متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 4 - 9 - 2012, 01:41 AM   #1

برنسيسة لندن
خجلي جديد
Icon10 مقالب مضحكه لشباب



<B data-find="_2">السلام عليكم ورحمة الله وبركاته
كيف حالكم يالمجنن
ان شاء الله تمام
قبل لاتقروون
قولوا
استغفرالله
استغفرالله
استغفرالله
خلني اكسب فيكم اجرالمهم
خذوو هالقصص
مدري المواقف
الي هي
مدري ليش لاوم اطوول الموضوع مع نفسي وبقوووهه
بسم الله
الموقف الأول : بوكيه ورد

هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..

انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!

يعني خربوا عليه أول ليلة في حياتهم .. بسبب هالتصرف !!!!!

***

الموقف الثاني : خمسين ألف ريال

هذا الله يسلمكم واحد تزوج وكانت اموره كل شي زي اللوز ، وكل شي عدا على خير
أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال ... عدل بدل ،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟

قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي

البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!

***

الموقف الثالث : بخاري

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق

***

الموقف الرابع : النور

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
يااااوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال

***

الموقف الخامس : مقلب عكسي

هذا واحد قرر يتزوج .. وقرر أنه هو اللي يسوي بأخوياه مقلب ،، يعني يتغدا بهم قبل يتعشون فيه
قال لأخوياه انه نوى يتزوج وكذا .. وجلس يستعد للزواج ،، ومن ضمن الاستعدادات .. طباعة كروت الدعوة
طبع كروت دعوة للأقارب والأهل بمكان القصر وموعد الزواج وكل شي .. وطبع كروت زواج خاصة لأخوياه .. وكتب فيها موعد الزواج يختلف عن موعد زواجه الفعلي بيوم ... وكتب فيها ان الزواج بيكون في البيت
الشباب اخذوا البطاقات .. وشكلهم كانوا ناوين يسوون فيه مقلب يوم زواجه
طبعا الرجال تزوج وعدت ليلته الأولى من أروع مايكون .. لا مقالب ولا هم يحزنون
يوم صار من بكره .. اللي هو موعد الزواج الوهمي لاخوياه خخخخخخخخخخخ لبسوا الشباب واللي راح الحلاق يكشخ .. وراحوا لبيت المعرس !! وش السالفة .. غريبة وين المعازيم ؟؟ مافيه الا سيارتين او ثلاث عند الباب
دخلوا .. ويسلمون على اخوان المعرس .. ويجلسون شوي بالمجلس .. ماش مافيه احد .. مب جو عرس !!
ويروح واحد يسأل اخو العريس .. وين فلان ؟؟
قال .. سافر
قالوا وش اللي سافر ؟؟ عسى ماشر بس ؟؟ وزواجه اليوم ؟؟؟؟
قال .. زواجه امس ... وسافر اليوم الصبح هو وزوجته

وتراه قايل لأهلي انكم بتجون عقب عرسي بيوم .. وترانا مسوين لكم عشاء وشغل مرتب .. والله يحييكم
</B>












آخر مواضيعي

0 قصائدعن المدعسه
0 اكبر معجزه بالعالم مفتاح يفتح جميع الابواب
0 وين تحب تجلس
0 ذكاء دكتور في الجامعه
0 ليش الشباب يضحكون على البنات
0 اخرهياط البنات
0 ورب النعمه كله هياط بهياط
0 اشياء تغث الشباب
0 خبال × هياط × دجه × رجه
0 انشووده تعلمك الكثيرر وتشجعك على تخطي صعاب الحياه


  رد مع اقتباس
قديم 4 - 9 - 2012, 02:02 AM   #2

افتراضي رد: مقالب مضحكه لشباب



هههههههههههههههههههههه اما شغل مرتب
عجبني العريس اللي مصحصح لاخوياه
مشكووره ع الطرح اللي اسعدني
ووودي الدائم لسمموك










آخر مواضيعي

0 هل تؤيد/ين تفتيش اخيك او اختك لجوالك او تعتبرونه من خصوصياتكم
0 احلى بنات خجلي لعونكم
0 كتبت الشعر لحامد زيد
0 هلا وغلا اريج الورد
0 كثيرا مانصنف أنفسنا من الفئة الحزينه
0 اجمل ماقيل بالحب والغزل
0 ياللي تغرك
0 لماذا نحب
0 فلافل تركيه
0 معلوات غريبه


  رد مع اقتباس
قديم 4 - 9 - 2012, 07:37 PM   #5

مخيل المطر
خجلي فعال
افتراضي رد: مقالب مضحكه لشباب



هههههههههههههههههههههههههه
احد فاضي للمقالب في ذيك اللحظه لوانا مكانه اخذتهم بالرشاش
ع العموم مقالب حلوه بس لو انها بعد اربعين سنه من الزواج يكون الواحد فضي شوي هههه

راقت لي حيل
الله يسلمك ويسمنك
اعجابي وتقييمي










آخر مواضيعي

0 خيانة زوج لا تخطر على البال
0 ضمني يازين باحضانك
0 ترى عيوني هواوية وقلبي خضر
0 يدفيني حنان الشوق ونظرة منك تكفيني
0 ذبحني غلاك اللي سرى مثل سم الداب
0 شواطيء رائعة ومثيرة في مملكتنا الحبيبة صور رائعة
0 22 إمرأة ورجل واحد (2)
0 بين الخطا والخطا
0 ابد ماجا على بالي تعاملني بدون شعور
0 ضمني يازين باحضانك


  رد مع اقتباس
قديم 19 - 10 - 2012, 05:48 PM   #7

فواز حسن
خجلي فعال
افتراضي رد: مقالب مضحكه لشباب



العزيزة الحلوة الجميلة المحترمة
الودودة الوفية المخلصة الأصيلة
الذوق الرقيقة الكريمة الغالية ///
برنسيسة لندن *****
مودتى لروحك الصافية الوثابة، محبتى لقلبك الطيب النقى التقى الطاهر الكريم النبيل الشريف ،
بارك الله فيك ومتعك بالصحة والعافية
جزاك الله خيرا

كل الشكر والتقدير والاحترام لك </b></i>










آخر مواضيعي

0 لوحات رسمت بيد فنان وكأنها صور حقيقية التقطت ببراعة فائقة
0 بالصور| ماريا كورنيخو تتألق بمجموعتها في أسبوع "مرسيدس بينز" للموضة
0 من أروع وأجمل القصائد الضوئية 2012
0 نقوش الحناء والوشم
0 توجد فى مصرنا الغالية , مياديم وشوارع للثورات
0 بالصور| سكارليت جونسون تتألق بـ"فستان موف" في مهرجان تورنتو السينمائي
0 معلومات عن برج دبى ...
0 هدايا العيد
0 يؤثر على نمو الجنين ، الوقوف لفترات طويلة أثناء الحمل
0 كل مسلم يجب أن يتحلى بكريم الأخلاق وحسن الأدب


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
مسجات مضحكه جدا 2014 , اقوي رسائل مضحكه , مسجات جوال مضحكه حبر العيون جوالات - اتصالات - مسجات - sms - mms - برامج جوال - نغمات - ثيمات 2 7 - 9 - 2012 08:44 AM
مسجات مقالب , احلى رسايل مقالب , رسايل جوال مقالب قصيره رحيق الجنه جوالات - اتصالات - مسجات - sms - mms - برامج جوال - نغمات - ثيمات 0 9 - 8 - 2012 07:13 AM
رسائل مقالب للحبيب , رسائل مقالب للزوج , رسائل مقالب قصيرة , رسائل مقالب مصرية حبر العيون جوالات - اتصالات - مسجات - sms - mms - برامج جوال - نغمات - ثيمات 0 3 - 8 - 2012 01:38 AM
برودكاست مقالب 2013 , برودكاست بلاك بيري مقالب 2013 , برودكاستات مقالب 2013 صعب المنال بلاك بيري - برامج بلاك بيري - خلفيات بلاك بيري - ثيمات بلاك بيري 1 17 - 7 - 2012 05:36 AM
برودكاست بلاك بيري مقالب 2012 - برودكاست مقالب 2012 - برودكاست مقالب للبلاك بيري صعب المنال بلاك بيري - برامج بلاك بيري - خلفيات بلاك بيري - ثيمات بلاك بيري 1 9 - 7 - 2012 05:07 PM


الساعة الآن 08:34 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول