منتديات خجلي - مكرونة بالباشميل بالتونة , طريقة عمل مكرونة بالباشميل بالتونة

http://img.5jle.com/uploadcenter/upl...1377504134.jpg

المقادير:

علبة تونة مصفّاة

كيس مكرونة أقلام

بصلة مقطّعة قطع صغيرة

ملعقة كبيرة عصير ليمون

½ كوب جبنة رومي مبشورة

ثمرة فلفل رومي مقطّعة قطع صغيرة

2 ملعقة كبيرة زيت

جزرة مبشورة

ملح وفلفل

مقادير البشاميل:
3 كوب لبن
½ كوب دقيق
مكعب مرقة دجاج
2 ملعقة كبيرة سمنة
ملح وفلفل

الطريقة:

1- لتجهيز البشاميل؛ سيّحي السمنة على النار وضيفي عليها الدقيق وقلّبيه لمدة 5 دقائق أو لغاية ما تلاقي إن لونه بقى دهبي، وبعد كده ضيفي عليهم اللبن بالتدريج مع مراعاة التقليب المستمر علشان الخليط ما يلزقش منك، لغاية ما تحصلي على خليط كريمي، وفي الآخر تبّليه بالملح والفلفل ومرقة الدجاج، وسيبي البشاميل على النار لمدة 5 دقائق مع مراعاة التقليب المستمر، وبعد كده ارفعيه من على النار وسيبيه علشان يبرد.

2- اسلقي المكرونة في ميه مضاف إليها ملعقة ملح وملعقة زيت، بعد كده حطّي المكرونة في مصفاة واغسليها بالميه كويس، وسيبيها علشان تصفّي أي ميه فيها.

3- شوّحي البصلة على النار وضيفي لها الفلفل الرومي والجزر والتونة والملح والفلفل وعصير الليمون، وسيبيهم على النار لمدة عشر دقائق، أو لغاية لما تلاقي إن التونة شربت أي ميه موجودة فيها.

4- هاتي صينية بايريكس وادهنيها بملعقة بشاميل، وابدئي في وضع المكرونة ثم طبقة من التونة ثم طبقة من البشاميل وبعد كده الجبنة الرومي المبشورة، وبعد كده دخّلي الصينية في فرن ساخن لمدة ساعة أو لغاية وشها ما يبقى دهبي، وبعد كده طلّعيها واستني ربع ساعة، وبعد كده قطّعيها وحطّيها في أطباق التقديم.. وبألف هنا وشفا.