منتديات خجلي - ياظافر ليتك حيّ وتشوف

صار الوطن بعـدك مـن النـاس خالـي

صارت... ( الرطبة غربه ) بعد مافقدناك

ياظافـر أنـا بعـدّك سهـيـر الليـالـي

مقهـور مـن دنيّـاي منّـا.... ومنّـاك !

حدتنـي الدنـيـا وأنــا راس مـالـي

إني ... عزيز النفس . مثلـك وشـرواك

مافيـه شـيٍ فــي حيـاتـي صفـالـي

حتى . الورود . إن جيتها صارت أشـواك

أطـيـح واحمـولـي علـيّـه إثقـالـي

وأتخيلـك مديـت لـي كـف , يمـنـاك

بعـدّك ولامـره تـرى إرتـاح بـالـي

أصفّـق علـى كفـي نــدم وآتـحـراك

مـن ضيقتـي ياكّـم أصّــدق خيـالـي

وأقـوم أدوّر عنّـك وآقـول ب الـقـاك

أضيـع بالعـالـم وهـمـي سـؤالـي ؟

هو أنت ؟ وينك ؟ ليـه ماعـاد شفنـاك ؟

أدري لـو إنـك حـي يـاعـز غـالـي

يمديك.. تفزع قبل.. ماجيـك وانخـاك !!

ويـلاه , ياحـالـي ومـاهـو جـرالـي

ويـلاه , ياقلـبٍ تعـذب فـي طـريـاك

ويـلاه , ياظـافـر مــن اول وتـالـي

لا...... والله.. أول.. كان.. ينجيني إدعاك

واليـوم مـن بعـدك وش اللـي بقـالـي

غير إني أدعـي ربـي يغفـر خطايـاك

يالله حطّـه وســط مـنـزال عـالـي

فـي جنـة الفـردوس يـارب الافــلاك