|
نص ابتسامه !! بوح مشاري المري عفواً ياجمهور العقل والمسابيح انا لجمهور الأدب والفخامه جمهور في ليلة أدب يقعد يصيح أنا غني عنه ومن اهتمامه وجهة نظر ماهيب تحتاج تصحيح في نفس من لاهان شعره مقامه شاعر ترك غوص البحر للسوابيح البحر قبل إثنى عشر عام عامه الحين يطمح مجتهد يوقف الريح إذا عطا لحصان شعره لجامه يداوي جروح القلوب المجاريح لو الحزن طابع بوجهه علامه تتشكل احزانه صراحه وتلميح لكن يواجهها بنص إبتسامه كبير تحت الله بحمد وتسبيح عقب الاذان وقبل وقت الاقامه العام كان يطيح ويقوم ويطيح واليوم كل شاف بصمة بهامه نجم سطع بلا ثلاثة تصاريح المصلحه والواسطه والوسامه شبّيت من فكري قصيدي مصابيح ماتعجب أي إنسان يلعن ظلامه شخصيتي ماهي بحاجه لتوضيح أوضح من الرايه براس العدامه أحب كل الناس من غير تنقيح من الرعاه إلى رجال الزعامه والارض والما والسحاب المراويح والشمس والبدر بليالي تمامه والبل وأهلها وإكتساء الصحاصيح بالعشب من صفّاره إليا خزامه ومزارق الطيب وحياء الزحازيح ومساير الخطّر بحب وكرامه ومسامَح اللي يحسب الشور تجريح والمسلم اللي مايشحّ بسلامه والواثق اللي من كبر عقله يبيح من كل متراهي قذاه بكلامه واللي تسمّي كذبها العفّ تمليح مملوحة في وجهها كم شامه مياسة تذرف دموع التماسيح إلى بغت تحرم غلاها منامه أثاث غرفتها من الفرحه يسيح إذا رمت على السرير اللثامه طفله لها في صدر (إبيها) مراجيح من عادها تبكي لاراح لدوامه خلتني أوقّف بوجه التباريح وقوف من دبّ التعب في قوامه ما بيدي لتفكير أهلها مفاتيح إلى بغو خوال (إبنها) عمامه وان مسّكوها كف غيري وهيْ تْصيح أبآآآتوجّد ليــن يـــوم القيامه صح الله بوحه |
رد: نص ابتسامه !! العام كان يطيح ويقوم ويطيح واليوم كل شاف بصمة بهامه كلمـاتك اروع من الخيــ/ــال وأجمل من ضياء القمــر فلهـاذا أوقفت ساحـات أفكـاري لكن أحتـار قلبي فيما يكتب لكِ فكتب احترامي وتقديري لكِ و لجمال كلمــ/ـاتكِ |
رد: نص ابتسامه !! طرح في غاية الرووعه استمتعت ب التجول في متصفحك شكرااا من الأعماق لروعة طرحك كلمات رائعه من شخص رااائع سلمت يمينك ☆〜(ゝ。∂) |
رد: نص ابتسامه !! اخوي جحود صح لســآنك وصح أختيـآرك كلمات في غـآية الروعه والجمـآل أنتقاء راقي ومميز لآ حــرمنـآ جديدك الرآقي لك ودي |
رد: نص ابتسامه !! اقتباس:
اقتباس:
ارحبي جمل الله حالك بدون حيره يدوم هالتواجد وتذوق هالحروف لا هنتي |
رد: نص ابتسامه !! اقتباس:
اقتباس:
ارحبي يسلم غاليك وكل مافيك لاهنتي |
رد: نص ابتسامه !! اقتباس:
ارحبي صح بدنك لا عدمنا رقي حروفك |
| الساعة الآن 05:59 AM. |
المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها