منتديات خجلي - ماتقبلت الفراق

ماتقلبت الفراق .. من روائع الشاعر حامد زيد
لشاعر حامد زيد قصائد فى منتهي الجمال وحبيت ان انقل لكم هذه القصيده على امل ان تحوز اعجابكم ,,

ماتقبلت الفراق ومال يدى فيه حيله . . اه لو ان الظروف المقبله تكشف قدرها

لو يعرف الشخص منا وش معا الغيب ابيجيله . . كان جنبنا المشاكل من قبل يوقع ضررها !!

ماهقيت الليله اللى جابت الفرقا الطويله . . لين صارت ليلة امس ابعيني اطول من شهرها !!

والعذاب اللى يذوب ابعين من يفقد خليلة . . عندى اكبر من عذاب العين لو تفقد نظرها !!

والحبيب اللى صدوده مثل مداته جزيله . . صد عني واعرفه لا صد عن حاجه هجرها

كن روحي يوم حست فى جفاه وصعب نيله . . بشرتنى بالضياع وشدت العزم السفرها !!

مارحمها من هلاك وماتقبلها دخيله . . تحتضر قدام عينه لين ماتت من قهرها !!

عاد ليت اللى ذبحها ورهب الموت ابوسيله . . مادفن وجه الضحيه والسكاكين ابنحرها

ليت قلبه يوم طاوع فعلته كمل جميله . . لو غسها من عروقه وبكفن صدره قبرها

من حفر بضلوع قلبه حفرة تكفي قتيله . . ليه مايدفن قتيله بضلوع اللى حفرها !!

اشتكيته لرفوف وللبراويز الهزيله . . ونذعرت امننياح اللى سمعته فى صورها

رحت اسولف لجبال الصم عن قصة رحيله . . ماتركت امتون الاينحت الدمع ابصخرها

واحدن حقق جماله ابكذب اصاطير الف ليله . . يكسن السبع لبحور ويحبس الحور ابدررها !!

الدورب ابكبرياها ترتجف تحتة ذليلة . . والورود اللى اتقبل خطوته تنبت بثرها

والقصون اليابغاها تنثنيله تنثنيله . . والفياض ان حب ينثر عطرها يلمس نهرها

لو يصوت للغدير المنجرف جفف سبيله . . ونتبسم للجبال الصامته نطق حجرها

كل حاجه تستويله لو بغاها تستويله . . بالنظر وستغفر الله لو بقول انه سحرها

ذاك لو بس يتمنى فاكهة شجرة ظليلة . . بس يفتح راحة ايده وتساقط له ثمرها

كن ربي سخرالها المعجزات المستحيله . . وصبح اسطورة وكل الالسنه تنقل خبرها

هان محجر دمع عيني لين جفف سلسبيله . . التفت لخير دمعه قبلت يده ونثرها

دمعة كن ابشقاها يوم طاحت فى شليلة . . جادلن جات ابدوى تطلب الستر وسترها !!

له على انه ليامن طاح من عيني تشيله . . ولى عليه ان يرجع لبتساماتي ثقرها !!

لو طعوني بالسكاكين ابيده تشفي غليلة . . لشتريها من عذابي ودفع ابدمي مهرها

وطلبة ينهال فيني طعن لين يطيح حيله . . بس لا يترك اعيوني تنحرم نعمة بصرها !!

له ابعيني مثل مال الطهر بالنفس الاصيله . . تقطع ادين الردا لو مس شعرة من شعرها

مابغيته غير ذر وشتت اقدام الدليلة . . مزنتن مابللتني وستحيت اطلب مطرها

والعطايا من ادين الخلق لطالب قليله . . والوهايب من ادين الله للعباده جل ورها

ونسيت انى زرعت العشق وحضوضي بخيله . . مانسيت ان العطايا تستحق اللى شكرها

صعب تلقى شخص وافي يجزى الطيب ابمثيله . . والعرب قد قالوا الناس ماخلت قشرها !!