وش الظلم

MAHA

على صوت شارع نام صمتي على ارصفته
..... شفه غازل عيون الشبابيك وابكاني

وعلى جوع شايب ينكشف لي ولاشفته
.... مسافة جريمة وليتني اعرف الجاني

صحى هالصباح انسان مهمل في ارشفته
.... تسول عيونه لجل يلقى بصر ثاني

وش الظلم لو جت لقمة العيش منصفته
.... وش العدل لو صار الفقر اجمل الواني

وش العار لو كان الشوارع تلحفته
.... وش الستر لو كان الغنى رقص والحاني

لسانه يقول الجوع ياشين معرفته
... وجوعة يقول ياسيدي م انت وحداني

ياخلف الصدور الميته دمع واذرفته
.... ياقبل الصدور الميته قوت ورعاني

لو اني بمر من الزمن ويش خلفته
.... سوى هم باقي لو سبقته تعداني

صحى شايبا مكسور كنك تحلفته
.... يجي بين سجدات الفجر هم واحزاني

ركض يم اشارات العمر وكني اوقفته
.... يمد اليدين وتسألة من هو اعطاني

وش آقول ياظلم الشوارع ومسعفته
.... وش آقول ياظلم الوطن ليش تنساني

يامفتي لشرع الله دخيل الولي افته
.... تموت المذله بس لو عاش وجداني

حرام الغني يذوب سكره لرشفته
.... حرام الفقر يصب ملحه لفنجاني

على صوت شارع نام صمتي على ارصفته
... صحى شايبا مكسور ليته تقهواني

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء