وحيد لكني بنفسي تزاحمت

الناس تفرح بالشعر لا تألمت
و أنا لي الله .. يا الظروف العنيدة



للحزن عمري و البلى ما تكلمت
ضيقة قديمة من وراها جديدة



لو الأدب .. !! فالناس ينقاس بالصمت
الصمت فيني .. كم كتب من قصيدة ؟



وش عاد لو بيني و بين الشعر همت
مسراي موحش و المنافي بعيدة



كني على بند المواجع ترسمت
شاعر .. ( يخاف أن الأماني تبيدة )



أعيش حلم أستكمله كلما نمت
و أصحى بعلم يهد حلمي و أعيده !



وحيد لكني بنفسي تزاحمت
هذا و أنا وحدي و نفسي وحيدة !



يا كثر ما بيني و بيني تلعثمت
بين أبسط حقوق الفقيد لفقيده



للراحلين وجيه فيها تعشمت
يطرون لي دايم مع أول شريدة



باسبابهم ( لله ) ياما تبسمت
من بعدهم حتى حياتي زهيدة




سلمّت وجهي للمدى ما تسلمت
إلا رجل مغبون حزنه رصيده




يكذب على نفسه بكلمة ( تأقلمت )
و تصدق الكذبة ( مشاعر فريدة )



و أقول خيره بالتجارب تراكمت
دنيا بها [ كل يوم شي أستفيده ]




اللي مبعثرني و أنا ما تلملمت
ماني ب/راجي منه لحظة سعيدة




ياما و ياما عن همومي تغيشمت
و قلت [ ربي يفعل اللي يريده ]





عن ( حزة الغيبه )

و


عن (موقف الشمت )



الله ,,


يجنبني " هروج النقيدة "





لكن على أية حال يكفي تعلمت
من وحدتي و الناس جملة مفيدة





أنا مع نفسي لو أني تفاهمت
أغناني الله عن بقية عبيدة =)




محمد بن شتير