اشعار عبدالعزيز الفراج - قصائد عبدالعزيز الفراج

صعب المنال

هل همال المشاعر مثل همال برديه ..

................................................ وارتوت قاع القصيد وكفكف ثعول السحابه

بالقصيد أضمن نجاحي وادبل المية بميه

............................................... ادري اني ذيب واستانس لاخاويت الذيابه

يافهد حركت شي" داخلي ماهو شويه

............................................... شيء يدري عنه فرد وشيء يدري عنه لابه

من غلا رجل" مدحته صرت انا وهوه خليه

............................................... للوفاء ماجاب جبت وللفخر ماجبت جابه

الغلا لو ينوزن ماشالته هضبة طميه

............................................... كان جيته مرحبا بي كان جاني مرحبا به

نعم والله في فهد والنعم مثني في سميه

............................................... عن فهد بشكر فهد وارد مدحه بالنيابه

من مقاديم السهول اللي لهم في كل هيه

............................................... موقف" يعجز به الرجال لامنه حكى به

درعنا وانا بعد درعآ لهم بد البريه

................................................ عارفين القرب خنذف مثل ماتعرف شبابه

كم نهارآ لاتعزوينا على بنت العبيه

................................................. نشبع عدانا طراد وكلنا عزم وصلابه

قلتها وانا عجل والمعذره من كل سيه

................................................. من غلاي لصاحبي ربي يمتع في شبابه


:
:




انـا عيونـي تناعـس مـن عـمـس راســي
والا انـت مـدري عيونـك وش تناعـس لـه
عـلـيـك لـــدة وســـاع تـقـطـع أنـفـاســي
برموشـهـا الـلـي تـجـي بالـهـون منّسـلـه
ومــدري مـتـى الله يلـيـنّ قلـبـك الـقـاسـي
واللـي يجيـك بتواضـع مــا تغـطـرس لــه
يجذبـنـي الـشـوق يـمـك جـذبـة ألمـاسـي
وأخفي صوابي عن عيونك وانا اونس له
وان راودتـنـي تبـاشـيـرك وانـــا نـاســي
آمــنـــت بالله وبـكـتـبــه وبـــرســـل لــــــه
واليـا سرابـي عـلـى طـاريـك هوجـاسـي
أعطـيـه كـــل أهتـمـامـي وآتـحـمـس لـــه
مـا كـن غيـرك علـى وجـه الثـرى داسـي
فـي فكـري اللـي شياطينـه توسـوس لــه
لـك فـيـه بــرج عتـيـق ومجـلـس ريـاسـي
اليـا أنعقـد فــي اجتماعـاتـه تــروّس لــه
مـتـربــع فــيـــه سـلـطـانــك ومـتــواســي
ويجلـي الصـدا والتـراكـم عـنـه ويغسـلـه





لوحسبت الارض..والكون بمعمّه=قيمة القطب الجنوبي .. والشمالي
ماتساوي ريح عطرك .. يوم اشمّه=ياحبيبٍ مشغلٍ فكري .. وبالي
انت لامن جيت للناقص .. تتمّه=كاملٍ زينك .. ولله الكمالي
ودي اوصفك .. بس الوصف ذمّه=ماخبرنا واقعي .. يوصف خيالي
بك (لسانٍ) يخطي الحكي ويخمّه=والحروف تقول دوّرلك بدالي
و(النواعس) .. كالليال المدلهمّه=(وغرتك) .. تكشف مجاهيم الليالي
و(اسودٍ) .. لامن نثرته ماتلمّه=غير بالكف اليمين وبالشمالي
و(عودٍ) اطرق لاتمايل .. ملت يمّه=بري حالي لاتمايل .. بري حالي
ودي اشدّه على صدري .. واضمّه=انحني لك غصب .. لو الراس عالي
انت قمه .. كان به للزين قمّه=وانت الاوّل .. كان به للزين تالي
لو يشكّل للمزيّن .. (مجلس امّه)=كان ماجا للبنيّ .. غيرك مجالي
انت خال الزين كله .. وانت عمّه=وصرت في دنيا الهوى عمي وخالي
منك شري لانخرعت وقلت (( يمّه))=يحفظك من شرف العشر التوالي
عاشقك كان الرياضه ماتهمّه=شفتك تشجع .. وضيّعت اعتدالي
قمت اطالع فالصوّر .. من كل يمّه=انت وجهني .. وانا افرغ هبالي
كانك تشجع نصر .. اروح يمّه=وكانك تشجع هلال .. اطلع هلالي
بس لايبطي ضما وراد جمّه=اروني ياجمي .. العذب .. الزلالي
مثل ماعيفتني كل (الازمه))=والله ان اعيّفك كل ((الرجالي))
انت ابو قرب الحبايب .. وانت سمّه=وابرك الساعات .. ((جوّك لاصفالي))

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء