قصايد

ملكه الاحسااس

دخلت بالحب تصنيفه ورد إعتبار
وأجتزت كل المراحل مرحله مرحله
غلطان توي عرفت إن المحبة دمار
تأثر على حاضر العاشق ومستقبله
سويت مثل العرب الأفغان في قندهار
إن حاربوا مشكل وإن عودوا مشكله


في زمانك محد يشيل همك
لاحبيبك لا أخوك لا رفيقك
ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام


صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر


الصاحب اللي ينتهض لانخيته
ياحظ منهو يا(الأسم)له حزام
وشرواك يالطيب يكفيه صيته
ولا الردي ماينفعه مدح الأقلام
ودرب تبي تاطاه رجلك وطيته
ماني محسب للخسارة والأيام


وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه


من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها


أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء