متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > خواطر - نثر - عذب الكلام - خواطر حب - خواطر حزينة

إضافة رد
 
LinkBack أدوات الموضوع انواع عرض الموضوع
قديم 25 - 9 - 2012, 07:35 PM   #1

عذبة الاحساس
خجلي مبدع
::icon21:: في ليلة عرسها تبكي



في ليلة عرسها .. حزينة تبكي
رآقت لي .. فنقلتها لكم .. يارب تعجبكم
*******
في ليلة عرسها تبكي
حزينه وقلبها يحكي
يقول الحمد لك ربي على كل حال
على الصحه .. على النعمه
على قلبٍ شكى همه
وصبرٍ طال
******
تجيها أمها وتقول
خلاص يا بنيّتي إنسي
قوّي قلبك الحاني وإقسي
نصيبك هو نصيبك
ما بيدينا شي
ولو كان الله كاتب لك حبيبك
ما وقف في دربكم شي
******
تجاوبها
أبي أعرف .
أبوي شلّي استفاده الحين .. ؟!
لو ذابحني كان ابرك
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي ف عيوني
قولي اشلون اكلمه .. ؟!
واذا ناداني بإسمي
وانا أخطيت في إسمه
يا ترى وش موقفه مني
وهو يسمع اسم غيره ؟!!
******
تجيها أمها وتقول
خلاص فضيها من سيره
خلاص يا بنيّتي إنسي
قوّي قلبك الحاني وإقسي
نصيبك هو نصيبك
ما بيدينا شي
ولو كان الله كاتب لك حبيبك
ما وقف في دربكم شي
******
بقولك شي يا يمّه .. وخليها من الأسرار
أبكتب له رسالة شوق
بشاكيه الألم والعوق
عقب ما أنتهي منها
بكل الحرص أرسليها
وخبيها عن الأنظار
وابي منّك وعد صادق
توصليها لذاك المغرم العاشق
وبعد ما يوصلك ردّه
على طول بلغيني بآخر الأخبار
******
ربع ساعه يا يمّه
عطيني بس ربع ساعه
أبكتب له عن اللي طفّى ما في القلب ولاعه
أبكتب له الين دمع القلم ما يجف
تعالي بعدها واستلمي ما في الظرف
وكتبت من حزنها ابيات
******
تقول فيها
سلاماتي .. تحياتي .. وأشواقي الشديده
على اللي روحه قبالي .. وأنفاسه بعيده
على اللي افترقنا غصب عن عيني وعينه
بعد ما كنت انا وهو نحلم بلحظه سعيده
بعيش بغربتي لحالي .. وهو الله يعينه
يكمّل نصفه الثاني .. ويلقى من تريده
مثل ما قالت امي .. ما لنا إلا قدرنا
والا من زمان المفترض إيدي بإيده
يسامحك الله يالوالد .. على عمرٍ قتلته
بعد ما ماتت ابنيتك وش اللي بتستفيده ؟
أنا آسفه على اعذاري .. وربي غصب عني
نعم بتزوّج فلان .. بس بعيش عمري وحيده
محّد ممكن انّه يملا عيوني بدونك
تذكّر كلمتي هذي .. أنا ف حبّك شهيده
تذكّر كلمتي أرجوك .. لأنها من فؤادي
فؤادي اللي ذبحوه اليوم.. وطعنوه ف وريده
تذكّر كلمةٍ فيها شعوري وما طرى لي
أنا ف حبك شهيده .. وذي ترى آخر قصيده
*******
وجتها الوالده عندها
وهي تحاول تغض الطرف
وتسألها
وش اللي بداخله هالظرف ؟!
أبيات
هي أبيات .. لحبٍ من حياتي فات
لحبٍ من حياتي طار
بسرعه ارجوك أرسليها
وهي تذرف .. دموعٍ نار
******
على هونك يا يمّه
على هونك
خلاص اطّمني انتي
برسل ما كتبتي
واستعدّي
بعد شوي بيزفونك
يزفوني ؟!!
وربي كان أهون لو يكفنوني .. !!
******
بعد ايّام
تسافر لاجل تقضي في فرنسا .. شهر العسل
والمكتوب للعاشق وصل ..!
وهي مع زوجها تضحك
وهو من فرحته يضحك
يقول افديك انا بروحي
وبيتي .. ومالي .. والأهل
وهي تقول اشكرك بالحيل
لأنك من جديد .. رجّعت في قلبي الأمل
وساعه بعد ساعه
فرحتهم تزيد
في الصبح يتجولون من باريس .. لحتى ليل
وفي الفندق .. يشربون قهوه بالهيل
بعدها يسهرون .. كل الليل


******
وحانت ساعة الردة
بعد ما طالت المدة
وموعدهم بعد ساعات
لاجل ما توصل الرحله على أرض الدمام
وأول ما وطوا أرض المطار
من الفرحه بكوا
واستقبلوهم أهلهم باحضانهم
سلامات .. سلامات .. عساكم بس تهنيتوا
يجاوبهم ... الله يسلمكم
والحمد لله الهنا في حجرنا بات
******
تطير البنت ناحية أمّها
اشتقت لك حيل يمّه
وهاتي حضنك الدافي
ترى مشتاقه أضمّه
وعلميني عن احوالك
عن اخبارك .. عساك بخير ؟
بخير يا بنيّتي .. دامك بخير
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟
******
بعد ما ارسلتها
صرت انتظر منّه خطاب
ومرّت ايام وليالي وساعات
بعد مدّه .. شهر أو يمكن شويه يزيد
لقيت نفس الرساله .. عند صندوق البريد
تقول : لم يقرأها أحد .. !!
قلت بنفسي اتأكّد
وصلت لباب منزلهم
وكلّمني اخوه محمد
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي
وكنتي حيل مغتمّه
حبيبك ما قدر يتحمّل الصدمه
مع كل الأسف ... مات !!!













آخر مواضيعي

0 اسباب اعتداء الجن على مساكن الانس
0 منتداكم مثل وجهكم
0 جيت ومالاحبك جميع الفراغات
0 اوراق محروقه في ضيافة قلب محروق
0 قلبي اين انت
0 وش عاد يرضيك
0 جرح القلب ماله مداوي
0 هل كلمة اسف تمحي الجرح
0 طفل يينشد يايماه وينك يايما بصوت فضيع
0 وش حيلتي مادام حظي عصاني


  رد مع اقتباس
قديم 26 - 9 - 2012, 06:56 PM   #5

طلال العجمي
خجلي مميز
افتراضي رد: في ليلة عرسها تبكي



دروس وعبر من نثر كلماتك
وين من يأخذ العربه
طاب لي ماطرحتي
تحياتي لك










آخر مواضيعي

0 خلف الزجاج صوربدون صوت
0 افهمي معناها
0 قلبي وعيناي
0 يعجز القلب عن بوح الحب
0 بيت غريب ينقضك من الغرق
0 دعي الخوف واعشقيني
0 محبة الرسول اسرار ومعاني
0 كيف تتعاملي مع زوجه في وقت حزنه
0 من هنا وهناك
0 صور مضحكه


  رد مع اقتباس
قديم 28 - 9 - 2012, 08:10 PM   #11

افتراضي رد: في ليلة عرسها تبكي



اليمه من جد
مشكوره










آخر مواضيعي


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
بنت تبكي - احدث صور لبنات تبكي - انمى يبكى جديد حبر العيون انمي - صور انمي - صور انمي متحركه - افلام انمي - الرسوم المتحركه 2 28 - 8 - 2012 10:28 PM
ليلة العمر ، اروع ليلة عمر2013 ، مفاجآت ليلة العمر أنشودة المطر الحياة الزوجية - زواج - الحمل - مشاكل الزواج 5 22 - 2 - 2012 08:41 PM
العروس تبكي في ليلة زفافها لماذا كل مافيني جريح مواضيع عامة - مواضيع ثقافيه - مواضيع منوعه 13 11 - 9 - 2011 11:09 PM
أنا أُنثى | خُلِقت بروح طِفل***64423; تستوطِن عرشها أحلامُها الوردِي زهرة البنفسج مدونة - مدونات اعضاء خجلي 118 29 - 8 - 2011 05:21 PM
رسالة اب لبنته ليلة عرسها دلع عمان الحياة الزوجية - زواج - الحمل - مشاكل الزواج 7 19 - 7 - 2011 03:25 AM


الساعة الآن 08:55 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول