منتديات خجلي - روايه رمــاد الشوووق . بقلمي ..

بسم الله الرحمن الرحيم

السلام عليكم ورحمة الله وبركاته...........
الى اعضاء المنتدى الاعزا سوف اضع بين ايديكم اول روايه اكتبها واتمنى من الله التوفيق وان تنال اعجابكم.....

للكاتبه: رمــــــاد الشوووق ..

تدور احداث قصتي في عام 1434 هـ في مدينة جــــده.
جده غلاها بـقـلـبـي ياولد عمي
احبها موت حتى الموت وزياده
لاجـيـتـها يـنجلي همي مع غمي

والجفن لامن غفى يامزين رقاده
جـده هـي الـلـي إلـى منه كبر همــي ،
اشـكـي عـلـيـهـا هموم القلب واقياده ،
وان غبت عنها يكون الشوف متعمي ،
الـبـعـد عـنـهـا يـزيـد الـهـم بـإعـنـاده ..

#ابطال القصه....
&عائلة ابو نياف&
تتكون من الاب(ناصر ) ابو نياف . وقد توفي منذو خمس سنوات بسبب مرض وراثي بالعائله.
الام(منيره ) ام نياف . العمر 50 سنه انسانه حنونه بمعنى الكلمه ربت عيالها على تحمل المسؤليه من يومهم صغار وتبيهم يطلعون رجال يعتمد عليهم .
الابن الاكبر (نياف) 27 سنه طالب فى جامعه الملك عبد العزيز قسم انجليزي وشاد حيله بدراسته وامنيته يصير معيد فى الجامعه يبي يرفع راس امه لي تحملت كل شي عشانه هو واخوانه .( طويل وقمحي البشره عيونه عسليه وشعره ناعم اسود وطويل شوي ويهتم بنفسه حيل ويحب يكون كشخه )
(ساره ) 21 سنه تدرس فى الجامعه قسم تربيه خاصه . (بشرتها بيضاء وشعرها بني طويل عيونها سوداء ووساع مره وقصيره )
( زيــاد ويزيــد ) توائم اعمارهم 18 سنه اخر سنه فى الثانويه العامه ومسوين جو فى البيت انواع الرجه ولاستهبال . مكدشين شعورهم وكل يوم عند المدير بسبب الكدش .
&عائله ابو حمدان &
الاب (حامد ) العمر 60 سنه عنده شركه صغيره خاصه فيه يحب عياله حيل وما يرفض لهم طلب . بس فيه حزم شوي وشده بنفس الوقت مايبي عليهم الغلط . كان صديق ابو نياف قبل يموت ويحبه مره ويعز عياله ومتواصل معهم حتى بعد وفاته .
الام ( سلمى ) العمر 45 اهم شي عندها مصلحه عيالها وكلمتها لازم تمشي عليهم . شخصيتها قويه .
(حمدان ) 29 سنه متزوج عنده بنوته حلوه اسمها رهف عمرها 3 سنوات وابنتظار المولوده الجديده .(نجلاء ) زوجه حمدان . عمرها 27 سنه حامل فى الشهر التاسع وطيبه وتحب عمتها واهل زوجها وتعتبرهم اهلها .
(حور ) 17 سنه ثاني ثانوي قسم ادبي
(جوري ) 16 اول ثانوي .
************************************************** *********************************************
يوم الجمعه 7/ 7 /1434
الساعه 11 صباحا . ( فى بيت ام نياف )
الكل يتجهز عشان صلاه الجمعه .
ام نياف جالسه فى الصاله ومعها البخور وتنتظر عيالها يجهزون لصلاه عشان تبخرهم قبل يطلعون .
نياف نازل من الدرج ويضبط الكبك حق ثوبه .
ام نياف : هلا والله بولدي الله يحفظك ويخليك لي ولخوانك سند .
نياف : هلا ي الغاليه الله لايحرمني منك ويسلم على راسها ويدها .
ام نياف تمد البخور له خذ ياولدي تبخر زين . اخذ نياف البخور وتبخر . شاف الساعه .
نياف : يمه الوقت تاخر وين العيال ليش ماحد نزل منهم متى يبطلون الحركات هاذي .
ام نياف : والله صحيتهم وقاموا بس مدري وش فيهم مانزلو .
نياف : ينادي ي ساره وين اخوانك عجلي عليهم لا والله لطلع لهم و اوريهم شغلهم .
ساره : ابشر ي اخوي .
ساره راحت تركض على غرفه زياد ويزيد تبيهم يعجلون طقت الباب زياد ويزيد يلا بسرعه نياف ينتظر تحت انزلو يلا .
زياد من وراء الباب . اوكي الحين نازلين ,يلا يزيد اخلص علي من اليوم وانت مرتز عند المرايا ماصارت يلا والله نياف مافيني اتحمل هواشه .
يزيد :طيب يلا خلصت .

فى الصاله ام نياف : نياف نبيك العصر تودينا نزور بيت ابو حمدان من زمان عنهم والله اشتقت لهم .
نياف : ابشري يمه من عيوني كم ام نياف عندي انا .
ام نياف : تبشر بالجنه . يلا يلا جو اخوانك استعجلو على المسجد الوقت راح عليكم .
نياف : بدري والله كان جلستو اكثر على ايش مستعجلين , يلا قدامي على المسجد انت وياه
************************************************** ******************************************
في بيت ابو حمدان . الكل على سفرت الغداء ..
ام حمدان : حور اطلعي شوفي نجلاء وينها مره تاخرت عسى ماهي تعبانه روحي شوفي وش فيها .
حور : طيب يمه .
طلعت ودقت الباب على نجلاء .
نجلاء : هلا حور حياك تعالي .
حور: سلامات وش فيك ليه مانزلتي على الغداء .
نجلاء : والله حاسه بتعب شوي شكلي قربت ولالدتي الله يستر احس بالالم تجي وتروح .
حور : اكلم امي تدق على حمدان يجي .
نجلاء : لا لا مابي ازعجه انا لو زاد الالم بدق علي عمي يوديني لاتشلين هم .
حور : طيب ماتشوفين شر اخلي امي تجيك فوق تبين شي .
نجلاء : لا ي قلبي مابي شي وقولي لعمتي اني تعبانه شوي ومالي نفس اكل الحين .
حور : اوكي .
نزلت حور تحت وكلمت امها .
************************************************** ******************************************
في بيت ام نياف ..
ساره : يمه متى بنروح بيت ام حمدان .
ام نياف : والله كلمت اخوك قال اشوف العصر ولا المغرب بس انتى اجهزي من بدري عشان مانتاخر عليهم .
ساره : ان شاء الله يمه .
طلعت ساره غرفتها وقفت قدام الدولاب . ياربي وش البس ابي لبس حلو وناعم . طلعت تنوره قصيره بنص الساق لونها اسود على بلوزه اورنج كم طويل وفكت شعرها وحطت مك اب خفيف .
************************************************** **********************************
بيت ابو حمدان ..
تلفون البيت يرن ..
جوري : الو
ام نياف :الو سلام عليكم
جوري : هلا وعليكم السلام
ام نياف : كيف جوري ؟
جوري : هلا خالتي ام نياف بخير الحمد الله انتى كيفك وكيف ساره
ام نياف : والله كلنا بخير والحمد الله . وين امك ابيها .
جوري : ان شاء الله الحين اعطيك امي .
ام حمدان : الو هلا وغلا ام نياف كيفكم
ام نياف : هلا والله بخير الحمد الله . اليوم ان شاء الله نبي نزوركم بعد المغرب .
ام حمدان : الله يحيكم زرتنا البركه .
************************************************** ********************
بعد المغرب فى بيت ام نياف ..
ام نياف :ساره يلا انزلي اخوك بسياره ينتظر .
ساره : طيب يمه الحين بنزل .
طلعت ساره وركبت مع اخواها وامها فى الطريق .
يناف :
يمه فى واحد من اصحابي مريض شوي وماعنده احد هنا اهله كلهم فى الجنوب وهو يدرس هنا ودي اجيبه عندنا البيت فتره لمن يطيب وش رايك ؟
ام نياف : ماعليه خله يجي هذا خويك ولازم توقف معه وهو تعبان ومحتاجك .
نياف : خلاص يمه ان شاء الله الليله اروح واجيبه معي بس ابيكم تجهزون المجلس وحطو كل شي فيه انا بصير ارقد معه تحت عشان اذا احتاج شي ولاشي .
ام نياف : ولا يهمك تجي وكل شي جاهز .
نياف : الله يعطيك العافيه ولا يحرمني منك .. يلا وصلنا انزلو .
************************************************** ********************************
كانت ام حمدان فى استقبال ام نياف وبنتها .
ام حمدان : هلا وغلا ي ام نياف تو مانور بيتنا .
ام نياف : هلا فيك والله منور بوجودك .
ام حمدان : تفضلو حياكم ..
دخلت ام نياف وبنتها على المجلس كان شكله مره حلو كنب عودي على ذهبي مره فخم مع الانوار الصفراء فى كل المجلس مخليه اكثر فخامه . جلسو فى المجلس ومعهم ام حمدان .
ام نياف : وين نجلاء والبنات نبي نسلم علهم .
ام حمدان : والله نجلاء تعبانه شوي شكلها قربت تولد والبنات شوي ويجون .
ام نياف : الله يقومها بسلامه .
ام حمدان : اللهم امين .
************************************************** **********************
في غرفه جوري وحور ..
حور : كيف ملابسي جوري حلوه ؟
كانت لابسه بنطلون سكيني ازرق فاتح على بلوزه ابيض ورافعه شعرها فوق بشكل عشوائي ومكحله عيونها بكحل نيلي ازرق ابرز انوثتها اكثر على لمعه خفيفه على شفايفها .
جوري : ايه حلوه يلا انزلي الناس من اول وصلو .
حور : طيب يلا بنزل وانتى استعجلي عشان نظيفهم زين
جوري : اوكي .
نزلت حور ودخلت المجلس وسلمت على ام نياف وساره وصبت لهم القهوه ووزعت الحلا ...
جوري وهي نازله مع الدرج سمعت صوت جاي من غرفه اخوها حمدان وكان صوت نجلاء تبكي راحت تركض ودخلت الممر لي يودي على الغرفه ودقت الباب ..
جوري : نجلاء نجلاء .
وفكت الباب ولقتها على السرير تتألم وجهها كله عرق وتعبانه حيل . قربت منها وقامت تسمي عليها .
جوري : بسم الله عليك نجلاء خلاص الحين انزل عند امي اخليها توديك لاتصحين ي قلبي الله يسهل ولادتك وتقومين بسلامه .
طلعت من عندها ونزلت تحت وكلمت امها . طلعت ام حمدان وام نياف عند نجلاء فوق .
طلع ابو حمدان واخذهم المستشفى . فى الطريق دق ابو حمدان على حمدان لي كان مستلم فى الدوام ..
ابو حمدان : هلا حمدان كيفك ؟
حمدان : هلا يبه بخير الحمد الله .
ابو حمدان : ي ولدي انا اخذت زوجتك وامك المستشفى خلاص بتواد حاول تستأذن من دوامك وتجي عشان تكون جنبها .
حمدان : ابشر يبه الحين اكلمهم وطلع .
************************************************** *******************************
فى المستشفى الولاده وبتحديد قدام غرفه الولاده ..
ام حمدان : يارب تقوم نجلاء بسلامه يارب تسهل عليها .
ابو حمدان : امين يارب الله يهون عليها .
وصل حمدان عندهم ..
حمدان : هابشروني ولدت .
ام حمدان : لا والله الى الحين محد طلع من الممرضات ...
************************************************** *******************************
انتهى البارت الاول واتمنى يعجبكم ...
ابي اشوف الردود علشان انزل البارت الثاني . ابيكم تشجعوني يلا .. * _^

البارت الثاني :
فى بيت ابو حمدان : دقت ام نياف على ولدها وجاء واخذها هي وبنتها على البيت .
************************************************** **********************************
فى احد حواري جده قدام بقاله الحاره كل شباب الحاره يجتمعون عندها بعد صلاه المغرب .
يزيد : الوهلا ناصر وينك ياولد من اليوم انتظر فيك ليش ماجيت .
ناصر : والله الوالده تعبت شوي ووديتها المستشفى .
يزيد : ماتشوف شر ان شاء الله
ناصر: الشر مايجيك ي غالي .
يزيد اجل اقولك باخذ زياد ونجيك البيت وش رايك نراجع رياضيات تعرف بكره الاختبارات خلاص جاك الموت ي تارك الصلاه .
ناصر : حياكم الله اجل بجهز الملخصات والشاهي لا تتاخرون .
يزيد : ان شاء الله .
************************************************** ********************
فى المستشفى وبتحديد فى غرفه الولاده ..
الدكتوره : الف مبروك جبتي بنت زي القمر الحمد الله على سلامتك .
نجلاء وصوتها بالقوه ينسمع من التعب .. الله يبارك فيك بشري زوجي وعمي برا .
الدكتوره : ان شاء الله .
طلعت الدكتوره وبشرتهم بالمولوده الجديده على العائله .
حمدان : الله يبشرك بالخير ونجلاء كيفها لايكون تعبانه ابي اشوفها .
الدكتوره : الحمدالله بخير بس ماتقدر تشوفها الحين الازم تاخذ راحه شوي .
ابو حمدان : الف الف مبروك تتربى بعزك ان شاء الله .
حمدان : الله يبارك فيك يابوي .
ام حمدان : الف مبروك ياولدي .
حمدان : الله يبارك فيك ي الغاليه
ابو حمدان : اجل خلاص باخذ امك ونروح البيت انت شوف زوجتك .
ام حمدان : سلم عليها وشوف اذا تبي شي من البيت بكره اجيبه معي .
حمدان : ابشري يمه
طلعت ام حمدان وابو حمدان على البيت . حمدان نزل تحت عند محل ورد طبيعي واخذ باقه ورد احمر جوري واخذ كرت وكتب فيه الحمدالله على سلامتك يالغاليه زوجك حمدان .
************************************************** ***************************
فى بيت ناصر ...
ناصر : حياكم ياعيال تفضلو تفضلو
دخلو زياد ويزيد المجلس ..
زياد : يلا ي ناصر ورينا شطارتك فى الرياضيات قسم بالله راسي بينفجر من الصداع ولا معلومه دخلت مخي تكفى فهمني انت دافور الفصل ..
ناصر : ههههههه اعوذ بالله من عيونك قول ماشاء الله
زياد ويزيد : ههههههه ماشاء الله اللهم لاحسد .
************************************************** ***********
حمـــدان & نجــــلاء ...
دخل حمدان عندها فى الغرفه وكانت نايمه حط الورد على الطاوله لي جنب السرير وقرب منها وباسها على راسها . على طول فتحت عيونها ...
نجلاء : حمدان متى جيت
حمدان : قبل شوي وصلت انتى كيفك الحين ان شاء الله مو تعبانه .
نجلاء : الحمدالله بخير
حمدان : الحمدالله البنت زيك ماشاء الله قمر ياروحي الله لايحرمني منك .
نجلاء : هههههه ولا منك ياغالي .
************************************************** *****************
الساعه 2 صباحا بعد منتصف الليل ..
عند نياف وصديقه مسفر فى المجلس .
مسفر : الله يعطيك العافيه ياخوي ولا يحرمني منك
نياف : ويعافيك ماسويت شي انت اعز اصحابي ومستحيل اتخلى عنك وانت بحاجتي تذكر يوم كنت بالجنوب كيف وقفت معي وفتحت لي بيتك وقفتك معي مستحيل انساها هذيك الايام يلا نام انت تعبان وتحتاج راحه تصبح على خير .
مسفر: وانت من اهله نوم العوافي.
************************************************** ******************
كل ابطال قصتنا بنتظرون بكره واكثر شي طلاب المدارس وخاصه لي ثانوي عامه لانه اول يوم لهم فى الاختبارات النهائيه ..
السبت الساعه 5 فجرا ...
فى غرفه زياد ويزيد صحو من بدري يراجعون .
يزيد : متحمس ويكتب فى معدلات ويحلها . اتوقع الاستاذ يكثر من المعدلات والله خايف منها احس فيها لخبطه شوي
زياد : لاتخاف توكل على الله وربك يسهلها .
************************************************** *
عند نياف ومسفر ..
نياف : مسفر يلا قوم الصلاه راحت قوم خلنا نصلي جماعه مع زياد ويزيد قوم على ماطلع اناديهم
مسفر : طيب طيب خلاص قمت .
طلع نياف وكلم اخوانه ونزلو وصلو وفطرو وزياد ويزيد طلعو على المدرسه .
************************************************** ******************
فى مدرسه حور وجوري فى الوقت لي بين الفترتين فى الساحه البنات كلهم مجتمعين لي تذاكر ولي تسولف .
حور جالسه تراجع عندها توحيد .. جات عندها وحده من البنات غريبه عن شلتهم وجلست جنبها .
البنت: سلام.
حور: هلا وعليكم السلام.
البنت: ماعرفتيني.
حور: لاوالله ماعرفتك مييييين.
البنت: تذكري انا اعرفك زين.
حور: امممممممممممم والله ماعرفتك ذكريني.
البنت : تذكرين عر عيال راشد الي يصيرون لكم عرس ولدهم خالد قبل ينقلون كندا الي كان بالصيفيه الي طافت.
حور : ايه تذكرت انتي مها بنت بندر الي كانت معنا على الطاوله تذكرت شكلك.
مها : واخيرا ههههه
حور : اعذريني ي قلبي مع الاختبار الذاكره ضربت شوي هههه وينك انتى اكيد نقلتي توك على مدرستنا صح
مها: ايه قبل شهرين
حور : فرصه سعيده اني شفتك
مها : وانا اسعد يلا تامرين على شي براجع قرب الاختبار
حور : سلامتك بس ركزي زين
مها : ان شاء الله باي
حور : بايات
************************************************
فى اخر اسبوع من الختبارات يوم الثلاثاء اخر اختبار عند نياف ومسفر جلسوا طول الله الليل يذاكرون وشايلين هم هذي الماده الاستاذ اسئلته صعبه شوي .. فى الجامعه وبتحديد فى قاعه الاختبار كل واحد جالس فى مكانه وينتظر توزيع الاوراق .
نياف : يارب سهل علي الاختبار واتخرج يارب ساعدني ابي اسعد امي يارب انت عارف بنيتي يارب سهل الامور . سما بالله وبداء يختبر ..
************************************************** *******
فى مدرسه يزيد وزياد ...
زياد : بصوت عالي بشر يزيد كيف اختبارك حليت زين .
يزيد : الحمدالله جاء حلو الاختبار.
زياد : يلا الحمدالله مابقى الا بكره وبعدها نودع الملاعب السعوديه ونطير على الجامعه وننسى المدرسه وهمها بس يارب نجيب النسبه لي تبيض الوجه .
يزيد : الله كريم حنا سوينا الي علينا والباقي على ربك . يلا خلنا نطلع عند العيال ونفلها قبل اخر يوم .
زياد: يلا قدام
************************************************** **********
فى الجامعه خلص نياف الاختبار وطلع ينتظر مسفر برا عشان يطلعون ويفطرون مع بعض .
نياف : يارب لك الحمد خلصت اختباراتي خلني ادق على امي ابشرها .
**********************************
ام نياف جالسه على سجادتها وتصلي الضحى وتدعي لعيالها خلصت الصلاه ودق جوالها
ام نياف : الو
نياف : هلا ي الغاليه كيف اصبحتي
ام نياف : بخير الحمدالله
نياف : ابشرك اختباري مره زين الحمدالله وعندي لك بشاره ثانيه .
ام نياف : وش هي فرح قلبي ياولدي
نياف : نزلت لي مادتين ونجحت فيها شفتها توني . وانتى اول وحده تعرف
ام نياف : الف الف مبروك عقبال الباقيه والله فرحتني ي عين ابوي الحمدالله وخويك مسفر كيف وش سوى ؟
نياف : هذا هو جاي توه طلع من القاعه اشوفه من بعيد .
مسفر طلع من القاعه ويحس بدوخه بالقوه يمشي هو عنده السكر وتجيه دوخه بعض الاحيان .
فك زرار الثوب الي فوق يحس بكتمه فجئه طاح من طوله .
نياف : مسفر مسفر
ام نياف معه على الجوال وش فيك بسم الله وش فيه
نياف : اكلمك شوي وقفل قبل يسمع امه وراح جري على مسفر ويهز فيه مسفر قوم بسم الله وش فيك تجمعوا الشباب عليهم .
نياف : بالله واحد يساعدني بطلعه السياره بوديه المستشفى .
************************************************** ****
# ابي توقعاتكم فى البارت الثالث وش راح يصير #
مسفر ممكن يموت بسبب السكر ....؟؟؟؟
نياف كيف ممكن يتقبل رحيل اعز صديق فى حياته ....؟؟؟
وش قصه ناصر .... ؟؟؟
*************************
بانتظار توقعاتكم ...