متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 22 - 3 - 2012, 06:48 PM   #1

افتراضي حبنا الاول فرقنا - بقلمي



بسم الله الرحمن الرحيم
السلام عليكم ورحمة الله وبركاته .............
هذي اول رواية لي وبقلمي انا ملامه على الابتسامه
اخليكم الحين تستمتعو بالروايه واتمنى تعجبكم

حبنا الاول فرقنا
تعريف الشخصيات
دانا : بنت حلوه وجذابه حيييل شخصيتها قويه وما احد يقدر يهز فيها شعره الا اذا كان شخص عزيز على قلبها وتحب صديقاتها
ولا تخاف من احد وما تحب احد يفرض رايه عليها او يامرها بشي تحب تسوي كل شي من نفسها بس مع ذلك لا تفكرون انها بويه
بالعكس نااااعمه وكشخه ومو داجه بالمدرس ممتازه بس تنكت 24 ساعه تحب الوناسه وما تحب تشوف احد حزين لان لو شافت احد حزين بضيق خلقها
عمرها 15 سنه وهي بثالث متوسط تحب ابوها لانه معطيها على راحتها واي شي تقوله ما يقول لا وحنون معاهم تعالو نتعرف على ابوها
.................................................. .................................................. .................................................. .................................................. ........................
ابوها : اسمه احمد علي شخص مرره حنون ويحب عائلته ويتمنى يكونون احسن عائله بالوجود هو مدير ثانوية العيال ودائما يسوي رحلات بمدرسته ويسوي اي شي عشان ما يطفشون العيال
اصلا طلابه يعشقونه حييل لانه ما يحب الشده ولا الضرب او اي شي فيه عنف واي فكره يعرضونها عليه يوافق عمره 41 سنة
ويحب زوجته مو بس يحبها هي عيونه الي يشوف فيها تعالو نتعرف عليها
.................................................. .................................................. .................................................. .................................................. .................................................. ....
امها : اسمها وفاء محمد جمييييييييييييييييله مره تشبه لبنتها دانا انسانه تحب الطلعات بالاخص الطلعات اللي مع زوجها وعيالها لدرجة انها مخصصه يوم الاثنين لعائلتها يطلعون فيه اي مكان
كشخه مرررره عندها ذوق وشخصيتها قويه مثل بنتها دانا اصلا دانا طالعه عى امها والناس تحبها مرره ومافي احد يكرهها عمرها 37 سنة
تحب تجلس مع بنتها الكبيره وتسولف معاها تعالو نتعرف على بنتها الكبيره
.................................................. .................................................. .................................................. .................................................. .................................................. ....
جمانا : بنت حلوه طالعه لابوها اكثر شي تحبه صديقاتها والجامعه وتفكيرها كله وش تلبس بالجامعه وش تسوي شعرها وتحب تجلس مع امها دائما بالعصريه تسولف معاها عمرها 23 سنة
.................................................. .................................................. .................................................. .................................................. ...............................................
هشام : اخوها فله مررره يضحك دائما برا البيت ما يجي الا نص الليل يعشق اخته دانا مرره يحب يجلس معاها مو على الله لكن عشان سوالفها كلها عن (البنات) عمره21 سنة
.................................................. .................................................. .................................................. .................................................. ..................................................
حسام : اخوها الثاني نفس الشي ويطلع دائما مع اخوياه وينام عندهم او ينامون عنده مستحيل ينام يوم بدون ما يكون احد من اخوياه نايم جنبه عمره 17 يدرس بمدرسة ابوه وهو في ثاني ثانوي
.................................................. .................................................. .................................................. .................................................. .................................................. ...............

عائلة جيرانهم
عبد العزيز: يضحك ويعلق على اي شي ما يقدر يمسك نفسه لازم يحش ويحب اخوه وصديقه وحياته كلها ولد خالته وولد عمه نواف عمره 16 وباولى ثانوي
ويدرس بمدرسة ابو دانا ويسوي اي شي يجي في باله يعني بالعربي الفصيح ( متهور)
.................................................. .................................................. .................................................. .................................................. .............
انا ما ابي اطول لاني لو جلست اعرف الشخصيات ما راح اخلص عبد العزيز اسم ابوه خالد واسم امه نوره وعنده اخت اسمها هيفاء وهي مع دانا بنفس الفصل بس مو صديقتها
ونواف هذا ابوه اخو خالد ابو عبد العزيز وامه اخت نوره ام عبد العزيز يعني عيال عم وعيال خاله ونواف عنده اخت اسمها رشا مع دانا بنفس الفصل وصديقتها من وهم بالابتدائي
.................................................. .................................................. .................................................. .................................................. ...................................

الجزء الاول ( الباب الاول)
كان يوم الاربعاء في مدرسة البنات الحصة الثالثه اللي هي حصة الرياضيات وتعرفون محد منتبه للدرس والاستاذه خشتها طايره من العصبيه والبنات ولا همهم هذا كله بسبب ( طاقة يوم الاربعاء) حبنا الاول فرقنا بقلمي
وكانت دانا تسولف مع رشا وعندهم وحده مسويه بويه وع محد يحبها بس البنات يخافون منها ولا احد يقولها شي دائما تمر عالبنات وتضؤبهم وتغرقهم بالمويه او العصير يعني حركاتها تقهر بس ولا مره قربت
على دانا ( المهم ) كانت دانا وهي تتكلم مع رشا جاتها قارورة موية براسها من قوة الضربه سكتت خمس دقايق على بال ما تستوعب الضربه بعد الخمس دقايق التفتت على ريم التبن اللي دايم تضرب البنات
وراحت لحد ما وقفت قدامها وقفت ريم مستعده تبغى تتضارب دانا لا شعوريا عطتها كف نساها ماضيها واسمها ريم استغربت من الضربه وماتت من القهر لان هي دايم تضرب البنات بس ولا وحده قالت لها شي
الا دانا دافعت عن حقها وعطتها كف البنات استغربو مره من دانا بس في قلوبهم فرحانين لانهم حاسين انهم انتقمو منها عن طريق دانا
ريم : انتي كيف تتجرئين وتمدين ايدك علي انتي مين اصلا عشان تمدين ايدك
دانا : انتي اللي مين عشان ما امد ايدي عليك مرره شايفه نفسك ما ادري على ايش وع الله يقرفك ريحة فمك خايسه الله يسد نفسك كيف بتفسح الحين بعد ما شميت هالريحه وع وع
ريم تفشلت ومن الفشيله ما تدري وش تقول صارت تقلد كلامها وتقول
ريم : انتي اللي ريحة فمك خايسه وانتي اللي ما تنظفين اسنانك يا وصخه
في هذي اللحظه ريم اللي الناس كانت تخاف منها بانت على حقيقتها وطلعت شخصيتها ظعيفه
بعد هذا كله طلعوا البنات من المدرسه ورجعت دانا البيت وكلت ونامت وصحت المغرب وتحممت ولبست ونزلت وكلت شوي
دانا : ماما بروح بيت خالتي عايشه
وفاء : كان من البداية قلتي لي الحين ما اقدر اقول لا لانك لابسه ومخلصه
بس انا ارسلت السواق انتظري لحد ما يجي
دانا : لا عادي بانتظر برا
امها راحت تتحمم واختها جمانا راجعه من الدوام ونا يمه وخوانها لسه ما صحو
وقفت عند الباب تنتظر الا وريم وخوانها مرو بالسياره
ريم : هذي دانوه اللي تهاوشت اليوم معاها
اخو ريم : والله لانتقم لك منها وابرد قلبك ما بقى الا هذي تضيق خلقك
ريم : ليش وش بتسوي
اخو ريم يكلم اخوانه الباقين : انزلو هاتوها بسرعه بسرعه
اخوانه : تستهبل انت
اخو ريم : انا وش واقول ما تفهم انت وياه بسرعه
اخوانها الباقين : طيب طيب
نزلو وخذوها بسرعه وهي حاولت تنادي امها باعلى صوت بس امها كانت تتحمم ومحد كان يسمعها وكانت تبكي
وركبوها السيارة وراحو ونزلوها في قطعة ارض فاضيه بعيد من بيتهم بس انها في نفس الحي
وكان مرررررره برد ودانا لابسه خفيف حسبالها المسكينه بتروح بيت خالتها بعدين جلست تبكي وخايفه يجيها احد حاولت تروح وتدور بيتهم بس ما تعرف
وين مكانه جلست تبكي وتحاول تفكر ما قدرت تفكيرها مشوش مرت سياره فيها ناس اقصد فيها اشباح البنت خافت كان فيها شباب مرعبين اشكالهم تخوف كانهم
اشباح زي ما قلت يوم شافتهم زاد خوفها وزادت دموعها بعدين جلست على حالها تبكي مرت دقيقتين الا ومرت سيارة فيها ثنين صغار حست انهم امينين شوي مو زي الاولين
راحت ونقزت قدام السياره هم لما شافوها خافو وسوو بريك بقوه بغو يصدمونها لما وقفو جلسو شوي يتاملون شكلها وبخوف قفلو باب السياره بعدين لما شافو البنت تبكي انزلو لها
وقالت لم السالفه كلها وراح واحد منم وجاب الفروه طبعا الفروه لازم تكون بسيارة كل واحد سعودي وجاء وعطاها الفروه وخلوها تتلطم طبعا ما تعرف تتلطم جاها اللي كان يسوق ولطمها
عشان الناس لو شافوها مع عيال لحالها بالسيارة بشكون ركبو السيارة وكلهم ساكتين والاثنين هذيل بس يناظرون بعض ويتبسمون مستغربين اللي قاعد يصير واستمرو بالهدوء ولا كان في احد بالسيارة
بعدين سالها واحد : انتي وين ساكنه
دانا : روحو مدرسة البنات
لانها من هناك تدل بيتهم وراحو مدرسة البنات وراحو لين وصلو بيتها وقالو وهم منصدمين : انتي بنت احمد علي
دانا : وانتو وش عرفكم باسم ابوي
رد عليها واحد : احنا ندرس بمدرسته الثانويه وهذا بيتنا اللي جنبكم
حبنا الاول فرقنا بقلميتوقعون مين العيال اللي معها؟؟

انتظر ردودكمحبنا الاول فرقنا بقلمي حبنا الاول فرقنا بقلمي












آخر مواضيعي

0 حبنا الاول فرقنا - بقلمي
0 حبنا الأول فرقنا - بقلمي
0 حبنا الأول فرقنا - بقلمي



التعديل الأخير تم بواسطة ملامه على الابتسامه ; 22 - 3 - 2012 الساعة 06:54 PM
  رد مع اقتباس
قديم 22 - 3 - 2012, 09:57 PM   #2

。◕‿◕。 آنـسـه رجـه 。◕‿◕。
• مشرفة قسم كافية الاعضاء •
افتراضي رد: حبنا الاول فرقنا - بقلمي



>أبدعتي حيييل
بس انلحس مخي ما عرفت هم عياال من؟!
قولي انت,,ولآنشووف الأعضاااء العبااقره,>من بيجيبها؟!
لآلآهنتي يااسوكره
أستمري >عواافي










آخر مواضيعي

0 منزل قمه في الذوق
0 يمقن ايه ويمقن لا
0 كوني بقربه دائما
0 لم أرى ارحم,,منك يارسووولي...
0 الأعضاء في نظري ونظركم
0 البحر للهموم والسماء للعشاق
0 دع الدنيا تبكي من جبروت ابتسامتك
0 اخي إن قلبي الصغير لا يتحمل
0 صاحبي مالي على الصبر طاقه
0 حتى الحجر احبه


  رد مع اقتباس
قديم 23 - 3 - 2012, 01:21 AM   #3

افتراضي رد: حبنا الاول فرقنا - بقلمي



تسلمين حبيبتي عالرد
لكن اتمنى تكثر الردود عشان يزيد الحماس عندي










آخر مواضيعي

0 حبنا الأول فرقنا - بقلمي
0 حبنا الاول فرقنا - بقلمي
0 حبنا الأول فرقنا - بقلمي


  رد مع اقتباس
قديم 23 - 3 - 2012, 01:33 AM   #4

افتراضي رد: حبنا الاول فرقنا - بقلمي



تسلمييييين و بليز نبي التكمله










آخر مواضيعي

0 رواية اسوي المستحيل عشانه - بقلمي
0 تعرفي على نفسك


  رد مع اقتباس
قديم 23 - 3 - 2012, 02:45 PM   #5

افتراضي رد: حبنا الاول فرقنا - بقلمي



اشكرك حبيبتي عالرد بس انا اتمنى تكثر الردود لاني حاسه
ان ما فيه احد متحمس معاي انا اذا شفت الردود كثرت بكمل باذن الله










آخر مواضيعي

0 حبنا الأول فرقنا - بقلمي
0 حبنا الاول فرقنا - بقلمي
0 حبنا الأول فرقنا - بقلمي


  رد مع اقتباس
قديم 23 - 3 - 2012, 02:56 PM   #6

أنشودة المطر
خجلي موهوب
افتراضي رد: حبنا الاول فرقنا - بقلمي



مبدددددددددددددددددددددددعه ياعسوله
لقلمك التوفيييييييييق
ننتظر الجواب قريبا
استمتعت جدا في ثنايا متصفحك
لي عوده لمعرفه الحقيقه ،،،هههه
دمت مبدددددددددعة










آخر مواضيعي

0 افضل مطعم في بريطانيا ، صور مطعم تجره الخيول في بريطانيا ، صور مطعم رومانسي
0 بحث شامل عن القرآن الكريم 2014 ، Koran Kareem ، بحث عن القرآن الكريم 2014
0 ديكورات باللون الأورانج2012 ، صور ديكورات باللون الأورانج ، ديكورات باللون الأورانج جديدة
0 برودكاست بي بي منوع 2014 ، برودكاست جديد منوع 2014 ، اجدد برودكاستات 2014 ، برودكاست بي بي مميز 2014
0 هدف الغزوات الاسلامية ، اخلاق رسول الله في الحروب ، جهاد الرسول صلى الله عليه وسلم
0 وسائط اليمه 2012 ، مسجات للجوال جديدة 2012 ، رسائل رومانسيه 2012
0 فوائد مضغ العلكه ، ابتلاع العلكه ، طريقه ازاله العلكه من الملابس مجربه
0 اجدد برودكاست حميدان التركي 2013 ، برودكاست بلاك بيري حميدان التركي 2013
0 مجوهرات ذهب اسود 2014 ، صور ذهب باللون الاسود 2014 ، موضه الذهب الاسود 2014
0 مدونات منتدى خجلي ، مدونات رومانسية ، مدونات اعضاء خجلي ، مدونات مميزة ، احلى مدونات ، مدونات رائعة


  رد مع اقتباس
قديم 25 - 3 - 2012, 05:24 PM   #7

افتراضي رد: حبنا الاول فرقنا - بقلمي



مررررررررررره خطيره بليز كمليها مره متشوقه اعرف وش صار بليز كمليها










آخر مواضيعي


  رد مع اقتباس
قديم 5 - 4 - 2012, 01:42 PM   #8

افتراضي رد: حبنا الاول فرقنا - بقلمي



اسفه انا انشغلت شوي لكن باذن الله راح اكمل










آخر مواضيعي

0 حبنا الأول فرقنا - بقلمي
0 حبنا الاول فرقنا - بقلمي
0 حبنا الأول فرقنا - بقلمي


  رد مع اقتباس
قديم 5 - 4 - 2012, 04:11 PM   #9

افتراضي رد: حبنا الاول فرقنا - بقلمي



انا راح اكمل انشاء الله لكن انا مشغوله شوي يمكن الردود تحمسني
ابي ردودكم تكثر بليييييز










آخر مواضيعي

0 حبنا الاول فرقنا - بقلمي
0 حبنا الأول فرقنا - بقلمي
0 حبنا الأول فرقنا - بقلمي


  رد مع اقتباس
قديم 15 - 4 - 2012, 01:03 AM   #11

افتراضي رد: حبنا الاول فرقنا - بقلمي



حبنا الأول فرقنا - بقلمي

حبنا الأول فرقنا


الاثنين هم عبد العزيز ونواف

دانا : بآي
عبد العزيز : بآي
نواف : بآي
راحت دانا ودخلت بيتهم وشافتها جمانا أختها
جمانا : إنتي إمداك ترجعين
دانا : أصلا أنا ما رحت أنا انخطفت وجيت
جمانا ما عطتها وجه لأنها ما صدقتها. جمانا : بتروحين معاي لبيت خالتي عايشه اليوم عندها عشاء وبيجون خالاتي كلهم هناك أمي راحت لهم من المغرب وأنا بروح الحين بتروحين ولا بتجلسين بالبيت- دانا : بروح بس وش البس - جمانا : إنتي بالاول روحي تحممي وأنا بجهز لك لبس وبعدين جففي. شعرك وتعالي عندي عشان أسوي لك ستريت- دانا : آووووك بس أنا ما أكذب أنا بجد انخطفت - جمانا : روحي تحممي الله يخلف عليك بس - دانا : والله أنا لما طلعت انتظر السايق جات ريم وأخوإنها وسحبوني وركبوني بسيارتهم وقطوني بأرض فاضيه بعدين أنا جلست ابكي لحد ما شفت سيارة عيال جيراننا عبد العزيز وولد خالته نواف ونقزت قدام سيارتهم بعدين رككبوني ودليتهم البيت ورجعوني والحين أنا قدامك - جمانا : إنتي من جدك تتكلمين كيف صار كل هذا واحنا ويننا عنك - دانا : أنتو نائمين وأمي كانت تتحمم - جمانا : طيب يلا تجهزي الحين بعدين بالليل يبيلك جلسه تقولين لي فيها وش صار بالضبط - دانا : آووووك - في مكان ثاني في ( بيت خالتهم عايشه ) ندى : خالتي متى راح يجون جمانا ودانا - وفاء : الحين حبيبتي شوي وتحصلينهم قدامك - شروق : ندى. تعالي جات دانا - ندى : والله جايه جايه - شروق : وينك لا تتصلين - ندى : ولا فكرتي تسالين - شروق : أي والله إحنا بنات خالتك مهما كان لازم تتصلين وتسالين وتشوفين أخبارنا إذا إحنا عايشين ولا ميتين - ندى : فال الله ولا فالك وجع تتفاولين علي بالموت إذا إنتي تبين تموتين محد ماسكك لكن أنا أحب الحياة مابي أموت - شروق : وجع مين قال لك إنو أنا أبي أموت - ندى : أنا أدري عنك - دانا : بس خلااااااااااص أروح منكم وأرجع وأنتو نفس ما أنتو متى بتكبرون إن شاء الله - شروق : خلاص أسفين - دانا : تعالو أنا بنزل عبايتي بنات شرايكم بلبسي حلو ؟؟ - شروق : تهبلين وأنا أقول القمر طالع بدري اليوم والنجوم كثيرة آثاريها خاقة عليك تبي تشوفك - دانا : خخخخخخخخخخخخخخخخخخخخخخ تسلمين - ندى : ليش تضحكين ؟!!!!!! - دانا : ليش ما أضحك - ندى : هذي أكبر سامجه ليش تضحكين عليها ما تضحك أبدا - شروق : أرحمينا عاد ياللي تعرفين تنكتين - ندى : على الأقل أنا ما تسمجت وسويت نفسي أعرف انكت مو إنتي سامجة وما تضحكين وفوق هذا كله تتسمجين - شروق أقول إنتي ترى من اليوم وأنتي رافعه خشمك ما أدري على إيش - ندى : أنا ما رفعت خشمي أنا أقول الصدق - دانا : خلااااااااااااااااااااص ترى إذا ما سكتو بوقف بين هالناس كلهم وشقق ملابسي وبنفش شعري - شروق : ههههههههههههههه أما عاد تسوينها - دانا : أسويها ليش ما أسويها أنتو خليتوا فيني عقل عشان أعقل - ندى : خلاص أسفين - دانا : المهم بقول لكم شيء خخطيير بس مو الحين بقوله لكم بالليل - نقزت شروق قدام دانا وقالت : لا يمة أخاف - دانا : يا خبلة شيء ما يخوف - ندى : أجل وش - دانا : إحنا اليوم بننام عندكم وبالليل بنسهر وبقول لكم ولما جاء الليل وهم جالسين بالغرفة فاااااااااااااااااصل............... ندى بنت خالة عايشه وشروق أختها التوأم ودائما يتناجرون على كل شيء بس مع ذلك يحبون بعض وإذا شفتوهم ما تفرقون هذي من هذي يشبهون بعض حيييييل وعندهم أخت كبيرة اسمها غادة دائما مع جمانا ويحبون بعض وحتئ بنفس الجامعه مع بعض وشروق وندى في صف ثالث متوسط يعني زي دانا بس مو معاها بنفس المدرسة - نواااصل ....... وهم جالسين بالغرفه شروق : إنتي قلت بقول لكم شيء بالليل يلا قولي وش - دانا : إيه كنت بقول اني اليوم انخطفت - ندى : خخخخخخخخخخخخخخخخخخخ إنتي مريضه ولا من جدك - دانا : لا من جدي والله ريم خطففتني هي وأخوإنها وساعدوني عيال جيراننا. اللي هم أصدقاء أخوي حسام بس انتبهوا تقولون لأحد - ندى : إنتي من جدك كيف - شروق : أنا للحين ما استوعبت - ندى : ولا أنا طيب في أحد غيرنا يدري باللي صار - دانا. : يب أختي وبش خلاص قفلوا عالموضوع خلونا ننبسط ونسهر ونتابع أفلام - ندى : على طاري ترى فيه تحت بالمطبخ أغرااااض وشبسات وشكولاتات وفي توكس يا شروق - شروق : هاااااااه وليش ساكته من يوم - ندى : توني اتذكر ئلا بس خلونا ننزل ونسوي قهوة مارس ونجلس بالصالة مع غادة وجمانا بعدين هم بيروحون ينامون واحنا سهرتنا صباحي ونزلوا يمشون شوي شوي عشان أمهم ما تصحى ودخلوا المطبخ وجلسوا يسولفون ... دانا : رشا صديقتي اليوم بالدوام مسوية شعرها كعكه ناعمه تهبل ولابسه أساور ناعمة تدنن أنا لما أسولف معاها ما أطفش من وجهها أحس ودي طول الوقت أناظر فيها تجنن يا ليتكم تشوفونها بس عاد أخوها نواف نفسها بالضبط نسختها - شروق : وانتي وش دراك هاه - دانا : أنا شفته - ندى : مشاء الله عليك قزيتي الولد - دانا : والله عاد الولد قدامي وما تبيني اقز حلوه ذي في مكان ثاني في ( بيت عبد العزيز ) نواف : تصدق اين صاير أفكرر بالبنت كثيير - عبد العزيز : أي بنت - نواف : البنت اللي اليوم وصلناها بيتها - عزوز : نواف انتبه تحبها هذي أخت أعز أخويانا لا تحاول
نواف : لا ما عليك --- نواف وهو يكلم نفسه : أنا ليش صاير أفكر كثيير فيها لا يكون جد حبيتها لا لا ما أتوقع يمكن عشان اللي صار اليوم لكن مع الأيام بنساها - عزوز : يعني أنا ونواف اهتمامنا زايد في هذي البنت ليش منعت نواف انه يحبها لهدرجه أنا أناني .......

تتوقعون بيحبونها أو لا ومين اللي بيحبها فيهم وهي مين بتحب
انتظر ردودكم










آخر مواضيعي

0 حبنا الأول فرقنا - بقلمي
0 حبنا الأول فرقنا - بقلمي
0 حبنا الاول فرقنا - بقلمي


  رد مع اقتباس
قديم 15 - 4 - 2012, 02:33 PM   #12

افتراضي رد: حبنا الاول فرقنا - بقلمي



مرة خئال و أكثر شخصيه أعجبتني هي التوأم استمري










آخر مواضيعي


  رد مع اقتباس
قديم 27 - 4 - 2012, 09:52 PM   #14

افتراضي رد: حبنا الاول فرقنا - بقلمي



(البارت الثالث ونهاية الجزء الاول)

صحوا نواف وعبد العزيز من النوم كان يوم الخميس وعزوز لما صحى كان حلمان حلم غريب
ونواف كان يناظره باستغراب
نواف:وش في وجهك مسبه كذا
عزوز: واحد توه صاحي من النوم وش تبيني اسوي يعني
نواف : انا اقصد ان انت وجهك وجه واحد مخترش واضح انك متحلم حلم وخايف صح ؟!
عزوز : اقول فارق بس
نواف : طيب ما يحتاج تعصب ترى كلها سوال مو اكثر
وراحو يتغدون طبعا هم صاحين متاخر وهم عالغدا اتصل حسام
نواف : ارحب
حسام : سلمه
نواف : اخبارك
حسام : تمام وانت
نواف : تمام
حسام : اليوم انا عازم كل اخوياي وابيكم تجون وترى راح تنامون عندي
نواف : لا الله يخليك بعدين نتبلش بابوك زي المره اللي راحت يقعد يعطينا محاضرات وينشب لنا
حسام : ابشرك ابوي وامي بيسافرون طيارتهم اليوم بعد نص ساعه وهم الحين بالمطار اخوي هشام موصلهم يعني راح تنامون عندي اربع ايام وغصب عنكم بعد
نواف : اوك بس ما ادري يمكن ما نقعد اربع ايام
حسام : بعدين نتفاهم عليها متى بتجون ؟!
نواف : بعد المغرب ان شاء الله
حسام : انتظركم
نواف : اوك باي
حسام : باي
نواف : عزوز ترى حسام عازمنا وبنروح بعد المغرب ويمكن ننام عنده
..عزوز سرحان مو معاه ..
نواف : عزوز عزوووووووووووووووووووز وصمخ
عزوز : هاه
نواف : ما سمعتني
عزوز : وش قلت
نواف : لا الحلم فيه شي اكيد خلصني قول
عزوز : لا حلم ولا شي
نواف : اقولك تكلم خلصني
عزوز: واذا ما قلت وش بتسوي يعني
نواف : ولا شي
عزوز : ههههههه طيب بقول
نواف : يلا اسمعك
عزوز : بقول بس لا تقول لاحد
نواف : طيب
عزوز :انا تحلمت بدانا وتحلمت انها جاتني وقالت انها تحبني
نواف :طيب انت تحبها
عزوز : بيني وبينك ايه
نواف : امداك توك شايفها امس
عزوز : لا انا اصلا حبيتها من السنة اللي طافت
نواف : اوما عاد كيف عرفتها
عزوز : انا انام عند حسام اكثر منك وشفتها السنة اللي راحت كانت نازلة تشرب موية وانا كنت بالمطبخ وشفتها بس ما قالت شي شربت المويه وطلعت لغرفتها
نواف : وش تبي فيها هذي عاهرة
عزوز : وش فيك عليها بعدين ليش تحكم عالبنت وانت ما تعرفها زين
نواف : انت صدقت كلامها وبعدين صديقتها مخفه عشان تخطفها هي تحصلها طالعه مع واحد وكذب عليها ورماها بنص الشارع
عزوز : لا مستحيل
وراحو لنواف ولعبو وسولفو واستانسو ولما جاء الليل نامو عنده طبعا ندى وشروق كانو نايمين عند دانا وكانوا سهرانين بغرفة دانا
ولما جات الساعه 7 الصباح كانوا يبون اغراض من السوبر ماركت بس هي ما توصل الا الساعه 9 او 10
ندى : وش نسوي طيب لازم نشتري
شروق : خلونا ننتظر وش ورانا
ندى : لا ما نبي ننتظر انا عندي فكرة حلوة
دانا : يلا قولي
ندى : نروح على رجولنا
شروق : انهبلتي انتي
ندى : وش فيها وبعدين ترى قريبة مو بعيده
دانا : لا لا ما اتفقنا على كذا نسيتي المره لاولى انا مالي خلق انطق مره ثانية
ندى : الا عادي محد راح يعرف بنروح وبنرجع وهم نايمين
دانا : يلا الشكوى على الله
شروق : لا انا خايفه ما راح اروح معاكم
ندى : اقول امشي ولا ترى ما نشتري لك معانا
شروق : عادي
ندى : بكيفك يلا يا دانا مشينا
شروق : خلاص يلا بجي معاكم
وراحو واشترو اغراضهم وهم راجعين لحقوهم شباب وتوهقو والباب تسكر عليهم وما في الا بوابة الرجال الكبيرة لان الخادم المسؤول عن قسم الرجال يفتحها بالصباح ويسكرها بالليل
وهم يركضون
دانا: تعالوا بسرعه مع هذا الباب لان الباب الثاني تسكر علينا
وراحوا وراها ودخلوا وطبعا الشباب راحوا لانهم خلاص دخلوا بيتهم
دانا : الحين ما فيه الا هذا الباب وحسام واخوياه نايمين هنا وش نسوي يا تبن طيحتينا للمره الثانية بنفس المشكلة والله ما اسمع كلامك من اليوم ورايح
ندى : وش عادي بنقول لهم اممممممممممم
شروق : دايم عندك افكار ليش وقفت الحين هاه
ندى : مخي ما يشتغل بأوقات زي كذا
دانا : خلاص خلاص ما في الا الباب هذا تبون ولا لا
ندى : الا عادي ما عندي مشكلة
شروق : حتى انا
دانا : يلا بسم الله
وطقت الباب مع كل طقه قلوبهم يعني ترقص من الخوف
فتح حسام وعزوز ونواف وراه
حسام : وش جابكم هنا من وين جيتوا
دانا وبصوت متقطع : ووووالله ححنا كككنا نبي بس والله انا ما كنت لكن صار بس الحين انا
( من الخوف صارت تخبص بالكلام )
حسام : من وين جايين خلصوني
طبعا دانا من الخوف ما ردت وشروق نايمه بالعسل ( خاقه) على حسام لانها تحبه
ندى : حنا كنا نبي السوبر ماركت ولانها ما توصل بدري حنا اللي رحنا لها ولما رجعنا حصلنا الباب مسكر ومافيه الا هذا الباب وجينا من هنا وبس هذا اللي صار بتدخلنا ولا بنجلس هنا
حسام مسك دانا من كتفها وجاء يبي يطقها
عزوز وبدون شعور : لا تطقها
وكلهم لفوا عليه
عزوز : لا بس انا قلت عشان اللي سووه شي ما يحتاج الطق واذا تبي تطقهم طقهم
حسام دخلهم وراح يتفاهم معاهم فوق
حسام : افتحوا الباب وين بتروحون يعني
( من داخل الغرفة)
ندى : انا بدخل الحمام لحد ما يروح اخوك المتوحش هذا
شروق : وانا معاك
ودخلوا وراحت دانا فتحت الباب
حسام : اطلعوا انا عارف انكم بالحمام اطلعو بسرعه
شروق : هيه انتي اطلعي انا لا
ندى : لا مالي شغل انتي اللي اطلعي تعرفي عليه قبل الزواج مو انتي اللي بتتزوجينه وشو له انا اطلع
شروق : انا توحشت خلاص ما عاد ابيه عفته
حسام : اطلعوا ما تسمعون
وطلعو ولما طلعو
حسام : ليش تروحون وترى هذي مو اول مره وشو له تروحون كان صبرتوا كم ساعه وخلاص وش ذالحركات الماصخه اللي انتم تسوونها عيال انتم ؟!
ليش ساكتين
ندى : حنا كنا
حسام : بس ولا كلمة
وطلع حسام وجات دانا تمسك الجزمه ورمتها على طول بوجه ندى
ندى : اااي يا تبن انتي واخوك المحشش هذا يقول ليش ساكتين ولما تكلمت قال بس ولا كلمة طيب انا وش ذنبي وجع
دانا : الله الحين طلعت لك البراءه
(في مكان ثاني )
عزوز: حسام انا ابي مويه روح جيب لي الله يخليك
حسام : روح انت ما فيه احد تحت
عزوز عاد ما صدق كان يبي يشوف دانا وراح للمطبخ
والبنات كانو بالمطبخ يحوسون ودخل عليهم ندى من الصدمه كان معاها شبس كبير وضغطت عليه بقوة وانفتح
عزوز : اسف كنت ابي مويه حسام قال لي ما فيه احد تحت
دانا : طيب انتظر برا وانا الحين اجيب لك
ولما طلعت له هو ما خذا المويه بسرعه
عزوز: قبل لا اخذ المويه ابي اقولك شي
دانا : لو سمحت اخذ المويه
عزوز : انا احبك تكفين اعطيني وجه انا من السنة اللي طافت وانا اتعذب
دانا نزلت المويه عالارض ودخلت المطبخ وسكرت الباب وكانت متوترة مره
ندى نقزت بوجهها : شفيك وش قالك وش قلتي له وش صار
شروق : شوي شوي عالبنت
دانا طلعت لغرفتها وراحو وراها
دانا : بنات طلع يحبني من السنة اللي طافت
شروق : طيب واذا اسفههيه وخلاص
ندى : من جد طيب انتي ليش متوتره
دانا : لان انا احب نواف
ندى وشروق
ندى : انتي من جدك
دانا : لا بس الحين تاكدت انه نواف ما يحبني لان مستحيل يحبني وعزوز يحبني
اااخ يالقهر ليش كذا انا حظي دايم طايح
شروق : ما عليك انسيه وبس


هذا نهاية الجزء الاول وسامحوني اذا تاخرت عليكم وان شاء الله راح ابدا بالجزء الثاني
بس انا ما ابي الا ردودكم












آخر مواضيعي

0 حبنا الأول فرقنا - بقلمي
0 حبنا الاول فرقنا - بقلمي
0 حبنا الأول فرقنا - بقلمي


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حل كتاب لغتي الخالدة للصف الاول متوسط الفصل الاول ف1 صعب المنال المرحلة المتوسطة 17 4 - 11 - 2013 11:08 PM
حل اسئلة كتاب الانجليزي للصف الاول الثانوي الفصل الدراسي الاول ملآك المرحلة الثانوية 2 31 - 12 - 2012 11:37 PM
توزيع منهج الرياضيات للصف الاول ابتدائي الفصل الدراسي الاول ملآك المرحلة الابتدائية 2 7 - 3 - 2012 09:44 AM
روايتي الأولى صدفه جمعتنا وحقد الناس فرقنا ســ ح ـــر الـ ع ـيوون قصص - قصص قصيره - روايات - قصص واقعية - روايات طويلة 4 5 - 3 - 2012 12:34 AM
(¯`·._.·(حبنا يانور عيني لايضيع )·._.·°¯) ‏ ˚乂غً ـمووض انثى乂˚ فوتوشوب - فلاتر - فلاشات - سويتش - دروس - خامات - سكرابز 13 8 - 3 - 2009 09:43 PM


الساعة الآن 02:06 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول