جيت المكان اللي قبل عام جيته . . . . . . جيته أدوّر به بقايا حنينه مدري وش اللي صار لكن فديته . . . . . .قبل اقترب صوّت ياعا رفينه سألت جاره قال هذاك بيته . . . . . .قلت أسألك عن صاحب البيت وينه قال العذر عامين ماذاع صيته . . . . . . والله مدري وين راحت سنينه وعوّدت هايم منقهر مالقيته . . . . . . والهم زاد وزاد قلبي ونينه تكسّر الخاطر مثل ماهقيته . . . . . . مثل الزجاج وبالحجر حاذفينه ياعاذلي كف العذل مانسيته . . . . . . رافض نصايحكم ولوهي ثمينه لوهي على كيفي شراعي طويته . . . . . . وابعدت عن داره وشينه وزينه ياعاذلي ياليتني ماهويته . . . . . . ولا تكوّن حب بيني وبينه ولا حلفت ومن عهودي عطيته . . . . . . ولاعطاني خاتمه من يمينه ولارجاني ثم بعده رجيته . . . . . . ولا على صدره يدي في يدينه ولا سقاني من هواه وسقيته . . . . . . ليته جفاني او جفيته بحينه ياما سهرت الليل ياما أحتريته . . . . . . ياما على كفي نزل دمع عينه ياما سألته وش حصل وأحتويته . . . . . . حتى هدأ وأشرق بعيني جبينه يالايمي قبلك خفوقي نهيته . . . . . . عيّا يوافقني عسى الله يعينه |
رد: جيت المكان اللي قبل عام جيته كلمات وطرح ممتع سلم يمناك |
رد: جيت المكان اللي قبل عام جيته زكريا صاحب الخطوات الجميلة والبصمات المنيرة لك كل الشكر والاحترام على هذه الكلمات العطرة و المرور المميز دمت بحفظ الرحمن |
الساعة الآن 09:28 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها