متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
16 - 6 - 2012, 11:58 AM
| #1 | |||
| صعب المنال خجلي موهوب  |  تحميل رواية كم كنت اكابر , رواية كم كنت اكابر كاملة
ابو ريم ام ريم ريم(20) ================ ابو فهد ام فهد فهد (27) فواز (25) مها(22) ديما(19) ============== ابو ماجد ام ماجد منى (28) ماجد (26) ناصر(24) عنود(20) ================= ابو خالد ام خالد خالد(27) سعود(25) امل (21) منال (18) محمد(7 ) عبير(5) ============== ام ياسر .. ياسر (25) ========== ابو عبد الله ام عبدالله عبدالله(28) نوف(20) فيصل( 8 )ساره(6) ============ خالد * منى : روان( 3 ) =========== عبد الله *مشاعل : ندى (5) نواف (2) الجزء الأول :: :::::::::::::: رواي " كنت أكآبر في هواه .. لين ضيعته بيديني "ة :::::::::::::: ناصر : قلت لك مامعي فلوووس عنود : تكفى دووور يمينك وشمالك يمكن تلقى ،، ضرب ناصر بيده على طاولة النت عشان يخوفها وتطلع عنه :لاحوووول عنيد ضفي وجهك لاقوم عليك ناظرته بقهر : صدق ان مافيك خير أما هو كان منسجم على النت ومطنشها تنفست بغضب وهي تقول بخاطرها هين ياناصر والله لوريك ..وتضرب بالباب باقووى ماعندها وقفت برا الغرفه وهي تناظر بالباب : سخييييييييف : من هوووو السخيف..؟ التفتت بسرعه وهي للأن منقهره من اخووها : من غيررره هالعله اللي داخل ..وتأشر بيدها لجهة الباب ماجد : وش وداك له وانتي عارفه انه مو معطيك وجهه قاطعته عنوود بأبتسامه مكر : مجوووودي عرف ماجد ان وراها شيء وسوى نفسه مستعجل : وش عندك بسرعه ..؟ عنود برجاء : بليييييييز لاتتهرب ابيك توديني للسوق بعد المغرب ماجد عقد حواجبه : امس مو رايحه للسوق ..؟ كشرت بوجهها : الا بس نسيت لي كم غرض...الله يخليك ودني والله ماتآخر ..؟ ماجد يلووي بفمه : ماتقدرين تأجلينه..؟ عنود : وشلوون والعيد بكره تكفى ماجد :امممم مدري .. ماقدر،، تبسمت عنود بخبث : طيب انا ابيك توديني انا وريم فهم ماجد نوايا اخته وضحك : آهآ زين ..بس هاه ياويلك ان تأخرتي عنود وهي تحب اخوها على خده :والله ياريموو نفعتيني وانتي مو داريه ...وتضحك ماجد وهو يقلد اخته ومعطيها ظهره متجه لتحت : والله ياريمو نفعتيني ...اقووول ترا بهوون ثم اجلسي انتي وريمووو ... ونزل عنود وهي ترفع صوتها عشان يسمعها : والله ماظنتي بتهوون والروحه فيها ريموو ضحك وهو يسمع اخته..والله وطحت بيد هالهبله كل شوي بتستغلني عشان انفذ لها طلباتها :::::::::::::: رواي " كنت أكآبر في هواه .. لين ضيعته بيديني "ة :::::::::::::: التفتت لآمها اللي جالسه تتقهوى : يمه عنود اتصلت علي اليوم وقالت اروح معاها بعد شوي ام ريم : انتي عارفه بكره عيد ولازم تنامين بدري اخاف تتأخرون ريم وهي مركزه بلعبة بونس بالجوال : اخخخ ..لالا ماراح نتاخر ان شاء الله ام ريم :طيب خذي فلووس من ابوك لو محتاجه شيء ريم : لا يمه مو محتاجه بعدين انتي عارفه للحين ماصرفت مكافئتي قاطعتها ام ريم وهي ترفع سماعة التلفون اللي رن : مرحبا ابو ريم : هلا ام ريم ..انا جاي بالطريق محتاجين شيء من برا...؟؟ ام ريم : ايه والله ابيك تمر محل الحلوويات وتشكل لنا كم طبق للعيد ريم وهي تقاطع امها : لا يمه انا بجيب معاي ام ريم : زين .. وترجع تكلم ابو ريم ..:: خلاص يابو ريم لاتجيب شيء ابو ريم : طيب فمان الله ام ريم : ياهلا رن جوال ريم بيدها وردت بنرفززه : لييييييييييه ليه تسسوين كذا ..؟ عنود مو فاهمه شيء :والله ماسويت شيء وش فيك..؟ ريم بضحكه : فقعتي كوورتي اللي ألعبها عنود : يالدبه خووفتيني ...المهم يالله تجهزي إحنا بالطريق ريم : اوووكي .. وقفلت جوالها وطلعت لغرفتها تتجهز :::::::::::::: رواي " كنت أكآبر في هواه .. لين ضيعته بيديني "ة :::::::::::::: في السياره ماجد : اي سوق تبين ..؟ عنود بأستهبال : المملكه ناظرها بأستغراب : اووما المملكه ..هماك توو تطرين من ناصر يعطيك فلووس والحين مملكه ..ياشيخه النسيم ويخب عليك عنود ترفع حاجبها:كل هذا عشان ماتعطيني فلووس ..لاتخاف ابي الاندلس وبعدين باباتي معطيني فلووووس تكفي رووحه للملكه بس انا ماأبيها ماجد : المهم بس مثل ماقلت لك ماتتأخرين عنود وهي عارفه نفسها وتبتسم له بتمسكن : انت عارفني ياخوي ماطوول ناظرها بطرف عينه : مشكلتي اني عارفك ضحكت عنود :ههههههههههههه ابشر ماراح اتأخر :::::::::::::: رواي " كنت أكآبر في هواه .. لين ضيعته بيديني "ة :::::::::::::: نزلت وفتحت الباب الداخلي بتطلع بس قابلت ابووها ابو ريم :السلام عليكم ردت عليه وهي تحاول توازن جسمها ورافعه رجل تلبس جزمتها السبورت : وعليكم السلام ابو ريم : على ووووين..؟ ريم : بطلع للسووق مع عنود ..ليه يبه بغيت شيء..؟ ابو ريم : انتبهي لنفسك ..وكمل طريقه وقبل تطلع التفت لها ابوها : ريم ريم : هلا ابو ريم :معك فلووس ..؟ ريم : ايه يبه معي يالله فمان الله ابو ريم : الله معك طلعت بسرعه وهي تتوجه للسياره ريم وهي تسكر الباب وبصوت خفيف : السلام عليكم ماجد وعنود : وعليكم السلام عنود : ماشاء الله متحمسه اليوم ماتأخرتي علي ريم وهي تناظر ماجد من ورا غطاها وتتكلم بأستهبال : الليله عيد وش يردني ماتحمس ؟؟ على طوووووول فهم ماجد قصدها و أبتسم بسعاده من كلامها :::::::::::::: رواي " كنت أكآبر في هواه .. لين ضيعته بيديني "ة :::::::::::::: ابو ريم وهو داخل : فوزيه ام ريم''فوزيه'' طالعه من المطبخ : هلا ... ابو ريم : خلي الخادمه تكووي شماغي بسرعه ام ريم بأستغراب : خير يابو ريم وين طالع تو جيت..؟ ابو ريم : لا بس واحد من الربع عازمنا باستراحته ع العشاء وبطلع قبل لا أروح له عندي شغل ضروري ام ريم : زين اللحين اجهزه :::::::::::::: رواي " كنت أكآبر في هواه .. لين ضيعته بيديني "ة :::::::::::::: ماجد وهو يتحلطم : لك ساعتين وانتي تدوووورين بالسووووق و ماشلتي شيء للحين عنود تناظر في الاكسسوارات المعروضه قدامها : وش اسوووي مافي شيء اعجبني..!!! ماجد بعصبيه : معاك ربع ساعه اذا ماخلصتي طلعت وخليتك....وطلع برا المحل عنود : ررررربع بس ..؟؟؟؟؟ ريم وهي تضرب عنود بكوعها : بسررعه حتى انا تأخرت على البيت عنود وهي تنافخ : زززين زين ..خلاص بشتري هذا على انه مو عاجبني....وتأشر بيدها للأكسسوار ريم : مو مهم يعجبك ..عجلي علينا بنطلع اخذته عنووود وحاسبت راعي المحل وطلعت لأخوووها اللي واقف برا المحل ومعصب عنود تكلم ماجد : يالله يا أستاذ خللصت ناظرها بنص عين : ليتني من اليوم متكلم ..ناس ماتجي الا بالعين الحمراء .... ويمشي قدامهم عنود بقهر وهي تقلده :ناس ماتجي الا بالعين الحمراء..جبت خبر انت ووجهك ريم : اقووول احمدي ربك انه وداك للسووق عنود : اقووول انتي !! خلص هو وجيتي تكملين علي ماجد وهو يلتفت لهن : عنود ترى ماني فاضي لتس عجلي علي .. :::::::::::::: رواي " كنت أكآبر في هواه .. لين ضيعته بيديني "ة :::::::::::::: كانت الجلسه مليانه رجال في الاستراحه..وبين الازعاج ..وكل واحد يسولف مع اللي جنبه..كان ابو فهد يضحك ويسولف ومايدري عن الشخص اللي جالس بنفس المجلس ..اللي تعب وهو يدووور عليه من اكثر من عشرين سنه همس له اللي بجنبه : ابو فهد ابوفهد كان يضحك للي يسولف له وبسرعه لف راسه بأهتمام: سم ابو سعود : تشووف الرجال اللي جالس هناك .... ويأشر على واحد من الرجال ابو فهد وابتسامته لازالت على وجهه : ايه وش فيه..؟ ابو سعود بأستغراب :ماعرفته ..؟؟ ابو فهد : لا والله ماعرفته من هو..؟؟ ابو سعود بأبتسامه : عبد العزيز اخوووك ابو فهد مو مستوعب : عبد العزيز اخووي !!!!..انت صادق..؟ ابو سعود : والله انه هوو حتى شوف نفس الشكل ماتغير فيه شيء ابو فهد يدقق النظر للرجال : لا مو معقوول ابو سعوود بأبتسامه :انا كنت شاك وسألت واحد عنه الحين وقال هذا عبد العزيز بن منصور ب هالحظه ابو فهد الفرحه ماوسعته ..كان وده يقوووم ويحب راسه ويحضنه... كان وده يقوم ويطلب منه السماح .. بس حس انه مو وقته .. وأكبر غلط لوو يقووم وفيه رجال مايعرفهم .. وخاصه ان له مركز ومقام بينهم .. تمالك نفسه بسرعه وبقى في مكانه طوول العزيمه وعيوووونه تراقب اخووه :::::::::::::: رواي " كنت أكآبر في هواه .. لين ضيعته بيديني "ة :::::::::::::: في السياره ماجد: تدرين توووبه ماعاد اوديك لسوووق عنود بأستهبال : زووجني وافتك ناظرها بنص عين : انتي ماتعرفين شيء اسمه حياء عنود : وش فيها لاحياء في الدين ماجد : لا انتي يبيلك تربيه من جديد عنود وهي تتذكر و تقاطعه : ايه ماجد ..مر محل الحلويات ريم تبيه ماجد : زين عنود : زين..عشان ريم لو انا لا ماجد بجراءه : وانتي تقارنين نفسك بريم ضحكت ريم في نفسها وبنفس الووقت انحرجت عنود تسوي نفسها مسكينه : آآآآآآه وينه اللي يقدرني ومايقارن بي احد ضحك ماجد على اخته وماعلق عليها عنوود : بس بس هذا هو ...وتأشر على محل الحلويات وقف ماجد عند المحل : يالله انزلي ياريم عنود : وانا..؟ ماجد :عشان تقعدين ساعه في المحل عنود بقهر: ماجد ..بلا سخافه ..بعدين ريم تخاف تنزل لحالها ماجد وهو يفتح بابه وينزل :انا بنزل معاها ... وسكر الباب عنود وهي تلتفت لريم اللي تضحك : ايه جاك ماتمنيتي ريم :مالي دخل اخووك اللي جلسك مو انا .. ونزلت بسرعه للمحل :::::::::::::: رواي " كنت أكآبر في هواه .. لين ضيعته بيديني "ة :::::::::::::: بعد مانتهووا من العشاء ..شاف اخووه واقف بيطلع ..فوقف ع طوول عشان يطلع قبله ابو حمد : بدري يابو فهد ابو فهد : من عمرك بس مستعجل شوووي ابو حمد : على راحتك ابو فهد : يالله عن اذنكم طلع و جلس بسيارته وماتحرك لين طلع عبد العزيز وركب سيارته ومشى لحقه وهو يحاول انه ماينتبه له... كانت دموعه بعيونه من الفرحه .. تعب وهو يدوره طول السنين اللي راحت وبصدفه لقاه .. ويحمد ربه اللي جمع بينهم بعد هالوقت اللي عاشه من دون اخوه .. :::::::::::::: رواي " كنت أكآبر في هواه .. لين ضيعته بيديني "ة :::::::::::::: بعد ماجد شووي وراح يكلم البايع ..كانت تراقبه وهوو يعطيه الفلوس وياخذ منه كيس صغير .. لووو تناظره طوول اليوم ماتمل منه.. يعجبها بطوله وبكلامه ووسآمته ..كان ملتهي ومو داري عنها ..فأخذت فرصتها بالتأمل فيه .. فجاءه التفت ماجد وطاحت عينه بعينها ابتسم لها ابتسامه من الابتسامات اللي تخليها تذووب في مكانها.. انحرجت ريم ولفت راسها بحياء بسرعه وهي تاخذ اكياس الحلى اللي اختارته .. تكلمت بصووت منخفض وهي منزله راسها بحيا و تناظر بالاكياس : ماجد انا خلصت ماجد : يالله اجل قرب منها ومد يده لها : خذي هذا .. وعطاها الكيس الصغير وهو مبتسم أخذته منه بدون ماتتكلم وهو طلع قبلها تجمدت في مكانها مستغربه ..بس على طوول ابتسمت وطلعت وراه.. :::::::::::::: رواي " كنت أكآبر في هواه .. لين ضيعته بيديني "ة :::::::::::::: واخيراً وبعد ماراقبه .. شآفه وهو ينزل ومعاه اكياس ويسكر باب السياره ..ويروح لجهة باب بيتهم بس قبل لا يدخل جت سياره ووقف يسلم على شاب ..اكيد ولده .. بس غريبه هذا سلم ومشى .. اما اخوه دخل هو وحرمه نازله من السياره اللي قبل شوي .... كان وده يتأكد ان هذا بيت اخووه .. استنى دقايق ينتظر احد يمر عشان يسأله بس الوقت تأخر ومحد مر وقف 5 دقايق بعدها مشى .. :::::::::::::: رواي " كنت أكآبر في هواه .. لين ضيعته بيديني "ة :::::::::::::: دخلت الصاله وهي تضحك مع ابوها ريم .. ابو ريم: سلام عليكم ام ريم :وعليكم السلام .. ماشاء الله أخيرآ جيتوا بعدين ليه تاخرتي ياريم ؟؟ ريم : سووري ماذر بس مثل ماتعرفين عنود ماتخلص لو تجلس الليل كله ... يالله برووح انام ...وتنزل الاكياس وتطير لغرفتها مستعجله فتحت الكيس وقلبها يرجف .. طول ماهي في السياره والفضوووووول ذابحها على ماتعرف وش فيه.. ابتسمت وهي تشوف شوكليت رآآآآيق مره.. و بطآقه صغيرة اخذتهآ وناظرت فيهآ وهي مبتسمه قرت المكتوب ((كل عام وانتي بخير وسعاده ..((مُحبك .. ماجد )).. )) اوووول مره بحياته يتجرأ و يسووويها معاها استغربت وبنفس الوقت طارت من الوناسه ..ضمت البطآقه لصدرها والفرحه مو سايعتها .. تحبه تحبه وتمووووووووووت فيه.. قامت وحطت البطآقه بدرجها وقفلت عليه .. ناظرت بغرفتها اللي منقلبه فووق تحت من الحوووسه وقررت ترتبها قبل تنام...وبعد جهد شاق بالنسبه لها ناااااااااااامت .. :::::::::::::: رواي " كنت أكآبر في هواه .. لين ضيعته بيديني "ة :::::::::::::: ابو فهد مع زوجته في الصآله : والله العظيم انه عبدالعزيز .. الحمد لك يارب طلع حي مو مثل ماقالووا لي أم فهد بأستغراب : وووووين شفته..؟ ابو فهد بفرحه وبنفس الوقت خايف: قابلته بالاستراحه قبل شووي ..ولما طلع لحقته وعرفت مكان بيته ام فهد بفرحه : اخيييراً بعد هالسنين لقيته ابو فهد : نفسه ماتغير نفس الوجه والمشيه والرجووله حتى نفس نبرة صوته بين الرجال ابو فهد بأحتيار : وش رايك افكر ارووح له بكره...؟! ام فهد : لا خله بعد بكره احسن ابو فهد بنبرة ممزوجه بندم وحزن : آآآآآه على الله يسامحني ام فهد : اخووك طيب وماأتوقع انه مايسامحك ابو فهد : الله يعين اللي سوويته فيه مو هين .. المهم العيآل لايدرون بالسالفه..... هم وينهم فيه..؟؟ ام فهد : فهد كالعاده مع خويه .. والبنات في غرفهم ابو فهد : فهد للحين برا الله يهديه بكره وراه عيد وهو يسعسع " يدور " في الشوارع ام فهد : خله ع راحته :::::::::::::: رواي " كنت أكآبر في هواه .. لين ضيعته بيديني "ة :::::::::::::: الساعه 4 الفجر فزت من نومها بنشاط وحماس ..وقفت على سريرها وهي تتمغط وتناظر الشباك وتبتسم ... نقزت وطاحت ع الارض بس بسرعه وقفت وهي تضحك على نفسها .. تسبحت وصلت.. تحس ببرررد مو طبيعي ..شغلت المكيف ع الحار على الاقل يدفيها بهالجو .. واخذت استشوارها تستشور شعرها الاسود الى نص ظهرهآ ..رن جوالها على سريرها ..لفت و أخذت جوالها وردت وهي تستهبل : خير نعم ....ورجعت لجهة التسريحه عنود بعصبيه : نعامه ترفسك تكلمي زين ريم تمشط شعرها وتناظر بالمرايه : هههههههههههه هاه وش عندك..؟ عنود تسوي نفسها مسكينه : حرام عليك ابي اعيد عليك ريم تضحك : مسرعك تو الناس.. مو الحين بعد صلاة العيد عيدي عنود وهي تسوي نفسها عجوز : وانا فاضيه لك يابنيتي بعد الصلاه..ورانا ذبايح وخرفان وفطوور وغديات وعشيات وناس طالعه وناس داخله و قاطعتها ريم بسرعه : داريه داريه اللي يسمعك يقول ماعمري عيدت ههههه عنود بلهجة امر : اقول جيبي معاك مناكير ريم بتريقه :بالله .. اي واحد تريدين ايتها البرنسيسه..؟؟ عنود : امممم جيبي الاحمر والاسود و الوردي و بس ريم : وش خليتي..؟ عنود بأستهبال :مو شغلك جيبي وانتي ساكته ..يالله ضفي وجهك ريم : انتي ماتعرفين للباقه..؟ عنود تضحك : لا ولا ابي اعرفها مخليتها لك ياأم اللباقه ريم ترفع حاجب ومنزله حاحب: وبعدين ..سكري ابي اخلص شعري عنود : خلصيه وأحد ماسكك ريم : مو حضرتك قاعده تقرقرين علي ومشغلتني عنود : اوك اوك .. يالله باي وقفلت الخط بسرعه بوجهها :::::::::::::: رواي " كنت أكآبر في هواه .. لين ضيعته بيديني "ة :::::::::::::: ام ماجد تنادي بنتها من آخر الدرج : عنووود ياعنوود عنود وهي تركض وتطل من فوق : نعم يمه ام ماجد : ساعه اناديك ..اخوووك ماصحى..؟؟ عنود :كنت اكلم ماسمعتك ..اخوي اممممم مدري عنه ام ماجد بعصبيه :ماشاء الله مكالمات الحين فاضيه انتي ..روحي صحيه قبل لا يجيه ابوك ويعصب علينآ بسرررررعه .... وراحت للمطبخ عنود بعصبيه تحلطم : ياحظي يعصبوون ثم ماياكلها الا انا في هالبيت ... راحت لغرفة اخوها وفتحت الباب اول مافتحته انصمدت بموجة البرد اللي قابلتها شغلت النوور وطفت المكيف بسرعه عنود : وووووول شلون ينام ذا الناس بالبرد وهو مشغل المكيف عالبارد ..!!!!!! راحت ووقفت عند الطاوله المخصصه للكمبيوتر تفتش في اغراضه وهي معطيته ظهرها : نوووويصر قوووم ابوي يبيك.... طاحت يدها على نظارته الشمسيه لبستها وهي تناظر شكلها بالمرايه وتضحك من حركاتها حذفتها عالطاوله ورجعت تفتش : ناصرررر قووم ابوي يهاوش .... وتطيح عينها على ورقه متطويه من قوو الضغط عليها فتحتها وبدت تقراها بصوت عالي : كرتون بيبسي .. اوراق بحث..اقلام حبر ازرق واخضر :ههههههههههههههههههههههههه ناصر انا اقول اغراضي اللي اكتبها لك وين ..؟ إلتفتت له شافته على نومته وهو مو دارى عنها راحت ووقفت عند راسه وهي ترفع اللحاف عنه وتحاول تخوفه : ناصر ناصر ابوووي جاء قوم بسرعه هز ناصر راسه لها ورجع لنومته ..طاحت عينها على علبة المويه اللي على الارض وبسرعه طرت في بالها فكره جهنميه : والله لووو تهز راسك لين بكره ماينفع معاك الا هذا ..!؟ اخذت العلبه وفتحتها وقبل لاترش المويه راحت عند الباب عشان تقدر تنحاش قبل لا يمسكها عنود بضحك وحذر :ناصر شووف شوف بسرعه 1 2 3 ... وترش المووويه عليه وهي فاطسه ضحك .. شهق بأعلى صوته من البروده : للللللللللللللللللللللعنه ...وجلس بسرعه وهو منزل راسه عشان المويه ماتنزل على ظهره ناصر بصوت عالي: هييين انا عارف انه انتي بس والله لووريك يالحماره لو فيك خير وقد حركتك وقفي ..... ويقوم لجهة الباب يدورها بس مالقاها قد انحاشت بسرعه رجع وضرب الباب بعصبيه :::::::::::::: رواي " كنت أكآبر في هواه .. لين ضيعته بيديني "ة :::::::::::::: نزل من الدرج وهو يركض لأنه تأخر على ابوه : يمه ابووووي طلع..؟؟ ام فهد : ايه تأخرت عليه وطلع..'' فهد وهو يلبس ساعته ورايح لجهة الباب : والله ورحت فيها أكيد بيهاوش ..جاء بيفتح الباب بس انفتح لووحده وبسرعه عقد حواجبه : بسم الله انتي من وين جايه..؟ ديما تضحك : من زحل هاهاها بعدها فهد عن طريقه وهو مستعجل ومو رايق لأستهبالها ضرب بالباب بقوه وهو طالع ديما وهي تحط يدها على اذنها : وووووول ماعنده تفاهم ذا .. دخلت على امها اللي تكلم بالتلفون استغربت من اللي يكلم بالوقت هذا جلست بجنب امها وهي تحاول تتسمع في اللي يتكلم معاها .. ام فهد وهي تمسح دمعتها بسرعه : وانت بخير...والله يابوي ماناقصنا غيرك..الله يووفقك وترد لنا سالم : ابشر يوووصل...لا سلامتك بس لاتقطع ..هههههههه وانا وش دراني عن وقتك اخاف ازعجك... ابشر ..هلا والله انتبه على نفسك ..بحفظ الرحمن..وقفلت الخط ديما : من يمه..؟؟ ام فهد بأبتسامه حنان : فواز ديما بقهر: ليييش ماعطيتينياه اعيد عليه : اخوياه عنده ومستعجل : متى يدق عاد مره ثانيه : بيتصل مره ثانيه : والله حرام لوو انه ماخذ اجازه وجاي مو احسن من جلسته لووحده ب لندن ام فهد : والله لو بكيفه ماقصر ليجي بس حسبي الله عليهم رفضووا يعطونه اجازه ديما بضحكه وهي تشوف امها تدافع عن فواز : ايه الله يعينه مسكين :::::::::::::: رواي " كنت أكآبر في هواه .. لين ضيعته بيديني "ة :::::::::::::: دخلت راسها على امها اللي بالمطبخ وهي تتلفت : هاه يمه رااح ناصر..؟؟ ام ماجد : انتي وش مسووويه فيه ..؟؟ عنود بأستغراب مزيف : أنا ..ماسووويت شيء ام ماجد : ناصر ماراح يعصب كذا الا وانتي مسويه شيء عنود وهي تفتح الدرج وتطلع لها شيبس : رشيت عليه موويه بس ترا بخفيف...وتضحك بنفسها ام ماجد وهي تكلم الخادمه : لالا مو هذا جيبي الثاني ..وترجع تلف راسها لبنتها ام ماجد : انتي وش تاكليين ..؟؟ عنود : مثل ماتشووفين ام ماجد :ايه لا تاكلين الا هوو عشان تطيحين على فراشك من الامراض اللي فيه عنود وهي تكشر بوجهها : لاحووول لاتكرهيني فيه ام ماجد : ماكرهتك بشيء بس احذرك عنود وهي تحاول تغير الموضوع : الا منى ماتصلت عليك..؟؟ ام ماجد :لا عنود تكلم الخادمه :عطيني بيبسي من الثلاجه سيتي : انود مايصير يسرب بيبسي صباح عنود بققت عيوونها الوساع خلقه: لااااا علميني وش اكل وش اشرب بعد ام ماجد بصوت صارم : عنود خلاص مافيه بيبسي عنود ناظرت بسيتي اللي تبووسم لها بقهر : خلاص يمه بس بشرب نص والباقي بخليه لي شووي سكتت امها لانها كانت ملتهيه ومانتبهت لها قامت للثلاجه وأخذت لها بيبسي ورجعت للطاوله عنود وهي تفتح البيبسي : يمه لايكوون مثل العاده الغداء عندنا ام ماجد : الا عندنا عنود بتاأفف : ابوووي لازم يسوي كل عيد غداء ام ماجد : وانتي وش مزعجك ..؟؟ عنود : بيتجمعوون عندنا ومايطلعون الا ووراعينهم حايسين البيت علي ام ماجد : اللي يسمعك يقول مايرتب البيت الا انتي عنود : المهم انهم يحوسون وبس ...ووقفت وهي تشيل البيبسي والشيبس معاها ام ماجد : ووين..؟ عنود : بروح عند التلفزيون بشوف صلاة العيد وطلعت للصاله :::::::::::::: رواي " كنت أكآبر في هواه .. لين ضيعته بيديني "ة :::::::::::::: ع الساعه 8 ونص سمعت صوت ابوها وانزلت له ريم وهي تركض ع الدرج : يبه يبه لحظه ابو ريم اللي كان بيطلع : هلا ريم وهي تتنفس بسرعه من الركض : افآآآ تبي تروح وانا ماعيدت عليك....وتحب راسه رد عليها بأبتسامه : على بالي نايمه ريم : لا مانمت ..عيدك مبارك ابوريم : علينا وعليك تبارك ام ريم وهي تقاطعهم: عبدالعزيز متى بتروح لخالتك..؟ ابو ريم : العصر الحين اكيد الناس متجمعه عندها ليه..؟ ام ريم : لا بس عشان ارووح معك ابو ريم : ان شاء الله ..يالله انا بروح افطر عند ابو يحيى...وطلع ريم بجووع :يمه وفطووورنا..؟؟ ام ريم بأبتسامه :فطورنا جاهز تعالي الخادمه بتجيبه :::::::::::::: ع الساعه 12 الا ربع الظهر ام ماجد بضحكه : الحين عيدت علي ووينك من اليوم...؟؟ ناصر بأستهبال : كنت في ربووع العائله اعيد عليهم ..عاد اللي يحلف اني افطر عنده والي يحلف اني اتقهوى عنده تخبرين شخصيه هامه .. عنود وهي رافعه حاجبها: ماخليت احد ماسلمت عليه الا انا ناظرها بنص عين وهي تقطع السلطه : انتي ماتستاهلين كشرت بوجهها و هي تنزل السكينه من يدها : افااااااااا..افا والله ياخوي ماتوقعتها منك.. بس ولا يهمك اتنازل انا واسلم عليك....وتروح له وتحب راسه ضحك ناصر : سؤال واحد بس ناظرت بساعتها بأستهبال : امممم معاك وقت تسأل تفضل وش عندك..؟؟ ناصر :خلاص سحبته عنود : لا قوووول ناصر وهو متجه للباب : لا خلاص انا مشغوول الحين .. عنود وهي ترجع لتقطيعها ومسويه نفسها مو هامها :كيفك انت الخسران يا أستاذ ناصر..! سمعها ناصر ووقف وهو يضحك :والله انك من داخل مولعه نار يالمسكينه على ماتعرفين قاطعته ام ماجد وهي تجلس على الكرسي :الا اقووول عمانك عند ابووك للحين..؟؟ ناصر وهو يرجع يكمل طريقه : ايه شابين النار ..وياسر يسوي لهم القهوه على الحطب عاد الشياب مستانسين رجعهم لأيام أول ام ماجد بأبتسامه : ياحليله ياسر عنود وهي تلوي فمهآ وتهمس لنفسها: امحق ام ماجد : وش تقولين..؟ عنود : هاه لا ماقول شيء بس اذكر ربي :::::::::::::: رواي " كنت أكآبر في هواه .. لين ضيعته بيديني "ة :::::::::::::: ماجد بأستهبال : ياياسر لاتسوي شيء وانت ماتعرف له ابو ماجد : ماعليك منهم ياياسر منقهرين منك ياسر : عارفهم ياخالي ماعليك سعود : على ويش ننقهر..؟؟ ابو ماجد : على كل شيء ياسر كان يبتسم لهم ويرفع حواجبه بأستهبال ابو خالد : والله انك صادق يابو ماجد الا وناصر يقاطعهم وهو داخل:على ووويش صادق..؟ ابو ماجد : يالقفك انت ناصر:افآآآآ يابو ماجد انا ملقوف قاطعه ابو عبدالله وهو يشرب القهوه :أقول بس لوو إنا بالمزرعه موب احسن ابو خالد : الا والله سعود : خلووونا نرووح نتغدا فيها ماجد :لا مامعنا وقت نتجهز ابو عبدالله وهو يلتفت لأبو ماجد : الا وش رايك يابو ماجد ..؟؟ ابو ماجد : على راحتكم ناصر : بنرووح لحالنا بس ياالرجال اما الحريم خلوووهم عبدالله : مابقى عليك الا هي نخلي حريمنا لحالهم ناصر بغباء:عادي وش فيها..؟ ياسر : الحمد لله وش عادي إحنا ان رحنا بناخذ يومين ع الاقل ناصر : طيب ..؟ ياسر : تبينا نتركهم بالبيووت لحالهم ابو ماجد : ناصر شكلك استخفيت سعوود وهو يهمس لناصر : آآخخ قووويه هذي ثاني كسحه والله شكل عمي حاقد عليك اليوم... ويضحك ناصر : خففها هي هي هي هييييي ابو عبدالله : وش رايكم نمشي بكره الصباح ابو خالد : احسن ابو ماجد : خلاص بكره الساعه 8 نكوون مجتمعين عشان نمشي سوا ابو خالد : بس لاتنسوون قولوا لعبد العزيز يروح معنا ابو ماجد : اكيد بنقوول له وقف ياسر وهو يبي يطلع بس وقفه ابو ماجد : وين ياووولدي..؟ ياسر بأبتسامته اللي ماتفارقه .. خاصه قدام الشياب اللي لكل واحد معزه بقلبه كبيره لانهم هم اللي ربووه مع امه بعد وفاة ابوه : برووح اوضي عشان الصلاه ... ابو عبد الله وهو يناظر ساعته ويوقف : ايه والله اذن ..... ويطلع مع ياسر ابو خالد وقف وهو يكلم سعود وناصر اللي يسولفون : ماوراكم صلاه انتووا..؟؟ سعود : الا بنلحقكم اللحين ابو خالد : عجلوووا موب اذا سجدنا تو تدخلون ناصر : هههههههه لا بنجي اليوم بدري :::::::::::::: رواي " كنت أكآبر في هواه .. لين ضيعته بيديني "ة :::::::::::::: عنود بطفش : يممممممممه تعبت بس كافي ام ماجد : وش سوويتي ياحظي قطعتي السلطه واذيتيني عنود بعصبيه : اللحين ابوووي ليش ماوداه للمطعم لازم انتي اللي تسوووينه ام ماجد وهي ترفع غطاءالجريش : عنيد بس فجرتي راسي عنود وهي تروح لجهة الباب : انا برووح لغرفتي ابي اصلي والبس واجيك ام ماجد : لاتتأخرين بسرعه راحت لغرفتها وصلت ولبست لبسها الجديد اللي شاريته للعيد (( كان عباره عن تنووره بيضاء ضابطه على جسمها الحلوو وفيها نقش وردي بأطرافها من تحت ومعاها بلووزه بيضاء نازله عن كتوفها بشوي وفيها رسم فراشات صغيره بالوسط بشكل هادي ومعاها حزام وردي ماسك على خصرها النحيل وطلعت لها صندل بكعب صغير مره وفكت شعرها الاسود الطويل وكيرلي ورفعت غرتها لفووق بكريستال فضي وفيه فص وردي وختمت لبسها بالأكسسوارات والمكياج الخفيف )) وهي تحط الجلاس انفتح باب غرفتها ودخلت ريم ريم : الله الله ايه الجمال ده يابت عنود وهي تسلم عليها : لاتحكمين اول شيء اشووف لبسك بعدها نحكم ريم :لالا من الحين اقول لك لبسك احلى عنود بضحك : بس احرجتي تواضعي ضحكت ريم وهي تجلس على سرير عنود وتنزل عبايتها وتوقف وتعدل شعرها بخفه و بأبتسامه : هاه شوو رايك...؟ عنود وهي تلف لها وبدهشه : الله ..حرااااام عليك طلعتيني ولا شي معاك ريم : لاعاد صدق وش رايك..؟؟ ريم (( لابسه فستآن بنفسجي لنص الساق وعالطرف نقش ليموني خفيف ونآآعم والحزام عباره عن خيووط متجمعه ليمونيه وتربط على خصرها ولابسه معاه بوووت ابيض وعليه سلسله لونها موف اما شعرها بما انه قصير شوي تركته على تدريجاته منسدل على كتوفها بس حطت من قدام شباصتين صغار رافعه بهم خصل من غرتها ومكياجها كان خفيف كعادتها )) عنوود : والله والله والله انك رهيييييييبه ريم : والله انتي احلى عنود وهي تفتح شنطت ريم : لا والله انتي احلى حتى لو اني داريه خليتك انتي اللي تشترين لي لبسي ريم بققت عيونها : هيه وش تبييين..؟ عنود وهي تطلع المناكير :ادووور عليهم ...وتأشر عليه ريم : تصدقين بغيت انساهم عنود وهي تحط على اصابعها : يااوووويلك كان ذبحتك ريم وقفت : تجي عليك عنود : ووين رايحه...؟ حطت عبايتها على التسريحه : بنززل تحت عنود : انتظريني بنزل معاك رجعت وجلست على الكرسي : الا منى اختك ماجات ..؟ عنود وهي مبرطمه بدلع : لا النذله ريم : ههههههههه ليه وش سوت .؟ عنود : من الصباح وانا اكررف الرياجيل افطرووا هنا ثم على جلستهم ماراحوا لمكان ريم : الله يعينك عاد اذا تجمعوا قهووه رايحه وقهوه جايه عنود وهي تنفخ على اصابعها عشان تجففها وبسرعه كشرت بوجهها : لا الاخ ياسر هو اللي يسوي القهوه ع الحطب ريم : وراك تقولينها من راس خشمك عنود : كالعاده مطفشني هالياسر ريم : ياوويلك من ربي وش سوا لك ..؟ عنود وهي توقف : يكفيك هواشه لي ولا ابووي كل ماجلس ماغير يمدح فيه هو واخواني وامي ماتقصر وكل مكان اجلس فيه ياسر ياسر ريم : هههههههههههه .. بصراحه ماله حيله يوم يهاوشك عنود : وش سوويت له..؟ ريم وهي توقف وبسخريه : انتي ماتسوين شي بسم الله عليك ..امشي بس عنود : هههههههههههههههه يالله :::::::::::::: رواي " كنت أكآبر في هواه .. لين ضيعته بيديني "ة :::::::::::::: منى وهي شايله روان بنتها وواقفه : الا وين بنااااتكم ..؟ ام ريم : بغرفة عنود ام ماجد : اجلسي انتي وش موقفك..؟ منى :لا بس ودي اسلم على البنات ام ماجد وهي تناظر ورى منى : شوفيهن نزلن عنود بتريقه وهي تقرب منهم : ماشاء الله جيتي بدري منى : ههههه أسفه ياالدبه و تسلم على ريم : اوووف اووف وش ذا الشياكه ريم بأستهبال : من متى اصلاً ماتشيكت عنود : وانا اشهد ..... وتسلم على اختها ريم اخذت روان من منى وجلست تبووس فيها ريم : يانااااااس ياحلووووها منى بأستهبال : طالعه على امها هههههه ...وتلف راسها لامها وخالتها وهي تكمل : بناتكن يبن العرس..؟ عنود بأستهبال : آآآآآه توك تدرين ام ماجد ناظرت بنتها : انا بنت ابوووي انتي ماتستحين..؟ ام ريم : هههههههههههههههه عنود تتصنع البرائه : انا ماقصد منى.. ريم كانت تقول لي سالفه ام ماجد اللي كاشفه بنتها : صرفي صرفي على بالك ماعرفك عنود : هههههههههههههههههههه ياحليلك دايم تكشفيني قاطعهم الجرس وهو يرن ام ماجد:قومي افتحي الباب عنود وهي تصارخ :سيتي سيتي..هي وينها..؟ ام ماجد:قومي انتي افتحيه عنود وهي توقف:هي وش شغلتها ماغير مرتزه بالمطبخ ام ماجد : عنود بلا هرج فاضي رووحي عنود بعصبيه : ززين زين لحظه....وتفتح الباب بعصبيه ام ياسر بأبتسامه : وراك معصبه..؟ عنود بفشله من عمتها: هههههههههه الخادمه رافعه ضغطي ..وتحب راسها عنود : كل عام وانتي بخير ام ياسر : وانتي بخير .. دخلت عمتها وعنود اتجهت للباب تسكره بس شافت لها واحد بالحووش ويشيل معاه حطب .. وشكله رهييييب ..كان لابس ثوب سكري والغتره نفس اللون واللي مكشخه زياده البالطوا الاسوود اللي لابسه كان كلمة روووووعه قليله عليه .. قربت من الباب عشان تقدر تشوفه زين بس صدمها لما رفع راسه ووجه لها نظراته المعتاده .. عنود عرفته بسرعه من نظراته لها كان ودها ترووح له و تذبحه وتفتك منه ومن نظراته اللي بيوم من الايام بتذبحها .. مدت يدها للباب وبدوون شعور ضربت به بقووووه وبقهر قاطعتها الخادمه : انود إيس يبقى؟؟ التفت عنوود لها بقهر : بدري ..ومشت عنها :::::::::::::: رواي " كنت أكآبر في هواه .. لين ضيعته بيديني "ة :::::::::::::: كان طالع لأن الشياب يبون حطب وهوو راجع طاحت منه حطبه ونزل ياخذها حس بأحد يناظرره وبسرعه رفع راسه وتأكد انها اللي بباله إبتسم نص ابتسامه وهو يشوفها تضرب الباب بقووه وعصبيه ... وكمل طريقه وهو يدخل لبيت الشعر سعود : من اليوم تجيب حطب ياسر وهو ينزل الحطب: اتخير الحطب الزين سعود بأستهبال : اهم شيء خشبه تدفينا ياسر : لا لازم تجيب الحطبه اللي تدفيك لأطول وقت مو اول ماتشتعل تصير رماد ابو ماجد وهو يكلم سعود وناصر اللي بجنبه يقراء الجرايد : انا مدري متى بتتعلموون السنع سعود بأستهبال : افآآآ ياعمي ماتوقعتها منك....ويهمس لناصر شيء خلاه يفطس من الضحك وبسرعه ووقف يبي يطلع ابو خالد : انت وش فيك اليوم انت واللي بجنبك متأكدين انكم نايمين البارح زين ناصر وهو يتذكر شلون صحى : والله انا مانلام بنت اخووك مغرقتني الصبح بالماء وانا مانمت الا الساعه 3 ابو خالد :هههههههههههههههههههه ناصر: والله قهرتني بغيت اذبحها والمشكله إنا في برد وتصب علي مويه بارده ابو ماجد : هههههههههههه تستاهل والله انها عارفه لك ابو عبد الله : هههههههههههه ياحبيلها كل ماشفتها ذكرتني حركاتها وسواليفها بأمي الله يرحمها ناصر : بسم الله على جدتي من حركاتها ابوماجد : لاعاد ترا ماسمح لك تتكلم عن عنودي كذا ماجد : ناصر لاتسبها قدام عمانك وابوك ولا ذبحووك ناصر وهو يرجع يقراء الجريده : والله شكله بيوم من الايام بيذبحوني ابو خالد : امسك لسانك ماراح نذبحك ناصر :ماشاء الله طلع لها ثلاث محامين المهم لاتكبرون راسها علي ثم من يفكني منها :::::::::::::: رواي " كنت أكآبر في هواه .. لين ضيعته بيديني "ة :::::::::::::: إلتفتت ريم وهي تشرب المويه : انتي وين كنتي ..؟ عنود بعصبيه : كنت افتح الباب لعمتي ريم : عمتك دخلت وانتي للحين ماجيتي التفتت عنود عشان تتأكد ان المطبخ مافيه غيرهم ريم وهي تنزل الكاس :وش فيك..؟ عنود : شفته وسكرت الباب بوجهه ريم : من هوو..؟ عنود : من غيره يعني اللي يكرهني ب هالعايله ضحكت ريم : الله واعلم من اللي يكره الثاني بس ترا والله قاهرتني الرجال ماسوى لك شي عنود تجلس ع الكرسي : آآآآه ياريم نظراته لي تقهرني .. المشكله اني مو فاهمه شيء منها .. حقد والا كره مدري مو واضح .. غامض لدررررجه مو طبيعيه ريم تجلس مقابل لها : يووه من زمان ماشفته هو تغير والا على حلاه..؟ عنود ضحكت : انتي وين وانا وين ..لاماتغير مثل ماهو انا يوم شفته قبل شوي بصراحه روووعه قاطعتها منى اللي دخلت على كلمة روعه : من هوو اللي رووعه..؟؟ عنود بأستهبال : واحد منى وهي تتفحص الغداء : من هوو هالواحد ..؟؟ عنود : واحد يعني واحد يعني مو لازم تعرفينه منى وهي تحط يدها على خصرها : بالله ..؟ انتي قوولي من ....؟ ريم وهي تتصنع البرائه : من اللي من ..؟ منى وهي رايحه لجهة الباب وتضحك : كاشفتكم ترا وسامعه كل كلامكم عشان كذا قصروا على اصواتكم عاليه ..وترا عماني جوو كلهم عنود : يالله جايات وراك :::::::::::::: رواي " كنت أكآبر في هواه .. لين ضيعته بيديني "ة :::::::::::::: ابو ماجد : الا يابوو ريم ترا بكره رايحين للمزرعه تعال معانا..((ملاحظه ابو ريم يصير ولد عم ابو ماجد واخوانه )) ابو ريم : والله متى رايحين...؟؟ ابو ماجد : ع الساعه 8 الصبح ابو ريم : والله ماظن برووح معاكم ابو عبد الله :افآآآآ .. ليه..؟ ابو ريم : بكره معززوم ع الغداء ناصر :اعتذر منه ابو ريم : ماقدر الغداء لي ووعدت الرجال ابو خالد : ماعليه بعد الغداء الحقنا ابو ريم :انتووا بتباتوون هناك ..؟ ابو ماجد : ايه بناخذ فيها يومين ولا ثلاثه ابو ريم :يصير خير..اذا خلصت الحقكم ابو ماجد : على خيررر :::::::::::::: رواي " كنت أكآبر في هواه .. لين ضيعته بيديني "ة :::::::::::::: عنود وهي داخله ع البنات : والله الجووو مايتفووت مغيم امل : ياليت بكره زي كذا منال : عاد المزرعه تجنن ب هالوقت عنود وهي تبقق عيونها : بنرووووح للمزرعه..؟ امل : ايه اسمع سعود يقول لأمي قبل شوووي ان بكره ع الساعه 8 نكون جاهزين عنوود : متأكدات..؟ نوف :ايه حتى أنا قال لي فصولي ((.. أخوها الصغير ..)) عنود وهي طايره من الوناسه: اشووووى من زمان مارحنا للمزرعه والله اني مشتاقه لأستهبالنا فيها منال وهي تتذكر : احللللللى مره طلعنا فيها يوم انكسرت رجلك نوف : ههههههههههههههه كانت كنها جدتنا ريم :ههههههههههههههههههههههه ماغير نشيلها من مكان لمكان عنود : بالله..؟؟ امل وهي تعقد حواجبها : مو متذكرتها ريم : الا كانت تبي تلحقنا وإحنا نتمشى وشافت لها رجال وعلى بالها حرامي وررركض وركض لين طاحت من الحصاه الكبيره وانكسرت رجلها عنود بقهر وهي تتذكر الضحك اللي جاها من العيال وخاصه ياسر : كللله من ياسر نوف : وش دخله انتي اللي تركضين عنود بحقد : مو انا اركض من من مو منه كان يتمشى بالليل ومتلثم بشماغه ولا بعد يسمعني وانا اصارخ ويهاوشني منال : ههههههههههه احمدي ربك انه سمعك وجا لك ولا متي وماحد درى عنك امل : للان مو متذكره نوف : مشكلتك انتي ومخك ضحكت عنود : هههههههههههههههههههههه والله ان ذاك اليوم اول مره بحياتي اضحك وابكي بنفس الوقت : اضحك من شكل ياسر وهو خايف مايدري من انا لا ويقول انتي من اهلنا..؟ فيك شي ..؟ تقدرين تمشين...؟ وابكي من رجلي نووف : هههههههههههههههه مسكين ماكان يشوفك في الظلام امل وريم : ههههههههههههههههههههههههههههه منال : عاد من قدك خلاك تستندين عليه وتناقزين لين وصلتي لنا نوف : ههههههههههههههههههههههههه ياحلوو شكلها ذاك اليوم انحرجت عنود : اقووول مافي غير هالموضوع اللي معلقات عليه منال : ههههههههههه ليه استحيتي..؟؟ عنود : وليش استحي ماسوويت شي غلط نوف : خلاص بنغير المووضوع وقعدوا يسولفون عن الجامعه سكتت عنود والموقف يرجع قدام عيونها (((ياسر بخوف : تقدرين تمشين ..؟؟ عنود وهي تبكي : لا آآآآخ رجلي رجلي ياسر بأرتباك : طيب جوالك معاك ..؟ عنود : مدري وينه طاح مني مدري وينه....وتشهق من كثر البكاء ياسر : طيب اصبري بروح انادي اخوانك جوالي مو معاي عنود بخوف وهي تحاول توقف : لا لاتتركني تكفى ياسر اخاف....وترجع تطيح وهي ماسكه رجلها ياسر حس انه متورط : طيب وش اسووي..؟؟ عنود كانت تبكي وتشهق تقطع قلبه على حالها لو بيده شالها بس طبعآ مايقدر ياسر : عنود طيب تقدرين تستندين علي لين اوديك عنود شووي ويغمى عليها من الألم : ابي امي تكفى ابيها آآه ساعدها ياسر ع الووقوف وخلاها تستند عليه بالأول ترددت بس مالها غير هالحل اول مره بحياتها تكون محتاجه له ب هالكثر .. قربوا من الفله وياسر ماحب انه اهلها يشوفونها وهي مستنده عليه وحمد ربه لما سمع صوت ضحك قريب منه ياسر بصوت عالي : هنا احد...؟ البنات عرفوا انه ياسر وردت عليه نوف : ايه ياسر إحنا هنا وبسرعه سيطرت عليه الراحه :طيب وحده منكم تجي تاخذ عنود استغربوا البنات : عنووود وش جابها عندك..؟ رد ياسر عليهن بعصبيه وهو بينفجر من التعب : خلصووا بسرعه البنت طاحت وماتقدر تمشي وحده تجي تاخذها.. قربووا البنات وكشفوووا بالكشاف اللي معاهم وشافوا عنود وهي مستنده على ياسر وتبكي راحووا واخذوها بعد ماقال لهم ياسر :اذا سألوكم قولووا طاحت وهي معاكن ..وتركهن وهو متجه للرجال بعد ماهدت عنووود قالت لهم السالفه وفطسووا ضحك عليها وكملت رحلتها بالجبس اللي برجلها))) قاطعتها ريم وهي تصارخ : عنوووووووووود وين سرحتي..؟ عنود : هاه لا ماسرحت كنت افكر امل : من اليوم نكلمك وانتي ماتردين وقفت عنود : طيب وش فيها لاسرحت حرام ولا عيب..؟؟ نوف : وش فيك وين رايحه..؟ عنود : بروح اشوفهم شكلهم جهزووا الغداء وخلصوا قامت ريم معاها : برووح معاك وطلعوووا من المجلس :::::::::::::: رواي " كنت أكآبر في هواه .. لين ضيعته بيديني "ة :::::::::::::: ماجد وهو ياخذ الصينيه : بقي شيء اخذه ..؟ منى : لا خلاص طلع ماجد من الباب الخارجي وبنفس الوقت دخلت عنود وريم ام ماجد وهي تناظر بنتها بعصبيه : بدرري تو الناس عنود وهي تحب راس امها : سوووووري يمه نسيت منى : اصلاً مافي شي كثير خلصنا بسرعه عنود : حبيبت خالتها ووين..؟ منى : نامت وحطيتها بغرفتك عنود بققت عيونها : ليه..؟ منى : غرفتي ناسيه مفتاحها وهي أصلآ تحب غرفتك عنود : ياحظي عشان اذا صحت حاست غرفتي ام ماجد : اللي يسمعك يقوول غرفتك مرتبه عنود وهي تغمز لأمها بأستهبال : لاتفضحيني يمه ضحكت ام ماجد وطلعت هي ومنى جلست ريم ع الطاوله وعنود مقابله لها ريم وهي تتثاوب : تصدقين فيني نوووم من الفجر صاحيه عنود : وش تقووولين عني مانمت من امس الساعه 4 العصر ريم : ياغبيه وش مسهرررك..؟ عنود وهي تتمغط بتعب : مدري الا ويسمعن صووت ماجد قامت ريم وهي تركض تبي تطلع وعنود تكلمت وهي تضحك : تعال دخل ماجد وبسرعه لمح ريم لما طلعت عنود بأستهبال : خسااااره ماشفتها ياخووي ماجد بتريقه : بالله...؟؟ اقول عطيني الصينيه اللي جبتها قبل شووي عنود وهي توقف تبي تطلع وتكلم الخادمه بكسل : سيتي عطي مستر ماجد الصينيه هذي ..وتأشر عليها وتطلع ضحك ماجد وهووو ياخذ الصينيه بنفسه تفرقت العائله بعدالغداء وهم متفقين على انهم يتجهزووون عالساعه 8 الصبااح :::::::::::::: رواي " كنت أكآبر في هواه .. لين ضيعته بيديني "ة :::::::::::::: دخلت ديما على اختها اللي كالعاده على النت ديما وهي تحذف نفسها ع السرير : مهاااااوي طفش مها وهي تكتب بالكيبورد : اطلعي مع زميلاتك للسوق ديما : مايقدروووون مها : طيب وش اسووي ...؟؟ ديما وهي مبووزه : مدري اووووووووف وتجلس وهي تحط المخده بيدها وبحماس :الا مادرريتي..؟ مها : ويش..؟ ديما : ابووي لقى اخوه يعني عمي مها وهي تدور بالكرسي لجهتها : كذاااابه ..؟ ديما : والله سمعته يقوول لأمي انه بيروح له بكره مها : شلووون لقاه ..؟ ديما : شافه بالعشاء امس وراقبه لبيته رجعت مها لمكانها : زين ديما : وش زين لفي لي سووولفي معاي ملل مها : ديما مو فاضيه لك اطلعي لغرفتك ديما وقفت : لي مو فاضيه وللي قدامك تفضين ..وتروح لجهة الباب .:ياررررب فهد يدري عنك عشان يلعن شكلك مها بعصبيه : انتي شكلك ماتنعطين وجه اطلعي وسكري الباب طلعت ديما بعد ماضربت الباب بقووووه وقهر من إختها :::::::::::::: رواي " كنت أكآبر في هواه .. لين ضيعته بيديني "ة :::::::::::::: كيف بيكون لقآء العآئله بالمزرعه ؟؟ هل بيتجرأ ابو فهد ويروح لاخوه ؟؟ وش قصة يآسر والعنود ؟؟ :::::::::::::: المصدر: منتديات خجلي - من قسم: قصص - قصص قصيره - روايات - قصص واقعية - روايات طويلة | |||
 |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تحميل رواية فارس احلامي كاملة , تحميل رواية مشاعل من اروع روايات النت كاملة | ملآك | قصص - قصص قصيره - روايات - قصص واقعية - روايات طويلة | 6 | 28 - 6 - 2014 03:28 PM |
| تحميل رواية الحب بعد فوات الاوان كاملة للجوال | صعب المنال | قصص - قصص قصيره - روايات - قصص واقعية - روايات طويلة | 12 | 22 - 5 - 2013 07:21 PM |
| تحميل رواية صاحب الظل الطويل كاملة | صعب المنال | قصص - قصص قصيره - روايات - قصص واقعية - روايات طويلة | 4 | 11 - 9 - 2012 07:23 PM |
| رواية تراب الندم , تحميل رواية تراب الندم كاملة | صعب المنال | قصص - قصص قصيره - روايات - قصص واقعية - روايات طويلة | 0 | 9 - 6 - 2012 05:09 PM |
| رواية عزف المحاجر كاملة - تحميل رواية عزف المحاجر | صعب المنال | قصص - قصص قصيره - روايات - قصص واقعية - روايات طويلة | 0 | 29 - 5 - 2012 03:27 AM |
العرض العادي
