منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   أخاطب نقوة العالم ولا اخاطب عقـول صغـار (http://www.5jle.com/vb/f9/t73265.html)

جحــود!! 26 - 4 - 2013 12:29 AM

أخاطب نقوة العالم ولا اخاطب عقـول صغـار
 



بوح /نايف بن عرويل " الصارم"



سلام الله على الشعب السعودي كاسبين الكار
سلام ٍ قاله الصارم قبـل مـاتبـدي الغـاره


أخاطب نقوة العالم ولا اخاطب عقـول صغـار

ومن يفهمني يترجم كلامـي لأفضـل عبـاره

لأني دايماً سيـده ولا عنـدي يميـن يسـار
وانامن عادتي ما اخشى كلام الحق واظهـاره



انا لي ثار ماخذته ولكن ماهـوب أيـة ثـار

عظيم ٍ لا تذكرتـه يضيـق المـوق بعبـاره



الا ياليت عبدالله يصـرح يـوم لأهـل الـدار

عشان اللي يبى ثـاره يقـوم وياخـذ بثـاره


قسم بالله مايرفع علمهـم والحـروب تـدار

ولا يظهر لهم صوت ٍ يصج النـاس بأجهـاره


عسى صوتن يغنابه علـى معزوفـة الكفـار

ليـا منـه بلـغ حـده تقطـع كـل اوتـاره


عسى من حارب الهيئة قبل يقلط بوسط النـار

يذوق الذل في وسط الحيـاة وتنطفـي نـاره



ولا من حارب الهيئة ياكـود الحابـل المكـار

وشخص ٍ عيّت افعاله تطابق جملـة اعـذاره


هذولا العلمنة واللـي تبعهـم خايـن ٍ غـدّار

ولا هالناس هي ناسه ولا هالـدار هـي داره


هذولا آلات مصنوعه عشـان تطبـق الادوار

عطاها الغرب مايملك عشـان تطبـق ادواره


سفارات الدول تبني حواجزها علـى الاسـوار
وهم دروبهم تفـرش مـن البـواب للحـارة


خفافيش الظلام اللي تخـاف تواجـه الانـوار
وجوه ٍ سـود مكروهـة ومكـاره وغـداره


يمضيها اليهودي لا انحنت عنده على اقراره
وتبقى طـول ماتبقـى تطبـق كـل افكـاره


حثاله فكرها ماسخ تغذى من حليـب العـار
عقول ٍ ساقطه دايـم بأتفـه شـي محتـاره


تسب الدين وتحاول تزيـل رسالـة المختـار
يبين الطهر لكن القلوب انجس مـن الفـاره


يبون قيـادة المـرأه يبـون يخربـون ديـار
يبون الدين ماينصر يبـون اجسـاد منهـاره


يبون الفسق في الدوله يبون الرقص والمزمار
يبون ان الوطن يبني كراماتـه علـى بـاره


يبون من البني بنت ٍ تقـط حجابهـا بإشهـار
يبون من الولد يترك عيون الناس في عـاره


يبون اليا لفى جيشٍ علـى حـد البلـد جبّـار
يفزون ومحارمهم تـرش الـورد وازهـاره


مثل بغداد ماينسى ولا يخفـى علـى الانظـار
غزى جيش العِدا واكرم يدين الخاين وجـاره


ولكن فز يانايـف عسـى يفدنّـك الاعمـار
ياحر ٍ لا كفخ نومس اهل المقنـاص بطيـاره


ترى لازادت الكيلة نفـوس المسلميـن تغـار
وفيهم من ملك نفسه وفيهـم نـاس ثـوّاره


وحنا نعرفك سيف ٍ يبت الـراس لامـن ثـار
ولكن كيف يفهمهـا كبـار العقـل وصغـاره


ختمت القول واوجزته ولا باقي معي اسـرار
واذا بلغت فأشهدلي يـارب الكـون وامـاره




صح الله كل مافيه

غندا 26 - 4 - 2013 01:32 AM

رد: أخاطب نقوة العالم ولا اخاطب عقـول صغـار
 
الا ياليت عبدالله يصـرح يـوم لأهـل الـدار

عشان اللي يبى ثـاره يقـوم وياخـذ بثـاره
صح لسان قايلها ولا هان ناقلها

هـــــــــمــــــــس 26 - 4 - 2013 02:59 AM

رد: أخاطب نقوة العالم ولا اخاطب عقـول صغـار
 
صح لسااان قاايلهاا وتسلم يدين نااقلهاا
يعطيك العاافيه

سهر الليل 28 - 4 - 2013 08:27 PM

رد: أخاطب نقوة العالم ولا اخاطب عقـول صغـار
 
اخوي جحود
ابيات رائعه وانتقاء جميل
الله يسلم الانامل
دمت بود

جحــود!! 9 - 5 - 2013 12:11 AM

رد: أخاطب نقوة العالم ولا اخاطب عقـول صغـار
 
اقتباس:

المشاركة الأصلية كتبت بواسطة غندا (المشاركة 299703)
الا ياليت عبدالله يصـرح يـوم لأهـل الـدار

اقتباس:

المشاركة الأصلية كتبت بواسطة غندا (المشاركة 299703)


عشان اللي يبى ثـاره يقـوم وياخـذ بثـاره
صح لسان قايلها ولا هان ناقلها


ارحبي

صح الله كل مافيك ولاهان غاليك

جحــود!! 9 - 5 - 2013 12:14 AM

رد: أخاطب نقوة العالم ولا اخاطب عقـول صغـار
 
اقتباس:

المشاركة الأصلية كتبت بواسطة هـــــــــمــــــــس (المشاركة 299716)
صح لسااان قاايلهاا وتسلم يدين نااقلهاا




يعطيك العاافيه

ارحبي

صح الله كل مافيك ويسلم كل مغليك

جحــود!! 9 - 5 - 2013 12:15 AM

رد: أخاطب نقوة العالم ولا اخاطب عقـول صغـار
 
اقتباس:

المشاركة الأصلية كتبت بواسطة سهر الليل (المشاركة 301002)
اخوي جحود

اقتباس:

المشاركة الأصلية كتبت بواسطة سهر الليل (المشاركة 301002)

ابيات رائعه وانتقاء جميل
الله يسلم الانامل
دمت بود


ارحبي يالليل
جمل الله حالك
ويسلمك من كل سوء
دام نبضك


الساعة الآن 10:36 AM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team