الحب في قلبي لهه سنين وشهور

برونزيه

يابنت مال الحب تكفين دكتور
كوده يعالجني واجنّب طريقه

وان ما حصل وصلك فلا طب له دور
يشفي جروحن بالضّمايرعميقه

الحب في قلبي له سنين وشهور
ساكن بوسطه مايغادر دقيقه

قلبي عنيد ولايفيده بعد شور
صدري من اسبابه غدا فيه ضيقه

ومكمّله حظّي بعد دوم معثور
نقمه علي صاروا وهذي حقيقه

والله ثم والله مافيني اقصور
ويحرم علي مذكر صفالي صديقه

يمكن ماعرف انصب ولا امثّل الدّور
والنّصب والله ياجماعه ماطيقه

حبّي على وضح النّقى صار مشهور
مانيب مثل اللي يخون برفيقه

مهوب حبّي حب ورعان وبزور
اللي لها مقصد بحب العشيقه

صريح في حبي ولا الف وادور
وعامل المحبوب كنّي شقيقه

ويالله ياللي منزلن سورة النّور
تفرج لنفسن في هواها غريقه

هذي حقيقه قلتها اليوم مجبور
وضّحتها وجروح قلبي عميقه

وسلامتكم

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء

جحــود!!

طلال العجمي

برنزيه ولكن ياقوة متناثره من الابداع في كلماتك
وهنا تهيم الاقلام كيف تكتب لك الشكر
اهنئك علي هذالطرح
تحياتي لك

برونزيه

( جحود!! )..

أشكركك جزيل الشكر على مروركك بمتصفح ي ..

وهذا شرف لي ووسام على صدري ..

برونزيه

( طلال العجمي )..

أشكركك جزيل الشكر على مروركك بمتصفح ي ..

وهذا شرف لي ووسام على صدري ..