11 - 3 - 2012, 03:59 PM | #1 | ||||
| قصيده
وين أنت يا حمدان أمك تناديك وراك ما تسمع شكايا وندايا يامسندي قلبي على الدوم يطريك ما غبت عن عيني وطيفك سمايا هذي ثلاث سنين والعين تبكيك ما شفت زولك زاير يا ضنايا تذكر حياتي يوم أشيلك وأداريك والاعبك دايم وتمشي ورايا ترقد على صوتي وحضني يدفيك ما غيرك احدٍ ساكن في حشايا واليا مرضت اسهر بقربك وأداريك ما ذوق طعم النوم صبح ومسايا ياما عطيتك من حناني وبعطيك تكبر وتكبر بالأمل يا منايا لكن خساره بعتني اليوم وشفيك واخلصت للزوجة وأنا لي شقايا إنا ادري أنها قاسيه ما تخليك قالت عجوزك ما أبيها معايا خليتني وسط المصحة وأنا ارجيك هذا جزا المعروف وهذا جزايا
يا ليتني خدامة بين أياديك من شان أشوفك كل يوم برضايا مشكور ياولدي وتشكر مساعيك وادعي لك الله دايم بالهدايا حمدان يا حمدان أمك توصيك أخاف ما تلحق تشوف الوصايا وصيت دكتور المصحة بيعطيك رسالتي واحروفها من بكايا وان مت لا تبخل علي بدعاويك واطلب لي الغفران وهذا رجايا وامطر تراب القبر بدموع عينيك ما عاد ينفعك الندم والنعايا
المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء | ||||
11 - 3 - 2012, 04:04 PM | #2 |
| رد: قصيده قصيده مبكيه و مؤثره جدااااا ياااا الله كيف الانسان يقدر يسوي بأمه كذا هذا الام أجمل حضن بالدنيااا اللهم أرضي عنا برضي والدينا عنا يااارب العالمين بارك الله بك أخي جزاك ربي الجنه |
12 - 3 - 2012, 03:22 AM | #3 |
| رد: قصيده فعلا مؤثرة جدا ---------- مشكور اخوي تقبل مروري |
12 - 3 - 2012, 11:10 PM | #4 |
| رد: قصيده اه اه من هذي القصص والله كثير نسمع مثل ذي الصص في مجتمعنا مع الأسف لكن الام هي الدار الحنون ومرجع في كل الامور و حنان لا ينتهي اما الزوجة لا تدوم مهما كانت العشرة تحياتي لك |
مواقع النشر (المفضلة) |
أدوات الموضوع | |
انواع عرض الموضوع | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصيده | العذب | شعر - قصائد - قصايد صوتيه - همس القوافي - قصائد الشعراء | 1 | 10 - 3 - 2012 01:57 PM |
قصيده مبكيه | بنت ابوها | شعر - قصائد - قصايد صوتيه - همس القوافي - قصائد الشعراء | 4 | 22 - 11 - 2011 02:29 AM |
قصيده عن الام | ملآك | شعر - قصائد - قصايد صوتيه - همس القوافي - قصائد الشعراء | 5 | 18 - 9 - 2011 01:11 PM |
هذه قصيده من شخص مجروح | كل مافيني جريح | شعر - قصائد - قصايد صوتيه - همس القوافي - قصائد الشعراء | 18 | 15 - 9 - 2011 04:25 AM |
اخر قصيده | الــريــم | شعر - قصائد - قصايد صوتيه - همس القوافي - قصائد الشعراء | 4 | 21 - 7 - 2011 03:53 PM |