سجود الدمع * سجود الدمع * سَجَدْ دَمْعي على خدّي وطوّل في سجوده بنى عالخدّ محرابه وطوّل ْ في التهجّد رفَضْ عزّ العيون الشّامخة واطْلَقْ جنوده رسمْ في كلْ تضاريسي تجاعيدٍ توَقّد تبخّرْ من لهيبي واخْتلطْ برْقه وْرُعُوده سحابه يمطر بْأرضي وودْياني تمدّد مطرْ مايِنْجب الأعشاب أملاحه حقوده صَنَعْ فيني جفاف وْقيظ وِبْموتي توَعّد أنا ما كنت اظنّ الحبّ يحْفِرْبي خُدُوده ويِضْرِمْ ناره بْجوفي ويسجنّي مُؤبّد كِذا ياحبّ تِدْمي الْقَلْب وتْفَيّضْ سُدُوده كذا تصْنَعْ معاناتي وتتركْني مقَيّد كذا الآهات تِتْصاعَدْ إلى أقْصى حدوده وتِلْمَسْ فَتْحة الأوزون ولْجوفي تعَوّد كذا صوت الْمسَا يَصْرخْ على أَوْتَار عوده ونَسْمَات الْفَجِرْ تِسْألْ عَنِ الطّير الْمغرّد تحَسْبَ الْقَلْب يِسْتَسْلِمْ ويِتْلاشَى صُمُوده ولكنه عزيز الشان وِدْرُوبَهْ تعَبّد صحيحِ انّك قطَفْت النّبْض في أحلى وُرُوده وشَمّيت الْعبيرِ الليّ بِوِجْداني توَرّد وهذا صَدْرِيَ الْفَارغْ يِبِي يكْتِبْ رُدُوده يبي يِنْعَى حُرُوف الْعِشق واحْساسٍ تبَلّد يبي غَصْبٍ عَنِ الآهات تِسْكِنْه الْبُرُوده وشلاّله يغَذي اللي بْحياتَهْ هُو تكَبّد يبي يِمْلا الْحَنَايا نور تِسْطَعْ بَهْ خُدُودَه يعَلّقْ آيةَ الْكُرْسي بآفَاقَهْ ترَدّد سَعَادَهْ تِرْفَعَ الْقُرآن في شَتّى وُجُوده وتِهْزِمْ صُوت أحزانٍ لآذانِكْ تمَرّد تَعاسهْ تِهْجر الْقرآن تِتْجاهَلْ مُدُوده وَلَوْ وِيّاك أحْبَابِكْ تَرَى هْمومِكْ تجَدّد يصَلّي الدّمع في عيني ويِحْلالي سُجُوده لأنّي صِرْت مَعْ ربّي وحِزْني بَهْ تبَدّد |
رد: سجود الدمع تحَسْبَ الْقَلْب يِسْتَسْلِمْ ويِتْلاشَى صُمُوده ولكنه عزيز الشان وِدْرُوبَهْ تعَبّد صحيحِ انّك قطَفْت النّبْض في أحلى وُرُوده وشَمّيت الْعبيرِ الليّ بِوِجْداني توَرّد أهنيء عيني التي قرأت تسطيراً كهذا و أهنيء ريشه سطرت التألق بعرضه وجوهره فنحن في فلك الابداع مستمتعون والى منصات الروعه والجمال مودتي .. |
رد: سجود الدمع كلمات فى منتهى الجمال لمى تسلمى على هذا الطرح الراااقى فى معانيه |
الساعة الآن 08:22 PM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها