ماتت زهور العشق يا حبة التوت

مدخل ,

أنا ذقت من ضيم الزمن ماتكلمت
الصمت له في بعض الاحيان ميزات ,’

واقف على درب الوهم كنِّيَ الموت
والكلِّ مرِّ بْجانبي ثم جفاني

ناديت وقلوب البشر تجهل الصوت
محد ٍ سمع صوتي ولحْدٍ لفاني

تندهنٍيَ الآمال" فاتك ترى الفوت"
خلِّك مكانك مابنا لك مكاني

كنّ الأمل في داخلي شيَّد بْيوت
لكن زماني يهدم أحلى الأماني

كنت أحسبك دنيا هداياك ياقوت
واثرك نهاية من هقابك حناني

ماغير حزني داخل القلب منحوت
والهمٍّ كلِّي... والفنا كم كساني؟!

صار الورق لي عقب الاحزان تابوت
وألفيت موتي قبْل ألاقي زماني

ماتت زهور العشق يا"حبة التوت"
ماعاد أغنِّي في حبيبي أغاني

في كلِّ لحظه موت في موت في موت
والله لجافي كل حبيب ٍ جفاني

مخرج ,

لحظه! قبل لا ترجع السيف للغمد
قلب بدونك وش يبي في حياته؟
بقرا على موت الهوى سورة (الحمد)
وان تمم (آمين) ابدأ في مماته
عندي تساوت طعنة الطيش والعمد
وعنده تساوت كلمته مع سكات

القصيدة للمبدع:

خالد رافع العنزي

كنت أحسبك دنيا هداياك ياقوت
واثرك نهاية من هقابك حناني