سكت الذكرى الحزينة

غندا

مرني طيفك وطيفك صاحبي مدري عدوي
جايب صوتك و صوتك سكت الذكرى الحزينة

قال انا جوي تكدر قلت ما هو كثر جوي
قال فرقانا غبينة قلت واكثر من غبينة

قال انا بموت من غيبتك قلي ويش اسوي؟
قلت انا ابغى الموت في غيبتك قلي بس وينة؟

قبل ترحل كنت اقول بيسرح ايام و يضوي
مثل ما عودني اليا اشتقت لة جابة حنينة


بس هالمرة ثمان شهور و ضلوعي ادوي
كل يوم اشتاق يلعن ابو الشوق و حنينة

كل ما عشمت قلبي قال لضلوعي تقوي

و رحت انا وياه نرقب رجعت اللي فاقدينة

نوب اقول اليا رجع بكون ففي قمة هدوي
و نوب اقول الا ابزعل و اتلى ما بيني و بينه

كل يوم اجلس على جال البحر و اقول توي
لا سالني ما فقدت الحلم من لمسة يدينة

ما دريت ان البحر ما قال لامواجة تروي
و ما دريت ان الغرق هو حجة غياب السفينة

ما دريت او ما بغيت ادري ولا ادري وش بسوي
لو رجعت و شفت طيفك في الممرات الحزينة

وين ابنسى وانت طيفك صاحبي مدري عدوي
ما رضى يترك لغيرك شبر واحد في المدينة

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء