منتديات خجلي

منتديات خجلي (http://www.5jle.com/vb/)
-   مواضيع اسلاميه - فقة - عقيدة (http://www.5jle.com/vb/f2/)
-   -   الاعجاب (http://www.5jle.com/vb/f2/t90584.html)

بينو بنت حسن 12 - 10 - 2013 06:02 AM

الاعجاب
 
بنات الإعجاب زاد والعلاقات في تطور

الحين اسألكم بالله ؟
وش نهاية هالحب و الهدايا
و التضحية والكلام الفاضي والغيرة المضحكة


-زواج؟ لا والله.
شاب راسي من القصص اللي اسمعها..
اوك الناس ماتشوفك اهلك ما يدرون ،

ربك وين ؟

روحك ماتخافين تطلع و انتي جالسه معها!
ترى الله قادر ..

#المدرسه بدأت واللي تحبينها
بتكون بوجهك طول فترة الدوام تبين تتخلصين
منها؟

انا اقولك كيف:


- قبل كل شي من قلبي ادعيّ لك بالهداية
كلنا نخطي و نذنب بس نقدر نصلح هالخطأ
و نترك هالذنب ،
مافيه شي اسمه مستحيل
كونك تبين هالشي .
-اول يوم دوام ، سوي كأنك مو شايفتها
ما اقولك تجاهليها مره ..
لا خلي علاقتك فيها
مثل علاقتك بصديقاتك تماماً ، و لا تفضلينها عليهم .

-تغيري عليها انظري لها نظرة صديقة
لصديقتها ، عادي !
جربي و شوفي - طبعاً هي
بتحس بهالتغير وبتسألك !
جاوبيها بكل برود
قولي لها : إنتي ذنب !


-انتي ذنب وابي اتخلص منه ، كصديقة
اهلاً فيك انا إنسانه اخاف ربي وابي اتغيّر
ابي ارتاح ابي احس اني نظيفة ابي رضى ربي
علي وهذا الأهم من كل شي .

-الوقت اللي اضيعه معك بالمدرسة صديقاتي
وكتبي اولى فيه ،
اثري فيها بكلامك حتى هي
يمكن تتغير بسببك ،،
تزعل ؟ اقرب حيطة

تبين غضب ربي و إلا غضبها ؟

-شوفيها عادي ، تجاهليها ، تغيري عليها
مري من عندها ارمي سلامك و امشي ،
لاتعطينها اكبر من حجمها لاتصيرون حديث المدرسه ومعصيتكم
على كل لسان .

-هذي تدري بعلاقتك و قالت لصديقتها
وصديقتها قالت لوحدة ثانية و اللّه يعينك على
لطش الذنوب من كل مكان ،
لأنها تعتبر ((مُجاهرة بمعصية ))

-صدقيني بعدها بتحسين براحه ماتنوصف
ابد بتشوفين التغيّر الي بيحصل بتحسين انك كنتي
ولا شي اصلا تصيرين تهتمين بنفسك تكشخين
عشانك مو عشان وحده .

-تحسين بفراغ كبير راحه و ان الله سبحانه
راضي عليك تداومين بكل اريحية
-شعور جميل
صديقاتك معك وانتي رايحة لعلم و دراسة
مو رايحة عشان وحده .

* اللي ابي اوصله الفائدة ونصيحة
من قلب يبي لك الخير والله يهدينا جميع . ♥



الساعة الآن 11:25 AM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team