منتديات خجلي - بلا زيوت بلا خرابيط مع خلطتي ودعي التساقط للابد

بسم الله الرحمن الرحيم

السلام عليكم ورحمة الله وبركاته حبايبي

بدون مقدمات >> توهقت وش تقول http://img.5jle.com/uploadcenter/upl...1380572647.gif

هذا سلمكم الله استخدمت خلطة لشعري ونويت وقلت بنفسي والله العظيم لو نفعتني هالخلطة اني انشرها في المنتديات وانفع بها غيري

وانا دايم ما احب ولا اثق في الخلطات والكلام الفاضي بس ما ادري ليش ربي الهمني وسويت هذي الخلطة
لاني شفتها سهله
وترا والله العظيم سجلت في هذا المنتدى علشان اكتبها لكم لاني ماني راعية منتديات

بس اول شئ قولو ماشاء الله تبارك الله تكفون http://img.5jle.com/uploadcenter/upl...1380572651.gif

بوصف لكم حالة شعري قبل الخلطة والله كان يتساقط بشكل رهيييييب لدرجة ما احط يدي علي شعري الا لازم القا شعر http://img.5jle.com/uploadcenter/upl...1380572649.gif
المهم الخلطة قريتها في منتدى ثاني والله مدري وشهو ولا ادري اسم راعية الخلطة الله يوفقها
نجي للمقادير http://img.5jle.com/uploadcenter/upl...1380572650.gif

عشبة اكليل الجبل
عشبة الآس او الياس او الريحان (( بس ترا مو الريحان العادي اللي نعرفه لا هذا نوع ثاني ))
ماء

شفتو كيف المقادير سهله http://img.5jle.com/uploadcenter/upl...1380572648.gif

الطريقة // تاخذين تقريبا كاستين ماء وتغلينها بعدين تقفلين النار عليها و تاخذين من كل نوع من الاعشاب بحجم كف اليد وتحطينها على الماء وتقفلين القدر بالغطاء وتخلينها يوم كامل http://img.5jle.com/uploadcenter/upl...1380572651.gif
وبعدين عبيها في بخاخ وبخي كل يوم على شعرك مره وحده وخصوصا من الجذور
وترا يا بنات مالها ريحه شينه وبمجرد ما ينشف شعرك ماتبان ولا كأنك حاطه شئ بشعرك

والنتيجة والله العظيم الذي لا اله الا هو ان التساقط راح تماما ما شاء الله تبارك الله وبعد نبت لي شعر صغار في مقدمة الرأس
والنتيجه بتبان معاكم من اول اسبوع ان شاء الله خصوصا من ناحية التساقط