منتديات خجلي - مشكله لاجتك الطعنا من كفوف أقرب قريب

صباحكم \ مسائكم .. جوري ..

المشكله لاجتك الطعنا من كفوف أقرب قريب .. قصيده في غاية روعتها ..
:
.

مشكله لاجتك طعنه من كفوف أقرب قريب
ماسأل عن نزف جرحك كيف آلامه تكون

يشتكي لك حب غيرك وهو في قلبك حبيب
يدري انه كل كلك ويتمادى بالطعون

يعني جلاد وخناجر قسوته تمطر لهيب
والمصيبه إن قلبه ظاهره قلب حنون

تلتفت ما تسمع إلا آهتك تردف نحيب
ولا رفعت عيونك تشوف إبتساماته جنون

يامتاهات الجروح اللي فقدت أغلا طبيب
يامسافات الرحيل اللي بكت عقل وجنون

كيف أنا اطلب رحمته يرميني بحرف عطيب
لاصداقه لاأخوه لا ولا قلب فتون

يعني أغرق في عذابي وأبقى في حلمي كئيب
انتظر ليل الأمل يحيي بقايا ذا الغصون

إيه ابرحل عن عذابك عاشق مهاجر غريب
شايل جرحي بكفي كل آمالي سكون

مشكله لامات قلبك في خناجر هالقريب
وهو يتلذذ بموتك كيف قدامه يكون

.. اتمنى ان تنال على اعجابكم ..

.. تقبلوا مني كل الود ..

عذبتني وحدتي