نصائح لعمل جدولك الدراسي
 

نصائح لعمل جدولك الدراسي , عمل جدول دراسي , طريقة عمل جدول دراسي , كيف تعمل جدولك الدراسي , طرق عمل جدولك الدراسي , طريقة عمل جدولك الدراسي , نصائح لعمل جدولك الدراسي وترتيبة





أولا... معرفة المواد والمتطلبات:

في البداية لازم نعمل حصر لجميع المواد اللي المفروض ندرسها وراح تكون غالبا كالتالي:
1-مواد جامعة (عامة) اختيارية.
2-مواد جامعة (عامة) اجبارية.
3-مواد كلية (تخصص) اختيارية.
4-مواد كلية (تخصص) اجبارية.

طبعا المواد الاجبارية مافيها أي كلام وكلها لازم ندرسها سواء مواد الجامعة أو الكلية.

بخصوص المواد الاختيارية العامة ممكن أي طالب أو طالبة ولو مش من نفس التخصص يقدر يعطينا نصائح.. مثل هذي المادة أسهل من هذي أو ممتعه أكثر.. هذا الدكتور متعاون ويشرح أفضل من هذا... لكن المشكلة هي في المواد الاختيارية للتخصص.

في المواد الاختيارية للتخصص لازم نحاول نعرف كل المواد الاختيارية ونشوف شوي معلومات عنها ونحاول نسأل زملاء سابقين لنا أو ادارة الكلية أو حتى نحاول نقرأ عن المادة بأي طريقة.

بعد مانجمع المواد كلها اللي نحتاجها عشان نقدر نوصل لعدد الساعات المطلوبة للتخرج ونقدر نحدد ايش هي المواد اللي نبغاها وأكيد نحاول نعمل بديل لانه مثلا أنا حددت أبغى المادة (ألف) ولما جيت أسجلها لقيت انها موموجودة معناه لازم يكون في بالي ماده بديله وهي (باء).

الان نجي نشوف حكاية المتطلبات وهي هذي النقطة الأهم.

لو فرضنا انه عندي مادتين لغة عربية 1 + 2.... في بعض الأوقات ما أقدر أخذ عربي 2 الين انتهي من مادة عربي 1.... وهذا معناه ان عربي 1 هي متطلب لمادة عربي 2

هذا يعني اني احط في بالي هذي النقطة.. يعني ماينفع أقول أنا راح أدرس الترم الأول عربي 2 والترم الثاني عربي 1

في الأخير نعمل جدول بأي طريقة تناسبنا ويفضل اننا نقسمه مثل ماذكرنا فوق حسي المتطلبات العامة والتخصص الاجبارية والاختيارية وكمان نحط في بالنا ان المواد اللي تعتبر متطلبات لمواد اخرى تكوت في بداية الجدول.

الان صار عندنا جدول يحتوي على المواد اللي راح ندرسها كلها وواضح عندنا المتطلبات وكل شي نحتاجه بخصوص هذا الجدول.

ثانيا... طريقة عمل الجدول:

طبعا في البداية نتكلم عن الطريقة بشكل عام.

لازم يكون في موازنه بين المواد اللي نسجلها بحيث انه كل ما عدينا فتره في الجامعة نأخذ مواد أصعب... يعني مثلا في بعض مواد التخصص تكون مالها متطلبات لكن تعتبر من المواد المتقمة في التخصص اذا نخليها للأترام الاخيرة مو ناخذها من بدري الا اذا كنا عارفين ومتأكدين 100% اننا عارفين ايش هي هذي المادة وعندنا خلفيه عنها ونبغى نضيف ساعات ومو عارفين كيف فنستغل هذي المادة عشان نرتاح منها.

الان نعمل جدول ثاني وهذا الجدول هو اللي راح يكون جدولنا الدراسي واللي راح نستخدمه

نقسمه حسب عدد الأترام المطلوبة وغالبا راح يكون 8 أترام أو أكثر وطبعا لو في مجال نأخذ أترام صيفية عشان نسهل على نفسنا يكون أفضل


مع ملاحظة النقاط التالية:

1-نختار كبداية للمادة الأولى مادة اختيارية عامة... وكمادة ثانية مادة اختيارية تخصص حسب الإمكانية.

2-نختار بعد ذلك مادة اجبارية عامة كمادة ثالثة ومادة اجبارية تخصص.

في احتمالات كثيرة وخاصة في الأترام الاولى في المرحلة الجامعة ماراح نقدر نسجل مواد تخصص سواء اجبارية أو اختيارية وممكن نخليها للأترام اللي بعد كذا... وعادة تكون الأترام الأولى تحتوي على مواد اجبارية واختيارية عامة وربما مواد اختيارية تخصص... وسوف نجد ان المواد الاجبارية للتخصص غالبا ما تأتي في الأترام اللي بعد كذا.

3-نضع في بالنا حكاية المتطلبات وعدد الساعات المسموح بها سواء كحد أعلى أو أدنى يعني مانزيد عن الحد الأعلى ولا نقل عن الحد الأدنى.

4-لوكانت لدينا فكرة واضحة عن الدكتور أو المدرس اللي راح يدرس المادة يكون برضه أفضل لأن بعض المدرسين للأسف الشديد يخلي الواحد يكره المادة ويكره الدراسة.

5-دائما نضع في بالنا البديل السريع للمواد بحيث لو أنا كنت أبغى مادة ومانزلت او كان وقتها متعارض مع وقت مادة اخرى يصير أقدر أبدل في أي ترم كان بدون عمل لخبطة في الجدول.

ثالثا... وقت تسجيل المواد:

هناك شوي نصائح أحب أذكرها وهي مهمه وقت التسجيل وخاصة في الأترام المتقدمة:

1-البدء بمواد التخصص الاجبارية وهذا لضمان اختيار الوقت المطلوب ومع الدكتور المطلوب والمناسب.

2-الخطوة التالية هي تسجيل مواد التخصص الاختيارية.

3-تأتي ثالثا المواد العامة الاجبارية.

4-أخيرا المواد العامة الاجبارية.

عادة المواد العامة سواء كانت اجبارية أو اختيارية تكون متوفرة بشكل كبير لكثرة الطلب عليها بينما مواد التخصص يكون توفرها أقل سواء الاجبارية او الاختيارية... وبما أن أغلب الكليات لها مواد اختيارية كثيرة اذا تكون امكانية تسجيل مادة اختيارية أسهل من المواد الاجبارية.

5-لو كانت المادة المعينة لها محاضرة أو محاضرتين مثلا نحاول بقدر الامكان أن نبدء من وسط الأسبوع... يكون أول خيار لنا هو يوم الاثنين... بعده الأحد والثلاثاء... بعده السبت واخيرا الأربعاء... لا أعتقد ان هناك مواد كثيرة تكون موجودة الخميس ولكن لو وجد نجعل الخميس في الحاجة الطارئة فقط.

الفكرة من هذي النقطة هو الاستفادة من الاسبوع بقدر الامكان.. فلو مثلا استطعنا عمل جدول متكامل في ايام الاحد والاثنين والثلاثاء فقط هذا يعني أنه لدينا اربع ايام في الاسبوع بدون محاضرات وهذا نستفيد منه سواء في الدراسة أو المناسبات أو العمل أو حتى السفر والمتعه.

6-أيام السبت والأربعاء عادة تكون مملة لأن السبت بداية الأسبوع والواحد يجي طفشان وقرفان بينما الأربعاء نهاية الأسبوع والواحد خلاص يبغى الاجازة الأسبوعية بفارغ الصبر.

7-نقطة أخيرا وربما أنها غير مهمه لكن في بعض الأوقات تكون جيده وخاصة للبنات وهي المحاولة بإختيار مواد في مباني قريبة من بعضها البعض بقدر الامكان ولكن نحاول أن نجعل هذا اخر خيار لنا وذلك لو توفرت كل الشروط السابقة.



أتمنى تستفييدوآ يآالغواااالي..

رد: نصائح لعمل جدولك الدراسي
 

رد: نصائح لعمل جدولك الدراسي
 

يسلموا الايادي