سنين وشهور
 

ألا يا مل عينٍ في سـهرها /*/ تهل الدمع من موق مْحجـرها


وعيّت لا تبـات ولا تريّـح /*/ طوال اللّيل وتهاجي قـدرها


وأنااللّي عارفٍ حكم المقدّر /*/ يصيب الناس لو زادت حذرها


وأنا راضي وقانع في نصيبي /*/ ولي عينٍ يقـدّيها نـظـرها


ألا يااللّه تحقـق لي مرادي /*/ وفرّح عيني بْـفرقا كـدرها


أنا بالوقت ذقت مْن العزاير /*/ مذاق السم مير الله سترها


ثـلاث سنـين وشـهورٍ زيـاده /*/ وعيني عاضت النوم بسهرها


وصبرت وقلت بالصبر إنفراجه /*/ هقيت الصبر لا طالت قصرها‍‍


وأثـرها لو فـي يومٍ وليـله /*/ تزول المشكله صبري عَمَرها


صبـرت سنـين وشـهور وليالي /*/ ولا زالـت حياتي في خطرها


على اللّي صابني بأوّل شبابي /*/ من الأيّـام وعزومي كسـرها


ولو إنّـي بغيت أجبر عزومـي /*/ تعبت ولا لقيت اللّي جبرها


ليا قلت الغمامه تـ تزولـي /*/ لقيت الزود ينبع من نحرها


وإذا قفـّـت مصيبه عن دروبي /*/ أشوف الثانيه تمشي بأثرها


وتبقـا قصّـةْ الدمـعه تجـدّد /*/ ولا غير الولي يعلم خـبرها