وين انت يا حمدان

القصيده مؤثرة و أحببت أن تقرأوها
معي وهي لأم تشكي حالها بعد
أن
أهملها ولدها




(الله يهديه) في (دار العجزه) أو كما يقااااال
( دار المسنين ) )
أقسم بالله العظيم اني أكتبها ودمعي كالمطر انا لله وانا اليه راحعون



أترككم مع القصيده :







وين أنت يا حمدان أمك تناديك
وراك ما تسمع شكايا وندايا



يا مسندي قلبي على الدوم يطريك
ما غبت عن عيني وطيفك سمايا



هذي ثلاث سنين والعين تبكيك
ما شفت زولك زاير يا ضنايا




تذكر حياتي يوم أشيلك واداريك
والاعبك دايم وتمشي ورايا




ترقد على صوتي وحضني يدفيك
ما غيرك احداً ساكن في حشايا




واليا مرضت أسهر بقربك و أداريك
ما ذوق طعم النوم صبح ومسايا




ياما عطيتك من حناني وبعطيك
تكبر وتكبر بالأمل يا منايا





لكن خساره بعتني اليوم وش فيك
و أخلصت للزوجه و أنا لي شقايا





انا أدري انها قاسيه ما تخليك
قالت عجوزك ما ابيها معايا





خليتني وسط المصحه و أنا أرجيك
هذا جزا المعروف وهذا جزايا




يا ليتني خدامة بين أياديك
من شان أشوفك كل يوم برضايا





مشكور يا ولدي وتشكر مساعيك
و أدعي لك الله دايم بالهدايا




حمدان يا حمدان امك توصيك
أخاف ما تلحق تشوف الوصايا





أوصيت دكتور المصحه بيعطيك
رسالتي واحروفها من بكايا






وأن مت لا تبخل علي بدعاويك
و أطلب لي الغفران وهذا رجايا





وأمطر تراب القبر بدموع عينيك
ما عاد ينفعك الندم والنعايا