قصيدة الامير خالد الفيصل بسلطان الخير
 

قصيد الامير خالد الفيصل في سلطان الخير , قصيدة الامير خالد الفيصل في سلطان بن عبدالعزيز , قصيدة الامير خالد الفيصل بسلطان بن عبد العزيز , يوتيوب قصيدة خالد الفيصل في سلطان الخير , يوتيوب قصيدة خالد الفيصل بسلطان الخير , قصيده خالد الفيصل بسلطان الخير , قصيده خالد الفيصل في سلطان بن عبد العزيز

ليت المرض ينقل عن اللي نودّه
والله لاشيله عن غلا الناس سلطان

شيخ جميع الناس ذخر تعدّه
إن ضاقت الأيام واشتدت أزمان

ملجا الرفيق ومن بعد كان ضدّه
حتى العدو ينصاه لي ضاق به شان

محد(ن) وصل بالجود والطيب حدّه
وانا اشهد إنّه أكثر الناس إنسان

كم واحد(ن) عن لحظة الياس ردّه
حتى زرَع له بالأمل روض بستان

أمّا الشجاعة فاسأل اللي يندّه
وعزّي لمن لاقاه سلطان غضبان

يمناه إذا همّت بحصن(ن) تهدّه
ويسراه ياما عدلّت راس غلطان

وكل(ن) عطاه الله من الحمل قدّه
ونصيب ابوخالد هزع كل ميزان

وتضحك لها عينه وسنه وخدّه
ما كنها إلا ريشة(ن) شالها حصان

ياالله ياربي من العمر مدّه
كم عين محتاج ترجله باحسان




~

رد: قصيدة الامير خالد الفيصل بسلطان الخير
 

عوووافي اختي
ملاك