|
دلة غرام السلآم عليكم و رحمة الله و بركآته دلة غرام سهرت انا و الليل و سْهيل و البدر وجمر الغضى تحذاه دله و فنجآل دلة غرآم وْ هيلهآ حيل فوآح وجآلهآ الفنجآل مشتآق عطشآن ودآرت بنآ سوآلف البعد و الهجر كلن شكى همه و قال اللذي قآل قآل البدر ~ مشتآق كلي ولآ ارتآح حتى يجي نصف الشهر يوم لآ هآن يوم التقي شمس الغلا دونمآ ستر وابلا غيوم/ن تفعل افعال عذال و بآخر الليله أوآدع و أنزآح وقول شهر وْ نلتقي شوف العيان والليل قال اثنى عشر ساعه للفجر والزين غآفي ابنصهم منعس هلال ودي بأكثر او يغمض بالاصبآح وآخذ من اغلاس ابعيونه بالامتان وجمع الكواكب ابحفلة العمر ونسمو منِ سْمآنآ ليآ سْمآه بجلال وقول انا هو راعي الحفل صدآح والحفل حفلي وانور الحفل وازدآن بطلة اللي يبعث النور من ثغر يسبي العيون وْ يآسر العقل لآ مآل تقل غصون الْيآن وثْمآرهآ اصحآح ويعكر الصبح الحفل سآعة يْبآن وسْهيل قال استغفر الله على العذر يآكم حسدت اتراب يوطيه بنعال والناس ينشدونيِ دْليل مآ رآح وانا دليلي وسطهم طير حوران غرونق نآدر والشبه فيه به ندر ياليتني وكره و فارق لذا الحال وكون يمه او قريّب و سوآح واتبعهِ من هنآك لهنآك ولهآن وخذت فنجآلي وقلت الطمع فجر كل وآحد/ن منكم يشوفه ويكتال ونآ مع نفسي وْ خيآله والاترآح ونآظر البروآز خاوي وسهرآن واسهر معاه وْ ننتظر طيف/ن ايحضْر ويْجمّل البروآز و يْبدل الحال ثم ينفخ غْبآر المعآليق لآ لآح ويْزيح بآقي الشوق بالوصل نشوآن واحترت واستغربت يآ شين هالامر وقلت للبدْرِ استحي ليتني اهْلال وكون بعض من بقآيآك يآ صاح وشوفه وكني مَا شُوفه وفرحآن هاذي تفاصيل الذي حب ويْصبْر طول المسافه من ورى لال في لال وقال الهوى احساس واتبعه وانساح مسشرق وْ مستغرب وْ عالي وْ دآن وقلت لليل الطمع آخره هدر يكفيك نص اليوم والجال بالجال والحمدلله قولها ابصوت صيآح وارضى بنص اليوم والزين نعسان وسهيل مدري ويش حله لهالعسر مسكين لآكن هَمّ احَسْدّه على الجال قريب او بعيد مآ تفرق ان طآح طيف النظر على طيوفه ولو كآن طيفه سرآب وْ خآفي الصدر و الظهر لانه بكل الفكر والقلب و البال ومع نسيم الصبح بالعطر فوآح يعم كل النآس ويعم الاوطآن والشمس غآرت من حكينآ على الفجر وقالت يكفيكم ترى الوقت بي طال ودي بنور/ن اعكسه منه وضآح وعطر الدنيا من انفاسه ان رآن وراح البدر والليل فارق وبه كسر وسهيل في ذا الجال صابر ومحتال ونا على حآل/ن يعنيني ذبآح |
رد: دلة غرام كلماات لامست القلب والكيان.. واستقرت في داخل الوجدان.. غاليتي متكحله بدم خاينهاا ارسلها لكِ .. لتنثر في قلبك عبيرالشكر والثناء.. ليرسم على جدرانه الوان الحب والحياة.. تقبلي مروري بكل الودوالاحترام.. |
رد: دلة غرام متكحلة بدم خاينها كلمات رائعه ب روعة إحساسك ما اروع معاني كلماتك هنيئاً لك ع هذا القلم.. الذي مآزآل يضيء ادام الله علينا قلمك..دوماً |
| الساعة الآن 01:26 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها