متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
19 - 10 - 2016, 12:07 PM
| #1 | ||||
| صعب المنال خجلي موهوب  |  عبارات تهنئه للعروس قصيره
 فتنة الحفل هلا يافتنه الحفله .... هلا والفرحه أكتملت ......................................هلا باللي سحرت كل العيون والزين كاسيها هلا باللي القمر منها رحل يومنها طلت ...............هلا (اسم العروس )ومثل (اسم العروس ) بالدنيا أثنين مافيها نويت أني أوصّفها وحروفي بوصفها أحتفلت ....................................وأشوف الشعر يسبقني ويكتب كل معانيها عليها من الحسد عيني ذكرت محمد وصلت ...................................وعليها من الفرح شعري رقص بأحلى لياليها أنا بوصفها أببدأ بشعرها يوم له فلت .....................................سواد الليل والجبهه قمر نوره يغطيها وعيونها عيون حوريه ومنها الحور أتحلت ...................................يعني بأختصار كامله وجمال الكون بيديها و(اسم العروس) أذا رخت رموشها وسلت ......................................تصيب اللي يحب الزين ويعشق غواليها و(اسم العروس) مثل القمر عيونا منها ماملت .......................................عسى ربي من الحاسد بأمره اليوم يحميها واليله الليله كل الناس أحتفلت ............................ليله من العمر صارت (اسم العروس) اللي تحليها أهل المدينه ( المنادي ) وهي فكرة منادي في السوق او في المدينة ينادي بان اليوم فرح فلان وفلانة وهي مقدمة قبل دخول العروسين وهي فكرة ماخوذة من زفة الف ليلة وليلة بس مختصرة الكلمـــــات: يااهل المدينة اسمعو واعو اليوم خطبة او زفاف شمس الشموس اليوم زفات ( العروسة ) اجمل عروس على فارس الفرسان على ( العريس ) فارس الفرسان ادعو لهم بالتوفيق من الرحمن قصيدة للعروسين يوم أقبلت أحلى عروس صابت الصاله سكون عم الهدوء كل المكان والكل يناظر زينها الناس من كثر الجمال ماهي مصدقه العيون يحسبون أنها ملاك يوم رمشت في عينها لولا خوفها على الحضور يصيبهم عشق الجنون كآن ضحكت بشفاتها أو أشرت بيدينها حرف الميم بداية أسمها معطر بعطر الدخون يزيدها روعه وحيا ونور وسط جبينها والنون ثاني حروفها معطيها بهجه مع شجون النون زودها حلات وزود حلا لسنينها والألف اخر حروفها يعطيها فن من الفنون الألف ختام لأسمها منى الله شزينها الخير طير بقدومها غرد على كل الغصون الخير كله ياملا في قلبها وفي أيدينها الورد خدر في كفها من لمسه الكف الحنون يذوب من لمسه أيدها وعطرها وحنينها ومالوم أنا الصاله اذا صابها صمت وسكون مادام منى هي العروس بنسكت ونطالع زينها قصائد زفات خاصة اكتب اعذب قصايد جاد فيها خيال=و السعادة بقلبي فوق ما توصفون الف مبروك يا اغلى غصن ريحان مال=يا بعد قلب "نايف" و النظر يا "هتون" كل ها الناس عندي لحال و انتي لحال=جيتي بأعلى مكان و باقي الناس دون انتي اللي سكنتي خافق (ن) لك حلال=وانتي اللي تحرك من غرامك سكون وانتي اللي سقيتي عذب حبك زلال=وارتوى من حنانك كل ذابل غصون وانتي شمس لشتايه و لهجيري ظلال=وانتي لأقسى همومي قلب دافي حنون وانتي اللي لحالك لو طلبتي محال=قلت سمي حياتي منهي غيرك تمون شلت حبك و قدرك فوق راسي عقال=وصنت عهد المحبة عن جميع الظنون انتي قصة طويلة للحسن و الجمال=انتي لوحة تحير فيك علم الفنون كان بالناس كامل فانتي اصل الكمال=وكان للزين عالم انتي للزين كون همت حب بجمالك يا شبيه الغزال=(ولا ذبحني بزينك شي كثر العيون) فوقها من الحواجب ليل مثل الهلال=غير شي (ن) سحرني بالهدب و الجفون وخد ما شاب لونه كثر حب الخوال=والشعر من سواده ليل فوق المتون وبسمتك لا ابتسمتي صوتت لي تعال=وضحكتك فتحت لي ورد حمر الوجون الدلع و الأنوثة و الحلا و الدلال=حركو كل غيرة و ان بدوا يقهرون اطلب الله يسهل مقبلات الليال= و يجعل البيت عامر بالغلا و البنون --------------------------------- اعذب حروف الشعر و اغلى معانيه=لكل من بحضورهم شرفوني وأمي لها اكتب نبض قلبي و اغنيه=و دمع الموادع في محاجر عيوني و لابوي ابكتب عذب الإحساس و ابديه=ذاك الكريم اللي بقلبه حنوني ولاخواني ابدي من ضميري خوافيه=يا تاج راسي يا سعادات كوني و ام العريس اجمع لها الورد و اهديه=واهل قطرات الغلا من مزوني وقت الوداع القلب ما هو بقاويه=ولو هو بكيف القلب ما ودعوني --------------------------- اروع وردود الحب و اسما التباريك=ازفها لأخوي باجمل قصيدة باصدق احساس اختك مع الود تهديك=احلى التهاني والمشاعر سعيدة مليون مبروك و عساها تكفيك=ليا انتهت مبروك تبدا جديدة كل الصفات الطيبة تجتمع فيك=حققت بايديك الحلوم البعيدة تستاهل اللي من غلا القلب تعطيك =بنت الذي حوش المراجل رصيده تسقيك من فيض المشاعر و ترويك=بزينها جت لك على ما تريده الله يخليها ولها يخليك=و تبقى المحبة للسنين المديدة. ------------------------------------ مبروك ما نجم (ن) بكبد السما بان =و ما هلت مزون الشتا من مطرها فرحة لها غنا على خضر الأغصان=طير الحمام وفاح زاكي زهرها مبروك يا شيخ ن له الطيب عنوان=نسل الذي يفخر بها من ذكرها خالد ومثله بحسن الأخلاق ما كان=تلقى المراجل فيه باروع صورها يستاهل اللي زينها يسحر أعيان=من شافها ما مل شوفه نظرها ذاك الشعاع اللي غشا بيض الأوجان=وكشف لنا ليل (ن) يشابه شعرها لك يا مها مبروك والكل فرحان=انتي ضيا الدنيا و طلة قمرها الله يوفقكم على مر الأزمان=دنيا محبة و الغرام يعمرها ------------------------------------------ طلت مثل نور القمر نصف الشهر=تا خذ عقول الحاضرين بزينها ليلى بدت و الا طلع نور الفجر=و زاح السواد اللي يظلل عينها يوم اقبلت و الورد بالدرب انتثر=قدامها ويسارها و يمينها من شاف هذا الزين ما غض البصر=وين العذارى عند ليلى وينها ليل الجديل اللي على المتن انتثر=تكشف ظلامه من بياض يدينها تاخذ قلوب الناس و تسل النظر=بزينها وباخلاقها و بدينها جت من نصيب اللي بذكره نفتخر=اللي حصيله بالمراجل زينها محمد و نعمين لا جا له ذكر=نسل الرجال عهودهم وافينها الله يوفقهم على طول العمر=وتبقى السعادة مع مرور اسنينها ------------------------------------ طلت علينا و اقبلت و اقبل الزين=تمشي و كن النور يمشي باثرها من يوم طلت ما قوت ترمش العين=زان الحفل و العين طايب سهرها نجلاء نفرش لك ورود ورياحين=يالدرة اللي جت لنا من بحرها يا وردتن منها تغار البساتين=يا مزنة (ن) هلت لنا من مطرها يا قمة الأخلاق و العقل و الدين=يا مهرة ن يفخر بها من ظفرها نهدي لك الابيات باحلى المضامين=ونهدي لك الفرحة على اروع صورها الله يديم افراحك اسنين و اسنين=ويكفيك من شر العيون و نظرها ------------------------------ غنا الحمام و جر الأصوات موال=وتفتحت لأفراحنا ورود وزهور و غيم المشاعر ليلة العمر همال=والليل ما وده على طلعة النور فينا السعادة بانت الوان و اشكال=احساس بالافراح و الحب مغمور مبروك لك يا معرّب العم و الخال=نسل الذي في طيب الافعال مشهور مبروك يا يوسف وتحتار الأقوال=ويحتار فيك الشعر و الشعر معذور يا اللي كسبت المدح من طيب الافعال=لا جا مجال الخير بالخير مذكور تستاهل اللي جت من الحسن تختال=بنت الكريم الطيب الصايب الشور لا حل طاري سالم النعم ينقال= مع ربعه العوفان بالفعل مخبور ومبروك لك يا هند يا بنت الابطال=يا نجمة الحفلة و يا زينة الحور يا درة (ن) ماهو من السهل تنطال=الا الشجيع الا عشق غبة ابحور منها العيال و منك يا يوسف المال=وتقضون باق العمر بافراح و اسرور الله يوفقكم على كل الأحوال=و يجعل طريق العمر بالحب معمور ويكفي غلاكم كل حاسد و عذال=ويكفيكم الدنيا صواديف و اشرور --------------------------------- طل الحلا و الزيـن لعيونكـم بـان واللي يبي يسهي مع الزين معـذور مدري قمر و الا انها طلت "ايمـان" والا سرا الليل وبدا يطلـع النـور يوم اقبلت وانشدت انظار الأعيـان تمشي و يمشي حولها الزين طابور هذا الجمال اللي سقا قلب ضميـان هذا الجمال اللي به الكـل مبهـور معقول كل الحسن هذا على انسـان سبحان من سواك يا شمعة الحـور يستاهلك شيخ ن به الطيب عنـوان ماجد بحسن الراي ردوا لـه الشـور و نعمين لا من حل ذكره على لسان و لاحل طاري الخير بالخير مذكور مبروك يا ايمـان والكـل فرحـان ومبروك يا ماجد نهنيك باسرور مبروك والفرحة ملت كل الأوطـان مبروك و الدنيا امطرت ورد وزهور ليلة فرح ترقص لها خضر الأغصان وغنا لها عذب اللحن نايف طيـور ليلة عمر وافراح مـا مثلهـا كـان والقلب من نبع الأحاسيس مسـرور الله يوفقكـم علـى مـر الأزمـان في بيت زوجية بالأفـراح معمـور -------------------------- مرحبا ترحيبة الليل باقدوم الصباح=اسفرت باقدومكم واستهلت و امطرت يا هلا واعداد ما البارق من الغرب لاح=تو ما الأفراح تمت وشمسي نورت مرحبا باللي تعنو لتتويج النجاح=في حروف أصدق قصيدة من الشعر انقرت قصر التعبير بالشعر و انا ارجو السماح=والقصيدة عن مشاعر لكم ما عبرت لكن بقلبي مشاعر سعادة و ارتياح=وفرحتي فيكم ما قد على البال اخطرت لكم مني خالص الشكر و ازكى الورد فاح=لكل من باسم المحبة لها الحفل احضرت ------------------------------- شعر صلوا على محمد صلو على محمد فوح العطر والعود ------------ في ليلة بين العين وهدبها هذة الليلة انور نورها زود ------------- والسماء نجومها اضوت في ذهبها كيف ماتضوى والكل حاضر وموجود ------------ شوق المحبة يلتقي في طربها ( العروسة ) ياكل الحسن فيها موجود ---------- يغار والله البدر من طلة هدبها ( العروسة ) يابنت الرجال بنت الفخر والجود --- فيكي القصايد ماتوفي سببها ( العريس ) ياكل الشهامة بلازود -------------- ولد الرجال والمكارم واهلها الله يجعل ايامكم حب وورود ------------------- وسعادة يحكي بها الكون وسببها شعر وفكرته بأبياته الليلة الفرحـة ملـت واسـع الكـون وهلت لنا مزون الغـلا عـذب ماهـا الليلـة لشمعـة حيـاتـي يـزفـون وتكحلـون عيونكـم مــن حـلاهـا والطفلة اللي جت تمشي على الهـون تهدي لهـا عطـر الـورود وشذاهـا ورود حـب و كـل وردة لهـا لـون وعلـى محياهـا الـبـراءة تبـاهـا و اذا سألتوا نور عيني مـن اتكـون؟ وكيف املكـت قلبـي وذاب بهواهـا؟ اليـوم لا طلـت عليـكـم تعـرفـون منهي و وش سر الغـرام و غلاهـا؟ تمون لو تطلب نظـر عينـي تمـون تزعل علي الناس و اكسـب رضاهـا الغالـي اللـي تطلبـه منـي يهـون روحـي و قلبـي و المشاعـر فداهـا "الاسم" تحط عروق قلبي لها اغصـون واصدق شعور الحب يـروي ضماهـا الزينـة اللـي حيـرت كـل مزيـون تمشي و كـل الزيـن يمشـي وراهـا ما الومكم لـو مـن حلاهـا تغـارون الله وهبهـا الـزيـن و الله عطـاهـا وش تذكرون بزينهـا و وش تخلـون مـن راسهـا حتـى مواطـي حذاهـا
ما كنت احسب ان المشي ذوق و افنون لين اقبلـت "الاسم" ترتـب خطاهـا وليل الجديل اللي تمايل علـى امتـون وغطـا نحرهـا بالظـلام و كسـاهـا و الضحكة اللي تحتها الـدر مكنـون و البسمة اللي تنرسـم فـي شفاهـا هو جسم و الا خد و الا هـي عيـون متميـزة بالزيـن عـن مـن سواهـا لطلتـك كـل الحـضـور يتـحـرون ويبغون شمس الصبح ترسـل سناهـا طلـي و خليهـم لزينـك يشـوفـون يا "الاسم" سنينـي و مصـدر ضياهـا قصيدة زفاف ( الطير غنا للفرح ) الطير غنا للفـرح عـذب الألحـان ونور السعادة بان فـي كـل ديـره و تمايلت لافراحنا خضر الأغصـان والورد طاب و فاح زاكـي عبيـره مبروك والفرحة ملت كـل الأوطـان واسما التهاني في خطوبـة منيـرة اروع انسانه ترتبط بـاروع انسـان بنت الرجال اهل الفعـول الشهيـرة ال ابراهيم ونعـم ذربيـن الأيمـان عاداتهـم قطـع الـدروب العسيـرة فيها تواصيف الحلا اشكال و الـوان و لزينها تبصر عيون(ن) ضريـرة مكم واحد (ن) من زينها مات غيـرة لخد ورده و الجسـم عـود ريـان و الزول ريم (ن) بالفـلا مستذيـرة والعين فيها سحر نظـرات نعسـان لا سلهمت تجبر عظام (ن) كسيـرة جت من نصيب اللي له الطيب عنوان والنعم لا جا له مـع النـاس سيـرة قصيدة إهداء للعروس من العريس اكتب اعذب قصايد جـاد فيهـا خيـال و السعادة بقلبي فـوق مـا توصفـون الف مبروك يا اغلى غصن ريحان مـال يا بعد قلب اسم العريس و النظر يا اسم العروسه كل ها الناس عندي لحال و انتي لحـال جيتي بأعلى مكان و باقي النـاس دون انتي اللي سكنتي خافق (ن) لك حـلال وانتي اللي تحرك من غرامـك سكـون وانتي اللي سقيتـي عـذب حبـك زلال وارتوى من حنانك كل ذابـل غصـون وانتي شمس لشتايه و لهجيري ظـلال وانتي لأقسى همومي قلب دافي حنـون وانتي اللي لحالك لـو طلبتـي محـال قلت سمي حياتي منهي غيـرك تمـون شلت حبك و قدرك فوق راسـي عقـال وصنت عهد المحبة عن جميع الظنـون انتي قصة طويلـة للحسـن و الجمـال انتي لوحة تحيـر فيـك علـم الفنـون كان بالناس كامل فانتي اصـل الكمـال وكان للزين عالم انتـي للزيـن كـون همت حب بجمالك يـا شبيـه الغـزال (ولا ذبحني بزينك شي كثـر العيـون) فوقها من الحواجب ليل مثـل الهـلال غير شي (ن) سحرني بالهدب و الجفون وخد ما شاب لونه كثر حـب الخـوال والشعر من سواده ليل فـوق المتـون وبسمتك لا ابتسمتي صوتت لـي تعـال وضحكتك فتحت لي ورد حمر الوجـون الدلـع و الأنوثـة و الحـلا و الـدلال حركو كل غيـرة و ان بـدوا يقهـرون اطلـب الله يسهـل مقبـلات اللـيـال و يجعل البيت عامر بالغـلا و البنـون قصائد وأفراح للعرايس من اندعى وقال حاضـــــــــــــر****من كل قلبي ياهــــــــــــــــــــــلا مليون مرحب ومرحــــــــــــــب****لكم كل الغــــــــــــــــــــــــــــــــلا سمعونا غطروفة حـــــــــــــلوة****سمعونا للحب غــــــــــــــــــــنوة فلو الشعر يابنـــــــــــــــــــــــات****وارموا ورود وعبيــــــــــــــــــــر الليله ليلتنا غير -------------------------------------------------------------- اقبلت نور الليالي يازين خطواتها****يزفها كل الحضور وامها واخواتها ارموا عليها الزهــــــــــــــــــــور****اشعلوا الدنيا بخـــــــــــــــــــــــــور ولا احد يغار منــــــــــــــــــــــــها****اميرة واللي اخذها اميــــــــــــــــــر الليله ليلتنا غير ----------------------------------------------------------- اقبلت والليل ياخذ راحته فوق الغصون ***وانتفض لعيونها يصب الونس للشمعدان هزت رموش الغرام وجاوبت كل العيون ***طفلة ما كنها الا تنثر زهور الحنان يوم شافوها شهقت كل الحناجر من تكون ؟ ***وين جت هالصرخة اللي زلزلت صمت المكان وقفت تقرأ الوجية وتزرع آيات السكون ***طولها يشرب سحاب العز ويدوس الهوان استدارت واشعلت برد الهوى وبرق الجفون ***واعشبت معها الحنايا شوق والشوق امتحان استجنوا يوم فلت شعرها وزاد الجنون ***يوم قامت تطوي الشال وتفل الزعفران سلت يديها وتثنت ولعبت كل الفنون ***ورقصت والليل بيدينه يتل الخيزران والجمر يستعطف الرمان ويزف الطعون ***وجيدها يختال مادرى وش ترك للكهرمان كنها تجفل حيا لا راحت وتقبل تمون ***منهو اللي عطاها وحط في يديها العنان تلبس اطياف الشموع وتنتهي في كل لون ***وتنثر المسك بمداها والزهر والقحويان غنت وكن البلابل شدوها العذب الحنون ***والكناري تعزف انغام المسا والكروان ذوبت معها القلوب وهيجت معها الشجون ***صوتها فرحة وتر عود وحزن ناي وكمان وش تقول السالفة عن شيطنتها والمجون ***والبحر في ملحها يغرق ويضماها الزمان العنود الترفة الدلوعة الغنجا الفتون ***وش عليها ولو تغطرس سيدة كل الحسان فالعيون ازدادت الغيرة وثارن الظنون ***ما بقى شي سواها يلبس ثياب الامان اول الليلة وكل ما طرا فباله يخون ***وآخر الليلة تغير كل شي الا المكان ---------------------------------------------------- يوم أقبلت أحلى عروس صابت الصاله سكون عم اهدوء كل المكان والكل يناظر زينها الناس من كثر الجمال ماهي مصدقه العيون يحسبون أنها ملاك يوم رمشت في عينها لولا خوفها على الحضور يصيبهم عشق الجنون كآن ضحكت بشفاتها أو أشرت بيدينها حرف الميم بداية أسمها معطر بعطر الدخون يزيدها روعه وحيا ونور وسط جبينها والنون ثاني حروفها معطيها بهجه مع شجون النون زودها حلات وزود حلا لسنينها والألف اخر حروفها يعطيها فن من الفنون الألف ختام لأسمها منى الله شزينها الخير طير بقدومها غرد على كل الغصون الخير كله ياملا في قلبها وفي أيدينها الورد خدر في كفها من لمسه الكف الحنون يذوب من لمسه أيدها وعطرها وحنينها ومالوم أنا الصاله اذا صابها صمت وسكون مادام منى هي العروس بنسكت ونطالع زينها ----------------------------------------------------------- دعوتكم وحضوركم هم أجمل حيــــــــاه فرحتي عامره والكون ينور في ضيــــاه يا نهار العيد في حياتي مع صبحه ومســــاه أجمل آيات التهاني لكم مع الغـــــــرام
المصدر: منتديات خجلي - من قسم: مواضيع عامة - مواضيع ثقافيه - مواضيع منوعه | ||||
 |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| عبارات تهنئه بالعيد للواتس اب | صعب المنال | جوالات - اتصالات - مسجات - sms - mms - برامج جوال - نغمات - ثيمات | 0 | 17 - 6 - 2015 04:21 PM |
| عبارات تهنئه بالمولود الجديد | صعب المنال | التربية - الطفل - الرضاعة - العنايه بالطفل | 0 | 3 - 5 - 2015 06:32 PM |
| رسائل تهنئه قصيره | صعب المنال | جوالات - اتصالات - مسجات - sms - mms - برامج جوال - نغمات - ثيمات | 0 | 1 - 2 - 2015 11:05 PM |
| مسجات تهنئه برمضان قصيره , مسجات تهاني رمضان قصيره للجوال , رسائل تهنئه بشهر رمضان قصيره ومميزة | جمر الغلا | جوالات - اتصالات - مسجات - sms - mms - برامج جوال - نغمات - ثيمات | 1 | 17 - 7 - 2012 05:11 AM |
| وسائط تهنئه للعروس | صعب المنال | جوالات - اتصالات - مسجات - sms - mms - برامج جوال - نغمات - ثيمات | 4 | 27 - 3 - 2012 04:02 PM |
العرض العادي
