طفل يتسكع حنين شفني باطراف المدينه / اشعل افواه السجاير طفل يتسكع حنين / ويحتظن صمت المدينه ! شايل بيده رساله / تحتري صوت [ البشاير ] بعد ماذاق الهوان . . . وبعد ماذاق الغبينه ! يرتشف [ جرح الغياب ] / وعينه تهل العباير* قلّب اوجاعه / فراق وهزت الذكرى .. حنينه فوق ارصفة الشوارع / يلمح بعينه [ مناير ] يبتسم مرات لكن : تجرحه ذكرى . . . دفينه يامناير من غيابك : يسكن الحزن / الضماير يامناير ضاع بعدك / [ طفل كنتي تحتوينه ] ! العبت فيه المواجع . . عاش وقته في خساير ماحسب جور الزمان وصارت افراحه حزينه يا مناير من رحلتي : صارت ذنوبه / كباير !! ينعن الوقت ورداه . . . وينعن البعد وسنينه يسأل الليل / ببرآءه : هو انا وشلون صاير ؟ وليه انا لأوجاع وقتي صرت ياليلي / رهينه ! يحتضن صمت المباني / وينضر لوجه العماير يحتري [ نور النوافذ ] تبعث .. بقلبه سكينه ! يمشي بدرب المدينه في حرا : عابر / وزاير* خطوته صيحة غريقِ يلمح بعينه . . . . سفينه كان في قربك بـ آمان وصار من غيبتك ثاير ! حالته صارت غريبه / مو مثل [ ماتعرفينه ] [ يرسم الحلم ] بيديه : وينكسر والحلم / باير ! كان يحلم كل ليله . . . في [ امل انك تجينه ] ! الغياب أرهق شعوره / ظالم غيابك . . . وجاير يكسر بعزم الهقاوي / وكسرة الهقوه .. لعينه تاه من ظلم الليالي / دار في صمت . . الدواير* بعثر [ الوقت بحياته ] . . . ولا له الا الله يعينه يمشي بخطوات خوف .. وجاهلا دربه / وحاير يستظل بعز ليله . . . تحت [ غصن الياسمينه ] يكسر [ الغصن بيمينه ] ويرسم قلوب ودواير* والثرا يحظن دموعه . . قبل تمسحها / يمينه ! اختنق صدره وفك / لخنقته كل . . . الزراير !! ياعسى الضيقه / تفارق صدر كانت له سجينه يرتعش شوق وحنين / وخافقه بالدم .. فاير ! صاح من حر الفراق وهز هالشارع / ونينه ! وسار باطراف المدينه / يشعل افواه السجاير طفل ضايع بالمدينه / كان يبحث عن مدينه ! |
رد: طفل يتسكع حنين ياعسى الضيقه / تفارق صدر كانت له سجينه يرتعش شوق وحنين / وخافقه بالدم .. فاير ! غنووده تسلمممين ع الطررح المميز فدااا |
رد: طفل يتسكع حنين همس كل الشكر لكـِ ولهذا المرور الجميل الله يعطيكـِ العافيه يارب خالص مودتى لكـِ |
رد: طفل يتسكع حنين .غندا جمميل هذا البوح واصلي هذا النثر فلكٍ متابعين كنت هنا |
رد: طفل يتسكع حنين همس المشاعر نورتي متصفحي وكلامك شهادة اعتز فيها لروحك التوليب |
الساعة الآن 01:39 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها