متابعين خجلي على تويتر

متابعين خجلي على الفيسبوك

 


العودة   منتديات خجلي > الاسلام - حياة الرسول - صوتيات -مرئيات > مواضيع اسلاميه - فقة - عقيدة

إضافة رد
 
LinkBack أدوات الموضوع انواع عرض الموضوع
قديم 26 - 1 - 2012, 01:21 PM   #1

كل مافيني جريح
خجلي مبدع
12 قصة حقيقة لتآرك صلاة





دارت أحداث هذه القصة في عطلة الحج في منطقة الشعيبه وهي منطقه ساحليه بريه على شواطىء البحر الأحمر تقع جنوب جده على طريق الليث,, وتعتبر منطقة تخييم < طلعات > للشباب والعوائل في إجازة الشتاء .. المهم كنا 5 من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ أنا بصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 مع أن أبوي إمام مسجد و كنت أطيعه في كل شي يقوله ويامربه الا الصلاة وفي حياتي ما سمعته يدعي على ما كان يقول غير الله يهديك ويصلحك بس كان يقومني للصلاة أروح اخذ فره بالسيارة وارجع بعد ما يخلصون لأنه هو أول واحد يدخل المسجد وأخر واحد يطلع منه عشان كذا ما راح يفقدني ، المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص وطبعا كان لازم واحد يجلس في الخيمة جلست أنا لأني موقد كذا في الغوص جلست لوحدي في الخيمة وكان جنبنا شباب أذن واحد منهم وطلعت برا شفتهم يتجهزون للصلاة قلت تجنبا للإحراج خلني انزل للبحر اخذ لي شوط سباحه , المهم لبست ونزلت للبحر .. مشيت مشيت الين جيت في منطقه حلوه للسباحة مو عميقه مره ولا قريبه سبحت وسبحت وسبحت ومنطقة الشعيبة معروفه بالأجراف تعرفون الأجراف أكيد,, المهم تعبت شوي وقلت خلني أنام على ظهري وأهمل جسمي على أساس أريحى شوي وارجع سويت الحركة و جلست أطفو شوي وووفجأه حسيت أن واحد سحبني لتحت ونزلت تحت المويه حاولت أوقف على ارض البحر وادف نفسي فوق على بالي أن المسافة مترين تقريبا اثاريني وأنا أسبح بعدت ونزلت في جرف وأنا ما ادري وطبيت في منطقه عمقها 5 أمتار تقريبا حاولت اطلع حاولت وحاولت ما قدرت حسيت كان فيه شخص فوقي وماسكتي مع راسي ويدفني لتحت أحاول بكل الطرق اللي تعلمتها في النادي ماقدرت اطلع كنت في حاله ياشباب لا احسد عليها كنت متلخبط واخبص في المويه حسيت أني ولاشي, حسيت وقتها أني اضعف من الذباب من منكم في يوم حس انه عاجز عن نفسه؟ بدأ النفس يضيع النفس مني بديت أحس بالدم يحتقن في راسي بالعربي بدأت أحس بالموووووت,,,,, بديت أتذكر أبوي وأمي وإخواني وأقاربي وأصحابي وعيال الحارة والعامل في البقاله وكل شخص مر علي بحياتي تذكرت كل شيء سويته وكلها في ثواني معدووده,, وبعدها تذكرت نفسي,,,!!! بديت اسأل نفسي: صليت؟لا, صمت؟لا, حجيت؟لا, تصدقت؟لالالالالالالالالالالالالا أنت في طريقك لربك خلاص مفارق لدنياك مفارق لأصحابك كيف تبي تقابل ربك؟؟؟؟ وفجأة سمعت صوت أبوي وهو يناديني باسمي ويقول قوم صلي تكرر الصوت بأذني ثلاث مرات بعدها سمعت صوته وهو يأذن حسيت انه قريب بيجي يطلعني صرت أنادي عليه وأصيح باسمه والمويه تدخل في فمي أصيح وأصيح مامن مجيب.. حسيت بالملوحة المويه في أعماق جسمي وبدا النفس يتقطع,, أيقنت بالهلاك,,حاولت انطق بالشهادة.. نطقت أشه.. أشه.. ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,, وتوقفت عن الحركة,, وهذا آخر شي كنت أتذكره,, صحيت في الخيمة وكان عندي عسكري من خفر السواحل والشباب اللي جنبنا,, أول ما صحيت قالي العسكري حمد لله على السلامة ومشي سالت اللي عندي قلت من هو ذا ومتى جاء وكيف قالوا ما ندري جانا فجأة وطلعك وزي ما تشوف مشي فجأة!!!! سألتهم قلت شفتوني وأنا في المويه قالوا مع أننا كنا على الشاطي لأكن قسم بالله ما شفناك ما درينا عنك إلا ساعة جاء العسكري وطلعك من البحر,, مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري يعني يبيله تقريبا ثلث ساعة عشان يوصل لنا أذا جاه بلاغ.... وحادث الغرق صارت في دقائق معدودة واللي جنبنا وهم اقرب ناس مني وقتها يحلفون إنهم ما شافوني كيف شافني العسكري وجاني؟؟؟وربي اللي خلقني ليومكم ذا ما اعرف كيف وصل لي..!! ودق جوالي مسكته ألا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل؟؟ رديت عليه كفيك وش أخبارك سألني قالي أنت بخير وكررها كذا مره طبعا ما ابي اعلمه عشان ما يقلق سايست الأمور وقفلت.. قفلت من عنده و قمت صليت ركعتين في حياتي ما صليت مثلها ركعتين جلست أصليهم في نص ساعة ركعتين صليتها من قلب صادق وبكيت فيهم الين انبح صوتي في نفس اليوم يوم رجعوا الشباب قلتلهم أنا ماشي ورجعت للبيت أول مارجعت كان أبوي موجود اول ما فتحت الباب الا وهو في وجهي قال تعال أبيك جيت معاه قال أمنتك بالله وش صار معاك اليوم العصر؟؟ تفاجأت واندهشت وتبلعمت ما قدرت أتكلم... حسيت كأن عنده خبر!! كرر السؤال مرتين... المهم حكيت له بالتفصيل الممل قالي والله إني سامعك تناديني وأنا ساجد السجود الثاني في آخر ركعة وكأنك في مصيبة مابعدها مصيبة أنت تناديني بصياح وأحس قلبي يبي يتقطع وأنا اسمع صوتك وما دريت عن نفسي إلا وأنا ادعي لك بأعلى صوتي والناس تسمع,, وفجاه حسيت كأن واحد كب علي مويه بااااارده, طلعت من المسجد بعد الصلاة واتصلت عليك على طول والحمد لله رديت علي وحسيت إني ارتحت أكثر,, لكن ياولدي الصلاة أنت مفرط فيها وعلى بالك الدنيا بتدوم لك ماتدري أن ربك يقدر يقلب حالك في ثواني وهذا شي بسيط من اللي يقدر ربك يسويه فيك,, لكن ربي كاتب لك عمر جديد...عرفت أن اللي أنقذني من الموقف كان برحمة الله أول شي ثم دعوة أبوي لي,, وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه يصبح اضعف مخلوق أمام بطش الله وجبروته عز وجل ومن يومها ماغابت عن بالي الصلاة ولله الحمد ويا شباب عليكم بطاعة الخالق وطاعة الوالدين صدقوني من بر والديه ما راح يخيب ابد,, برهم أساس سعادتك في الدنيا وتوفيقك وحمايتك من الشرور بعد طاعة الله عز وجل.


القصة منقولة للعبرة













آخر مواضيعي

0 حبوب منع الحلم
0 المنشد عبدالله العبودي مسكين
0 لكلّ من ضاقت نفسه استمع
0 رسالة تذكير بصيام الأيام البيض وتبدأ من غدٍ الجمعة
0 سنة راحت عمر العمير
0 مجموعة ازياء بالون الفوشي
0 المراميه وفوائدها
0 بمسح دموعي
0 السيئات الجارية احذورها
0 أشياء صغيره تشوه جمال البنت


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
هل الضحك يخفي حقيقة الحزن معجون سنسوداين نقاش جاد - نقاش عام - الاتجاه المعاكس 6 5 - 1 - 2012 09:00 AM
حقيقة النية وتصحيحها حمـود مواضيع اسلاميه - فقة - عقيدة 8 26 - 12 - 2011 07:57 AM
امسح ذنوبك في دقيقة معجون سنسوداين مواضيع اسلاميه - فقة - عقيدة 6 24 - 12 - 2011 09:04 PM
حقيقة اشهر صوره في التاريخ ملآك صور - كاريكاتير - مناظر - خلفيات - طبيعة - صور منوعه 1 14 - 12 - 2011 04:11 AM
صلاة الشفع والوتر ، طريقة صلاة الشفع والوتر ، حكم صلاة الشفع والوتر فهد مواضيع اسلاميه - فقة - عقيدة 4 20 - 11 - 2011 10:27 PM


الساعة الآن 01:58 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت