زي شكل العين بدون لاتحشينه جبن
اما بحشوة الجبن هذي خطواتي
نقطع العجينه كور بنفس الحجم تاخذ لك من عشر حبات لاكثر
ونفردها زي الصوره ونحط الجبن فيها:

وابدا اسكرها زي هنا :

واقلبها على الجهه الثانيه

وابد اضغط عليها بالنشابه واحركها بشكل دائري لين تنفرد كل اطرافها :

وهنا بعد ماخليتهم يخمرون وقبل دهنهم بالزبدة والثوم

وهنا تجربتي مع النان قبل اتبع مرحلة التخمير النهائي
مانفش بس حتى لو مانفش معكم الطعم لذيذ وهش .