متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 17 - 12 - 2011, 01:36 PM   #1

صعب المنال
خجلي موهوب
افتراضي رواية عمر عمري



تحميل رواية عمر عمري , رواية عمر عمري كامله , قراءه رواية عمر عمري , تحميل رواية عمر عمري كامله , روايه رحله العمر , تحميل روايه رحله العمر , روايه غلطه الزهور , تحميل روايه غلطه الزهور , روايه رحله عمر كامله , روايه غلطه الزهور كامله , روايه عمري كامله , روايه عمري , روايه عمر , روايه عمر كامله








( الجزء الأول )





بسم الله الرحمن الرحيم




( أسرار في الشارع )


استوقفتني إشارة المرور في ذلك اليوم المشمس الحار , ظللت أراقب ذلك الكم الهائل من السيارات التي تحيطني من جميع الجهات , كل شخص من هؤلاء يحمل معه قصته الخاصة به , عدت بنظري إلى جانبي الأيمن لتلك
السيارة الحمراء اللون و المتواضعة جداً , يقودها رجل في العقد الخامس من عمره تظهر عليه علامات التعب و الهم التي حفرها الزمن على ملامح وجهه , الرجل العجوز يحدث نفسه :( يا ربي هذا من وين طلع لي ؟ أنا وش
وداني هناك أصلاً , ما لقيت اروح الا اليوم لاا حول ولا قوة الا بالله من وين بدبر له فلوسه ياا الله انك تفرجها علي , كثرت ديوني و مدري شلون بسددها )

جلت بناظري إلى الجانب الآخر , سيارة سوداء باهظة الثمن تعبر عن الشخص الذي يمتلكها , شاب في أواخر العشرينات ذو هندام أنيق , أبعد تلك النظارة الشمسية عن عينيه و أصبح يمسح عينيه بيديه , بعينيه تلك النظرة
التائهة كالذي يبحث عن شيء يأس الحصول عليه ( يا الله وين اختفت ؟؟ انا غبي غبييي هذي ثاني مرة أخليها تضيع من يدي ليه دايما اتصرف بحماقة , ليييه جلست ادور عليها سنة كااملة عشان بالأخير لما ألاقيها أطيرها
من يدي بهالسهولة , جد كانت تقصد كلامها لما قطعت لي عهد و وعد إني ما أشوفها مرة ثانية , هالبنت كأنها ساحرتني حتى بهجرها لي تجذبني , كبريائها يجذبني و ذكائها يعجبني كل ما فيها يجذبني , ليه لما أشوفها ما يبقى
شي أقدر أقوله كل شي يطير مني احس لساني ينربط بوجودها ارتبك هالشي يخليني اعصب عليها ليه ما اقدر اتمالك اعصابي معها )

كانت هناك مئات السيارات , كل واحدة منهن تحمل بداخلها الكثير و الكثير من الأسرار ..






( ريماس )

انا اسمي ريماس عبدالمحسن , عمري 22 سنة , تخرجت الترم اللي فات من جامعة الملك سعود , تخصصي ادارة اعمال , زواجي بعد 3 أسابيع و خطيبي اسمه محمد و ما يقرب لي , اكثر شي احب اسويه هو القراءه و هي هوايتي الأولى .

دخلت ريماس للصالة

ريماس : ملاك وين أمي

ملاك: فوق بغرفتها أظن, كأني سمعتها قالت بروح أصلي

ريماس: إن شاء الله ما تتأخر علي عاد أمي صلاتها تراويح

ملاك: ليه وين بتروحون

ريماس: السوق

ملاك: ولا تفكرون تقولون ملاك مسكينة منطقة لحالها بالبيت ناخذها معنا حتى فواز و حنان طلعوا يعني بجلس اقابل الجدران


ريماس: انا بروح السوق عشان اجهز مو عشان اتمشى ما بقى على زواجي الا ثلاث اسابيع و باقيلي أشياء كثيرة ما سويتها و بعدين انتي توك صغيرة خليك بالبيت ذاكري ههههههه

ملاك : عاد تخرجت البنت من الجامعة و شافت نفسها علينا خليني اذكرك تراك ماتخرجتي الا الترم للي فات و بعدين كلها كم سنة ان شاء الله و اتخرج و افتك من جامعة الهم


ريماس: ايه ملاك بليز أبي منك خدمة

ملاك: ايش

ريماس: بليز دوريلي جريدة أمس و شوفيلي الصفحة اللي فيها عامود عُمر و خبيها لي بليز امس نسيت اخذها

ملاك: ياربي من هالعُمر اللي ماكل عقلك وين محمد اقول له عن عُمر ههههههههههه صايرة كأنك مراهقة تقصصين من هالجرايد و تحتفظين فيها حنا الحين عام 2011 و لسه في احد يقصص جرايد و النت موجود

ريماس: أولاً عُمر كاتب و أحب كتاباته بعاموده الخاص مزاجه نفس مزاجي كتاباته تعجبني كل اللي يقوله يطابق افكاري يعني مو احبه هو ياذكية احب عاموده و انا من اكثر المعجبين بقلمه ثانيا انا كثير ارجع لمقالاته اللي يكتبها و صعب اني بكل مرة اروح افتح النت و ادور نقطة هو كاتبها ومادري وين ألقاها بأي عدد عشان كذا اسهل لي احط كل مقالاته بملف عندي

ملاك: ياحليلك وينه يجي يسمع هالمعجبة تتكلم عنه و كأنه سقراط والله عاد مافيه زود لا هو ولا كتاباته على قولة لولو بااايخ


ريماس: صح وين لولو ( لولو آخر العنقود تدرس بثاني ابتدائي )

ملاك: راحت لبيت خالي سعود

ريماس: أشوا ربي رحمني كان الحين نشبت لنا بروح معكم, وانا اقول البيت ليش هادي بزيادة الهدوء عور اذاني ما تعودت على الجو الهادي

ملاك: تكفين عاد و لولو طالعة على مين ؟ أشوا انها نسخة منك

ريماس: لا والله عشانهم دايم يقولون عنك هادية شفتي نفسك علينا وينهم يشوفونك لسانك وش طوله عندي و اذا اجتمعنا محد يسمع صوتك تبلعين لسانك , خلني اقوم اشوف امي شكلها ماراح تطلع من البيت لحد مايقفل السوق.

دق جوال ريماس

ريماس : هلا محمد

محمد : هلا فيك ..شخبار العروسة

ريمااس : تمام الحمدلله انت كيفك

محمد: تمام ها شكلك بالبيت ماطلعتي غريبة

ريماس: أي والله بالبيت لسه ما طلعت انتظر أمي تخلص صلاتها

محمد: أها طيب وين بتروحون؟

ريماس: بنروح السوق

محمد: عارف سوق بس اقصد أي سوق

ريماس: مدري والله يمكن الفيصلية

محمد: اوكي اوكي طيب انا الحين بقفل وصلت عند بيت واحد من الشباب انتبهي لنفسك يا حلوة اوكي

ريماس : اوكي وانت بعد

محمد : ان شاء الله , يالله فمان الله

ريماس : مع السلامة





في منزل آخر .. ( بيت أبو خالد اخو ابو فواز )

( أمل و هنادي )

( هنادي )
انا هنادي عمري 23 سنة , توأمتي أمل , مافي أي تشابه بينا لا بالشكل و لا بالشخصية حتى أسماءنا ما تتشابه و على حسب كلام الناس دايم يقولون اني احلى منها و بصراحة انا بعد احس اني احلى منها بكثير , بس مع ذلك قريبات من بعض و مانقدر نبعد عن بعض , انا مخطوبة لولد خالي عبدالله اكبر مني ب 3 سنوات , و لسه ما بعد سويت شبكة , و انا مرة متحمسة لاني ودي اقرب منه اكثر و نصير اقرب لبعض لاني احس اننا لسه مانمون على بعض كثير

( أمل )

اسمي أمل , اختي هنادي توأمتي , مرة احبها بس في شي صار بالفترة الاخيرة بعدني عنها كثير و صرت انفر منها بسببه اللي هو انها انخطبت للانسان اللي احبه من يوم كنت طفلة , هي صح ما تدري اني احبه و تحسب انه كان حب اطفال و خلاص و للامانة سألتني لما خطبها و قالت لي انتي مايعني لك شي صح؟ انا مثل الغبية قلت لها صح بس بعدها ندمت ما اتحمل اشوفها معه , الشخص اللي احلم فيه طول عمري اختي اللي هي توأمتي تاخذه مني ..






في بيت( أبو خالد ) كانوا البنات جالسين بالصالة مع أمهم

هنادي: يمه متى زواج ريماس بنت عمي عبدالمحسن

أم خالد: بعد ثلاث أسابيع

هنادي: لا أقصد أي يوم بالضبط

أم خالد: والله على ما أظن بيكون يوم أربعاء ليه تسألين وش عندك

هنادي: مدري ودي أغير موعد شبكتي

أم خالد: ليه تغيرينه

هنادي: احس أسبوعين مايمديني ودي أأجل الشبكة شوي

أم خالد: الله اكبر وش عندك عشان مو مستعدة؟ كل شي حنا بنسويه ماعندك الا فستانك و مكياجك و شعرك

هنادي: ولو يمه ما احس اني مستعده نفسياً بعد أسبوعين , بعدين بعد ثلاث أسابيع اجازة اكون متفرغة

أمل بينها وبين نفسها ( احسن زين زين يارب أمي توافق يأجلون الشبكة , انا كل يوم اموت قهر بس كل ماشفتها تكلمه , كيف وانا اشوفه معها و يبدون حياتهم مع بعض , خلني احاول اقنع امي ) : يمه خلي هنادي على راحتها

أم خالد: لا تأجلينه ولا شي الناس مو لعبة عندكم

أمل: يمه هذا اليوم يومها هي , خلها تسوي اللي يريحها هي مو يريح الناس

أم خالد: وانتي وش دخلك يامحامي الدفاع

أمل : عادي اختي وابيها تكون مبسوطة يوم شبكتها

هنادي: ها يمه وش قلتي

أم خالد: خلاص بكيفك بس قولي لابوك انا مالي دخل

هنادي: يمه الله يخليك انتي كلميه انا استحي اقول له

أم خالد: لا حول ولا قوة الا بالله طيب خلاص

هنادي: شكرا يمه

أم خالد: وين خلود

هنادي: بغرفتها

أم خالد: وش عندها هاليومين طول يومها بهالغرفة وش تسوي

هنادي: مدري والله يمه يمكن نايمه





( خلود )

أنا خلود عمري 19 , ادرس حاليأ اول سنة بالجامعة قسمي أدب انجليزي , عندي أخ اسمه خالد و هو الكبير و اختين أمل و هنادي و برضو اكبر مني و انا آخر العنقود , على الرغم من اني أصغر وحدة فيهم بس أحياناً احس نفسي انضج منهم بكثير و اهتماماتي مختلفة تماماً عن اهتماماتهم و هذا الشي هو اللي مخليني مستقلة عنهم نوعاً ما

في غرفة خلود

خلود تكلم : يعني بتقنعني انك سنة كاملة تدور علي وانت ماتعرفني حتى

يوسف : وربي يا خلود أحلف لك باللي تبين اني جلست سنة كاملة ادور عليك او ادور أي شي يوصلني فيك من هذيك المرة اللي شفتك فيها بالمؤتمر

خلود:تدورني سنة كاملة معناته انت شخص متعلق فيني و بما انك ما شفتني الا مرة وحده مستحيل تكون متعلق فيني اصلا تتعلق فيني على أي أساس؟

يوسف: شخصيتك كنتي مرة واثقة من نفسك و كنتي تناقشين المحاضر بدون خوف أو ارتباك و تعبرين عن رايك بطريقة حلوة ما كأنك مجرد طالبة حاضرة المؤتمر أصلا حتى المحاضرين لفتي نظرهم بطريقتك و اسلوبك بالنقاش

خلود : مدري بصراحة كلامك مو مقنع

يوسف : أدري انه مو مقنع وادري انك تقولين هذا انسان كذاب ويبي يلعب بس ربي يشهد علي اني مو قاعد استهبل او العب معك , كلامي اللي قلته صدق , خلود انا انسان دايم ذوقي صعب و اختياراتي اصعب و كثير بنات مروا علي مقابليني اربع وعشرين ساعة قدام عيني سواء معاي بالعمل او بأي مكان ثاني ولا وحده قدرت تلفت نظري مثل ما انتي لفتي نظري بهالساعتين و الله اخذتي عقلي من وقتها وانا افكر فيك يابنت الناس وادور عليك ماخليت وسيلة مادورت عليك فيها

خلود : طيب من وين جبت رقمي؟

يوسف : خلود انا من المسؤولين على تنظيم معظم المؤتمرات اللي لها علاقة بالجامعات و تخيلي اني بكل مرة يصير فيها مؤتمر ادور اسمك من بين الحاضرين و ادري اني كأني ادور على ابرة بكومة قش بس ماكنت ابي افقد الامل

خلود : انا من بعد هذاك المؤتمر ماحضرت مؤتمرات ثانية كيف لقيت رقمي بليز كون واضح و صريح و جاوبني جواب مباشر مثل ما سؤالي مباشر ؟

يوسف : و تلوميني بعد ليه ابيك اسلوبك هذا بالذات هو اللي موديني بداهية , المهم اقول لك كيف جبت رقمك رحت قلتلهم اسمك و قلت انها ما استلمت شهادة الحضور انها راحت للمكتب اللي بالجامعة و قالوا لها اسمك مو موجود و لازم اتأكد اذا هي كانت حاضرة او لا من ورقة التسجيل اللي سجلت فيها و اخذت الورقة ولقيت رقمك فيها

خلود : اها , طيب انا لازم اقفل الحين

يوسف: خلود وين بتروحين زعلتي مني؟

خلود : لا بس مشغولة شوي باي

يوسف : باي

خلود: هذا وش يبي مني انسان غريب أطوار غايته غريبة و أسلوبه أغرب




انتهى البارت الأول ...




~












آخر مواضيعي

0 صورة شجون الهاجري بقميص برشلونة , شوجي لابسة برشلونة , صور شوجي بملابس برشلونة
0 انتقال عبدالرحيم الجيزاوي للاتحاد , اخبار عبدالرحيم الجيزاوي , الجيزاوي اتحادي
0 مسلسل كاريوكا , اخبار مسلسل كاريوكا , منتج مسلسل كاريوكا
0 حقائب بولغاري 2016
0 صور الطيور الغاضبة
0 ورم ويلمز عند الاطفال
0 ديكورات غرف نوم جديدة 2018
0 برنامج الثامنة حلقة فيروس الكورونا , داود الشريان حلقة فيروس الكورونا
0 حكام الجولة السادسة عشرة لدوري زين 2013 , حكام الجولة 16 من دوري زين 2013
0 صور كلمات دينية اسلامية


  رد مع اقتباس
قديم 18 - 12 - 2011, 03:19 PM   #2

المايسترو
خجلي متآلق
افتراضي رد: رواية عمر عمري



في انتظار البقية بكل شوق


تقبل مروري










آخر مواضيعي

0 المايسترو بينكم


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل رواية فارس احلامي كاملة , تحميل رواية مشاعل من اروع روايات النت كاملة ملآك قصص - قصص قصيره - روايات - قصص واقعية - روايات طويلة 6 28 - 6 - 2014 04:28 PM
تجيني طيف يا عمري.. على جنحان شوقي لك مالحب الاجنون خواطر - نثر - عذب الكلام - خواطر حب - خواطر حزينة 1 19 - 10 - 2011 11:12 PM
عمرى ما حبيت كلمه انتظااااار .... زهرة البنفسج خواطر - نثر - عذب الكلام - خواطر حب - خواطر حزينة 2 4 - 9 - 2011 12:29 AM
تجارب عمري حزن شعر - قصائد - قصايد صوتيه - همس القوافي - قصائد الشعراء 5 11 - 7 - 2011 07:20 PM
الى قلبي إلى عمري .. إلى من صار يهواني ملآك الصمت شعر - قصائد - قصايد صوتيه - همس القوافي - قصائد الشعراء 2 3 - 1 - 2010 09:57 PM


الساعة الآن 03:55 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول