العلاقة الحميمه , تاثير غرفة النوم على العلاقة الزوجيه , العلاقة الزوجية وعلاقتها بغرفة النوم

العلاقة الحميمه , تاثير غرفة النوم على العلاقة الزوجيه , العلاقة الزوجية وعلاقتها بغرفة النوم










حميه انك تخلى بيتك جنه وانك تخلى جوزك اسعد زوج وبتتحول الحياه الزوجيه لعيشه والسلام

يعنى لو بصيتى لغرفه نومك مثلا هتلاقيه انه اخر مكان ممكن تحبى تقعدى فيه وده لانها اتحولت لغرفه الاسره كلها وافتقدت روح الخصوصيه وبقوا الداخلين للغرفه اكثر من الخارجين منها

رغم ان المفروض تكون الغرفه الوحيده اللى بترتاحى فيها من عناء يوم طويل

اول شئ لازم تعمليه انك تمنعى اى حد يدخل الغرفه لا قريب ولا غريب واعملى لها خصوصيه

غيرى الوان الملايات لان الزوجه بعد الزواج بدور على الملايا ت ذات الالوان الغامقه عشان تستحمل القاذورات والاتربه

ابحثى عن الوان الملايات الفاتحه المرخيه والمهدئه للاعصاب

امنحى الغرفه الطابع الرومانسى ضعى بعض الزهور حتى لو زهور صناعيه

بعض من الشمع فى الغرفه يضفى اللمسه الرومانسيه فالشمع هو ضوء الحب ويا سلام لو ذو رائحه

خلصى الغرفه من الكراكيب والطبع المصرى واحتفاظ سيده المنزل باشياء يمكن استخدامها فى المستقبل زى الاكياس وورق الهدايا والجرايد والمجلات ويا سلام على البرطمانات فى المطبخ

اى شئ داخل الغرفه ليس له استعمال حركيها خارج الغرفه فورا

التلفزيون وما يفعله من عته زوجى وكذلك الكمبيوتر خارج الغرفه فورا

لو سمحت لك الظروف الماليه اشترى مشايه او سجاده جديده ذات الوان مبهجه على النفس

ولو قدرتى غيرى الوان الحوائط لالوان فاتحه زى ما انتى عايزه مش الالوان الغامقه عشان متتاثرش بالاتربه

وكمان فى لاصقات دلوقتى رخيصه جدا على اشكال قلوب او وورود ممكن تحطيها وتختارى لها اماكن مناسبه من غير ما تتكلفى الكثير

اعملى لغرفتك مفتاح جديد لمنع اى حد يدخل الغرفه غيرك انت وزوجك وللحفاظ عليها دائما نظيفه ذات رائحه خلابه

وضعى لهم مثل الفنادق لافته ممنوع الدخول

عطرى السرير والاغطيه بعطرك المفضل او بالعطور الخاصه بالمفروشات

افتحى الغرفه يوميا وعرضيها للهواء والشمس لتجديد الهواء فيها

لا تسمحى بالتدخين فى الغرفه فرائحه الدخان تثبت فى الاغطيه والمفروشات

لا تنسى انها جنتك الارضيه فانعمى بها انتى وزوجك